Clasificación mundial da FIFA

A selección española ocupa actualmente o primeiro lugar da clasificación.

Partido de fútbol entre Brasil e Alemaña.

A clasificación mundial da FIFA (oficialmente Clasificación Mundial FIFA/Coca-Cola, tamén coñecido como ranking FIFA) é un sistema de clasificación das 208 seleccións de fútbol masculino pertencentes á FIFA, utilizado dende agosto de 1993. Esta clasificación baséase nos resultados dos partidos oficiais entre as distintas seleccións a través da entrega de puntos. O actual sistema considera os resultados do últimos oito anos, ponderando con maior valor os resultados máis recentes para reflectir de mellor forma a competitividade actual dos equipos e outras variables, como as características do rival, o lugar de realización do partido e o torneo en que foi disputado (por exemplo, asignándolle maior valor ás fases finais da Copa Mundial de Fútbol que a partidos amigables).

Aínda que esta clasificación é obxectiva ao utilizar fórmulas matemáticas, foi obxecto dun intenso debate, debido a que non reflicte realmente o poder de certos equipos e non considera a traxectoria e a historia das diferentes seleccións. Debido a isto, a FIFA decidiu utilizar un novo sistema, o cal rexe desde o 12 de xullo de 2006. Existen outras clasificacións baseadas en sistemas como, por exemplo, o sistema de puntuación Elo utilizado no xadrez. Dende o mes de xullo de 2010, o equipo que ocupa o primeiro posto da clasificación mundial é España.

Historia

Equipos líderes da
Clasificación FIFA

En agosto de 1992 a FIFA en conxunto ao seu auspiciador, Coca-Cola, introduciron un sistema de clasificación para as seleccións nacionais adultas masculinas co fin dunha comparación básica das forzas relativas entre os equipos. A través deste sistema, a FIFA realizou diversos cálculos (por exemplo, para a asignación das cabezas de serie no sorteo da Copa Mundial de Fútbol de 2006). Ao longo dos anos implementáronse diversos trocos para poder precisar o sistema de clasificación, principalmente en 1999 e 2006.

Trocos de 1999

A clasificación orixinal entregaba a cada equipo, 1 punto por empate e 3 por vitoria, de igual forma ao que se utiliza tradicionalmente nos sistemas de ligas. Con todo, a FIFA recoñeceu posteriormente a existencia de diferentes factores que afectan os resultados dos partidos internacionais. Así, foi deseñado un novo sistema para poder recoñecer estes factores e ter unha mellor forma de comparar diversos equipos de diferentes confederacións. Os principais cambios foron:

• Os puntos foron escalados nun factor de 10.
• O método de cálculo dos puntajes foi modificado incluíndo os seguintes factores:
  • Cantidade de goles a favor e en contra.
  • Lugar do enfrontamento (local ou visita).
  • Importancia do partido segundo competición.
  • Forza rexional ou da confederación.
• Os puntos asignados por vitoria ou empate deixan de ser fixos.
• As derrotas poden entregar algúns puntos.

Xunto a isto creáronse dous títulos:

• Equipo do ano.
• Salto do ano.

Aínda que o sistema de clasificación volveuse máis complexo, os cambios axudaron a dar máis precisión.

Cambios de 2006

A pesar dos cambios de 1999, o sistema foi amplamente criticado por non entregar unha clasificación correcta e xusta dos equipos. Para isto, FIFA debeu introducir un novo sistema que debutou o 12 de xullo de 2006, días despois do fin da Copa Mundial de Fútbol de 2006.

Entre os cambios máis importantes figuran o cambio do período de avaliación de oito a catro anos e a simplificación do método de cálculo, eliminando as consideracións de goles e localía. Tamén foi modificada a importancia atribuída aos tipos de encontros.

Líderes

Cando o sistema foi lanzado, Alemaña foi o primeiro líder debido ao seu longo éxito tras tres finais consecutivas da Copa Mundial incluíndo o título de 1990. Brasil e Italia alcanzaron o tope da clasificación durante algúns meses debido aos seus exitosos procesos clasificatorios para a Copa Mundial de Fútbol de 1994.

Alemaña recobraría o primeiro lugar durante un tempo ata que Brasil arrebatoullo ao alcanzar o título de 1994. Os suramericanos só serían excedidos pola selección de Francia, tras alcanzar a Copa Mundial de Fútbol de 1998 e a Eurocopa 2000. Brasil volvería ao sitial máximo tras gañar a Copa Mundial de Fútbol de 2002 e a Copa América 2004 e manteríao, a pesar de alcanzar soamente o 5º lugar en Alemaña 2006.

Durante os meses seguintes, o desempeño brasileiro permitiulles conservarse no primeiro posto. Con todo, tras resultados adversos durante xaneiro de 2007, foi desprazado por Italia na clasificación do mes seguinte. Desde ese momento, o liderado da clasificación entraría nunha etapa de constante inestabilidade: Italia mantivo un breve reinado por dous meses e en marzo de 2007, Arxentina obtivo por primeira vez o primeiro lugar. A vitoria brasileira na Copa América 2007 volvería a encumbrarlos na clasificación no mes de xuño. Italia, a Arxentina e o Brasil liderarían por curtos períodos de forma intermitente, ata que a Albiceleste alcanzou o dominio absoluto desde outubro de 2007.

En xullo de 2008 alcanzou o liderado a selección de fútbol de España tras lograr o título na Eurocopa 2008, e mantívoo un ano até que en xullo de 2009 perdeuno a mans do Brasil, que subiu ao primeiro posto tras gañar a Copa Confederacións 2009, na que España quedou en terceiro lugar. Brasil e España disputáronse o liderado nos meses seguintes camiño á Copa Mundial de Fútbol de 2010, na cal tras a vitoria española, confirmouse o liderado deste último equipo.

Selección	Período
Alemaña	Agosto de 1993
Brasil	Setembro e outubro de 1993
Italia	Novembro de 1993
Alemaña	Decembro de 1993 a marzo de 1994
Brasil	Abril a maio de 1994
Alemaña	Xuño de 1994
Brasil	Xullo de 1994 a abril de 2001
Francia	Maio de 2001 a maio de 2002
Brasil	Xuño de 2002 a xaneiro de 2007
Italia	Febreiro de 2007
Arxentina	Marzo de 2007
Italia	Abril de 2007 a xullo de 2007
Brasil	Xullo a setembro de 2007
Italia	Setembro a outubro de 2007
Arxentina	Outubro de 2007 a xullo de 2008
España	Xullo de 2008 a xullo de 2009]]
Brasil	Xullo de 2009 a novembro de 2009
España	Novembro de 2009 a abril de 2010
Brasil	Abril de 2010 a xullo de 2010
España	Xullo de 2010 a xullo de 2011
Países Baixos	agosto de 2011
España	setembro de 2011 a xuño de 2014
Alemaña	xullo de 2014 a xuño de 2015
Arxentina	xullo de 2015 a outubro de 2015
Bélxica	novembro de 2015 a marzo de 2016
Arxentina	abril de 2016 a marzo de 2017
Brasil	abril de 2017 a xuño de 2017
Alemaña	xullo de 2017
Brasil	agosto de 2017
Alemaña	setembro de 2017 a xullo de 2018
Francia	agosto a setembro de 2018
Bélxica e  Francia	setembro a outubro de 2018
Bélxica	outubro de 2018 a febreiro de 2022
Brasil	dende marzo de 2022

Clasificación actual

Resumo da clasificación masculina

• Fonte: Clasificación Mundial FIFA Coca Cola masculinaArquivado 12 de xuño de 2018 en Wayback Machine.

Última actualización: 6 de outubro de 2022.
Próxima actualización: 22 de decembro de 2022.

Brasil chega á cima da clasificación, tras 3 anos de dominación belga.

Pos.	V	Selección	Confederación	Puntos
1		Brasil	Conmebol	1841.30
2		Bélxica	UEFA	1816.71
3		Arxentina	Conmebol	1773.88
4		Francia	UEFA	1759.78
5		Inglaterra	UEFA	1728.47
6	1	Italia	UEFA	1726.14
7	1	España	UEFA	1715.22
8		Países Baixos	UEFA	1694.51
9		Portugal	UEFA	1676.56
10		Dinamarca	UEFA	1666.57
11		Alemaña	UEFA	1650.21
12	3	Croacia	UEFA	1645.64
13	1	México	Concacaf	1644.89
14	1	Uruguai	Conmebol	1638.71
15	1	Suíza	UEFA	1635.92
16	2	Estados Unidos	Concacaf	1627.48
17		Colombia	Conmebol	1611.04
18		Senegal	CAF	1584.38
19		Gales	UEFA	1569.82
20	2	Irán	AFC	1564.61

Resumo da clasificación feminina

• Fonte: Clasificación Mundial FIFA Coca Cola femeninaArquivado 05 de xullo de 2018 en Wayback Machine.

Última actualización: 13 de outubro de 2022.
Próxima actualización: 9 de decembro de 2022.

A selección dos Estados Unidos continúa afirmada na cima da clasificación.

Pos.	V	Selección	Confederación	Puntos
1		Estados Unidos	CONCACAF	2086.48
2	1	Suecia	UEFA	2066.30
3	1	Alemaña	UEFA	2064.75
4		Inglaterra	UEFA	2051.61
5		Francia	UEFA	2023.09
6	2	España	UEFA	1997.74
7		Canadá	CONCACAF	1997.31
8	2	Países Baixos	UEFA	1994.69
9		Brasil	CONMEBOL	1989.98
10		Corea do Norte	AFC	1940
11		Xapón	AFC	1918.16
12	1	Noruega	UEFA	1910.78
13	1	Australia	AFC	1903.10
14	1	Italia	UEFA	1865.09
15	1	China	AFC	1862.87
16	2	Islandia	UEFA	1850.91
17	1	Corea do Sur	AFC	1849.16
18	1	Dinamarca	UEFA	1847.17
19	1	Austria	UEFA	1793.68
20	1	Bélxica	UEFA	1791.37

Críticas

Dende a súa introdución en 1993, a clasificación da FIFA foi intenso obxecto de debate, particularmente os procedementos para calcular o posto dunha selección e a disparidade entre a calidade aparente e a posición dalgunhas seleccións. Por exemplo, Noruega alcanzou o segundo lugar en outubro de 1993 e en xullo de 1995, e os Estados Unidos chegáronos ao cuarto posto da clasificación para sorpresa dos propios xogadores.

Unha mostra da disparidade entre a calidade efectiva das seleccións e a clasificación oficial foi durante a Copa Mundial de Fútbol de 2006. Equipos como Chequia e os Estados Unidos (situados nos lugares 2º e 5º, respectivamente) non pasaron a segunda rolda, mentres equipos como Alemaña (no lugar 19º) chegou até as semifinais.

Un dos argumentos da crítica é que o sistema de clasificación só ten en conta o desempeño dos equipos sobre un período de oito anos e que o desempeño dos equipos non ten correlación coa clasificación. Tamén se argumenta que en confederacións de menor calidade en xeral (como a AFC e a Concacaf), as súas seleccións ven sobrevaloradas, mentres que os equipos de confederacións máis competitivas (como a UEFA e a Conmebol) son desprazados a lugares menores.

Os fallos no ordenamento levaron á elaboración de sistemas alternativos de clasificación como o Sistema de puntuación Elo e o sistema RSSSF.

Véxase tamén

Ligazóns externas

• Clasificación actualizada en FIFA.comArquivado 03 de novembro de 2015 en Wayback Machine.
• Métodos de cálculo da clasificación Arquivado 18 de abril de 2020 en Wayback Machine.