DHC Delft
| DHC Delft | ||
|---|---|---|
| Nome | Delfia Hollandia Combinate | |
| Fundación | 17 de marzo de 1910 | |
| Estadio | Brasserkade, Delft | |
| Presidente | Vacante | |
| Adestrador | Rob de Lange | |
| Liga | Sunday Hoofdklasse A (2014-2015) | |
| Na rede | ||
| http://www.dhc-delft.nl/ | ||
| ||
Delfia Hollandia Combinatie (coñecido habitualmente polas súas siglas DHC), é un club de fútbol da cidade de Delft, na Holanda Meridional (Países Baixos). Na tempada 2016-2017 xoga na liga de fútbol afeccionado Hoofdklasse A.[1]
Historia
[editar | editar a fonte]
O equipo foi fundado o 17 de marzo de 1910. O DHC participou nas competicións de fútbol profesional desde 1955 a 1968, chegando a rematar dúas veces en segunda posición na segunda categoría do país (Eerste Divisie). Previamente, en 1933, un dos seus xogadores, Joop van Nellen, chegou a formar parte da Selección dos Países Baixos nun partido xogado ante a Selección de Bélxica.
En 1967, o DHC acadou a derradeira posición na Eerste Divisie e, por mor dos problemas financeiros derivados dese feito, o club viuse obrigado a fusionarse cunha sección do Xerxes de Rotterdam, que daquela xogaba na primeira división do país. No entanto, os problemas financeiros non acabaron e a entidade acabou por disolverse.
Un ano antes da fusión co Xerxes, en 1966, e fóra do fútbol profesional, o DHC puxo en marcha unha nova sección de afeccionados que comezou competindo na Vierde Klasse (a sétima categoría do fútbol holandés da época). Algo máis dunha década máis tarde, o DHC acadou as ligas superiores do fútbol afeccionado, ata que en 1983 e en 1985 conseguiu o campionato do fútbol afeccionado holandés.[2]
Notas
[editar | editar a fonte]- ↑ "Indelingen Divisies en hoofdklassen bekend" Arquivado 28 de xullo de 2017 en Wayback Machine.. Voetbal Rotterdam. 28 de xuño de 2017. (En neerlandés)
- ↑ "DHC – Heden & verleden" Arquivado 16 de xuño de 2013 en Archive.is. En DHC-delft.nl. (En neerlandés)
Véxase tamén
[editar | editar a fonte]Ligazóns externas
[editar | editar a fonte]- Sitio web oficial do DHCArquivado 06 de outubro de 2017 en Wayback Machine.