Edward Cullen
Edward Cullen (nado Edward Anthony Masen) é un personaxe de ficción das novelas da serie Twilight da escritora estadounidense Stephenie Meyer, aparece nos libros Twilight, New Moon, Eclipse e Breaking Dawn, así como nos filmes baseados nelas e na aínda inacabada Midnight Sun - unha reescritura dos sucesos de Twilight desde a perspectiva de Edward.
Traxectoria vital do personaxe
[editar | editar a fonte]Edward é un vampiro que vive como fillo adoptivo nunha familia de vampiros, Carlisle Cullen (pai), Esme Cullen (nai) e outros catro irmáns tamén adoptados: Rosalie Hale, Jasper Hale, Alice Cullen e Emmett Cullen. Todos os Cullen decidiron non nutrirse do sangue de seres humanos, tan só de animais, definindo o seu estilo de vida como vexetariano. Edward namórase, casa e ten un fillo con Bella Swan, unha rapaza humana que máis tarde elixe converterse nunha vampira. Nos filmes Twilight e New Moon interprétao o actor Robert Pattinson.
