Dorothy Gale

Dorothy Gale é unha personaxe ficticia, protagonista na maioría dos Libros de Oz, escritos polo autor estadounidense L. Frank Baum. Dorothy aparece por vez primeira no clásico infantil de Baum O mago de Oz e reaparece en moitas outras secuencias. Tamén é a protagonista no clásico filme de 1939, unha adaptación do libro.

Os libros clásicos

Dorothy Gale e o seu cadeliño Totó foron levados por un tornado dende a granxa dos tíos, en Kansas, e acabaron na imaxinaria Terra de Oz. Dorothy, despois de vivir varias aventuras na compaña do León Covarde, do Home de Folladelata e do Espantallo, finalmente encontrou o feiticeiro de Oz, que os axudou a arranxar os seus problemas. O mago de Oz foi escrito por L. Frank Baum (1856-1919) en 1900. Na maioría dos libros de Oz, Dorothy é a heroína principal das historias.

Dorothy aparece xunto ao seu trío de amigos e incluso coa líder de Oz, a Princesa Ozma. O apelido de Dorothy, Gale (que significa 'tempestade'), é por vez primeira mencionado no libro Ozma of Oz.

Dorothy está presente en catorce libros sobre Oz escritos por L. Frank Baum e tamén é un personaxe que frecuentemente aparece nos dezanove libros sobre Oz escritos por Ruth Plumly Thompson. Moitos outros libros sobre Oz que tamén inclúen a Dorothy Gale foron escritos, até os día de hoxe.

Os filmes de 1910 e de 1914

En 1910 L. Frank Baum adaptou o seu libro The Wonderful Wizard of Oz nun filme, sendo o primeiro a mostrar o personaxe de Dorothy Gale, interpretada pola actriz Bebe Daniels. En 1914 L. Frank Baum adaptou o seu libro The Patchwork Girl of Oz nun filme dirixido por J. Farrell MacDonald. Dorothy foi representada no filme pola actriz Mildred Harris, que tiña apenas trece anos de idade.

O filme de 1939 - un clásico

Levado á estrea en 1939, nos primordios do cinema a cor, o filme The Wizard of Oz iníciase en branco e negro, a partir da chegada de Dorothy a Oz, as cores xorden. No filme de 2013 ‘’Oz: The Great and Powerful’’, repítese o mesmo efecto.

A adaptación comete algunhas "alteracións" a respecto do libro, por exemplo a dos zapatiños prateados que Dorothy usa en Oz, que no filme son os característicos zapatiños vermellos. No libro o home de Folladelata era un leñador transformado por bruxa que acabara perdendo todos os membros en accidentes de traballo - sendo cada parte do corpo entón substituída por outra feita de lata.

Dorothy é interpretada por Judy Garland. Shirley Temple chegou a ser escollida para facer o papel, mais a gran popularidade de Garland, así como a súa semellanza coa nena debuxada polo ilustrador William Wallace Denslow fixeron que esta fose a escollida. Judy Garland recibiu un Óscar especial por este traballo.

Aparencia

No libro orixinal, Dorothy Gale era unha rapariga mestiza cos cabelos roibos e un vestido vermello, mais co filme O mago de Oz coa interpretación de Judy Garland, Dorothy ficou máis coñecida como unha preadolescente branca cos cabelos castaño escuro.

Véxase tamén

Outros artigos

O mago de Oz

Ligazóns externas

Libro The Wonderful Wizard of Oz -- Download gratuíto no Proxecto Gutenberg("en inglés")
The Wonderfull Wizard of Oz FAQ—Preguntas e respostas sobre os Libros de Oz ("en inglés")
Piglet Press Arquivado 21 de xaneiro de 2013 en Wayback Machine.—Páxina sobre Oz ("en inglés")
Páxina de fans sobre Oz ("en alemán").