Fernando Torres
 | Este artigo (ou sección) está desactualizado(a). A información fornecida mudou ou é insuficiente. |
 (2017)  | |||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
| Biografía | |||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
| Nacemento | (es) Fernando José Torres Sanz 20 de marzo de 1984 (40 anos)Fuenlabrada, España | ||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
| Outros nomes | El niño | ||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
| Altura | 186 cm | ||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
| Peso | 78 kg | ||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
| Actividade | |||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
| Ocupación | futbolista, adestrador de fútbol | ||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
| Período de actividade | 2001 - | ||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
| Nacionalidade deportiva | España | ||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
| Deporte | fútbol | ||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
| Liga | Premier League | ||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
| Posición de xogo | Dianteiro | ||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
| |||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
| Participou en | |||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
| 2014 | Mundial de Fútbol Brasil 2014 | ||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
| 2012 | Eurocopa de Fútbol Polonia/Ucraína 2012 | ||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
| 2010 | Mundial de Fútbol Suráfrica 2010 | ||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
| 2009 | Copa Confederacións Suráfrica 2009 | ||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
| xuño de 2008 | Eurocopa de Fútbol Austria/Suíza 2008 | ||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
| 2006 | Mundial de Fútbol Alemaña 2006 | ||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
| 2004 | Eurocopa de Fútbol Portugal 2004 |
||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
| Premios | |||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
| Sitio web | fernando9torres.com | ||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
        | |||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
Fernando José Torres Sanz, nado en Fuenlabrada (Madrid) o 20 de marzo de 1984 é un exfutbolista español, de orixe galega. Xogaba na demarcación de dianteiro, o equipo no que xogou máis tempo foi o Atlético de Madrid e retirouse en 2019 no Sagan Tosu do Xapón, adestrado alí polo catalán Lluís Carreras.
Tamén xogou na selección de fútbol de España, coa que gañou a Copa Mundial de Fútbol en 2010 e as Eurocopas de 2008 e 2012, un triplete inédito na historia do fútbol.[1] Marcou o único gol da vitoria na final da Eurocopa 2008 e tamén marcou un e asistiu outro dos catro goles na final da Eurocopa 2012, na que recibiu, con tres goles, a Bota de Ouro ao máximo goleador da competición.[2]
Traxectoria
[editar | editar a fonte]Naceu en Fuenlabrada, sendo fillo de José Torres, un emigrante galego de Gastrar, Boqueixón, e de Flora Sanz.[3]
Comezou a xogar na canteira do Atlético de Madrid cando tiña dez anos e debutou en primeira división do fútbol español co seu equipo o 1 de setembro de 2002 no Camp Nou, empatando co FC Barcelona 2-2. No club madrileño estivo xogando cinco tempadas consecutivas, onde obtivo unha media de 15 goles e un récord de 23 goles por tempada en 2003-04.
O seu debut como internacional foi o 6 de setembro de 2003 no partido Portugal 0 - 3 España. Torres participou na Copa Mundial de Fútbol de 2006.
En 2007 ficha polo Liverpool FC, por 36 millóns de euros, co que se converte na fichaxe máis cara nos 150 anos de historia do club inglés e a máis cara da tempada 2007/2008 en Europa. O 16 de xullo debuta co Liverpool FC nun amigable ante o Werder Bremen (3-2 para os Reds). O 11 de agosto debuta oficialmente co Liverpool FC no partido de liga Aston Villa-Liverpool FC (1-2).
No inverno da tempada 2010/2011 vai para o Chelsea FC, custando a súa fichaxe 56 millóns de euros.
Selección nacional
[editar | editar a fonte]
En 2001 impúxose no «Torneo Algarve» coa selección sub-16 española. Tamén venceron no campionato europeo sub-16 da UEFA, no que Torres anotou o único tanto da final e foi elixido mellor xogador do campionato. En novembro dese mesmo ano representou a España no Mundial Sub-17 de 2001, no que a selección foi eliminada na fase de grupos. En 2002 impúxose no europeo sub-19, no que foi nomeado futbolista do torneo e de novo anotou o único tanto da final.
O 6 de setembro de 2003 debutou coa selección nacional nun amigable ante Portugal. O 28 de abril de 2004 anotou o seu primeiro tanto ante a selección italiana, e foi convocado á Eurocopa dese ano.
Na fase de clasificación para o Mundial de Alemaña 2006 anotou sete tantos en once partidos, entre eles un hat-trick a San Marino, sendo o máximo goleador español de devandita fase. No Mundial marcaría outros 3 goles, compartindo o pichichi con David Villa.
Foi convocado para a Eurocopa 2008. Marcou dous goles na fase de clasificación e outros dous na Eurocopa, un deles o único tanto da final contra Alemaña (1-0), dando a España a segunda Eurocopa da súa historia.
O 28 de marzo de 2009 disputou ante Turquía o seu encontro número sesenta coa selección (durante a fase de clasificación para o Mundial de 2010) converténdose no futbolista máis novo en lograr este fito. Aínda que as lesións marcaron a tempada impedíndolle disputar un considerable número de encontros clasificatorios, anotou nun amigable ante Chile tras substituír a Villa na segunda metade. No verán Vicente del Bosque convocouno para disputar a Copa Confederacións. Durante a disputa desta competición anotou o seu segundo hat-trick con España ante o combinado neozelandés; o hat-trick máis rápido da historia da selección. Tamén disputou o encontro de semifinais ante Estados Unidos -no que o combinado nacional foi derrotado (2-0)-, así como o encontro ante Suráfrica -no que os españois impuxéronse (3-2) no tempo de desconto.
En 2010 volveu ser convocado por Vicente del Bosque para disputar o Mundial de Suráfrica. O 11 de xullo de 2010 proclamouse campión da Copa Mundial de Fútbol coa selección española en Suráfrica.
Clubs e estatísticas
[editar | editar a fonte]| Club | Tempada | Liga | Copa local[4] | Copa continental[5] | Total | ||||||
|---|---|---|---|---|---|---|---|---|---|---|---|
| Part. | Goles | Part. | Goles | Part. | Goles | Part. | Goles | ||||
Atlético de Madrid España
|
2000–01* | 4 | 1 | 2 | 0 | 6 | 1 | ||||
| 2001–02* | 36 | 6 | 1 | 1 | 37 | 7 | |||||
| 2002–03 | 29 | 13 | 2 | 1 | 31 | 14 | |||||
| 2003–04 | 35 | 21 | 5 | 2 | 40 | 23 | |||||
| 2004–05 | 38 | 16 | 6 | 2 | 5 | 2 | 49 | 20 | |||
| 2005–06 | 36 | 13 | 4 | 0 | 40 | 13 | |||||
| 2006–07 | 36 | 14 | 4 | 1 | 40 | 15 | |||||
| Total | 214 | 82 | 24 | 7 | 5 | 2 | 243 | 91 | |||
Liverpool FC Inglaterra
|
2007–08 | 33 | 24 | 2 | 3 | 11 | 6 | 46 | 33 | ||
| 2008–09 | 24 | 14 | 5 | 1 | 9 | 2 | 38 | 17 | |||
| Total | 57 | 38 | 7 | 4 | 20 | 8 | 84 | 50 | |||
| Total | 264 | 117 | 30 | 11 | 22 | 10 | 318 | 140 | |||
| Datos correspondentes ó 21 de abril de 2009[6]
* Segunda división | |||||||||||
Palmarés
[editar | editar a fonte]Club
[editar | editar a fonte]- Atlético de Madrid
- Chelsea
- FA Cup: 2011–12
- UEFA Champions League: 2011–12
- UEFA Europa League: 2012–13
Internacional
[editar | editar a fonte]- España sub-16
- España sub-19
- España
Distincións individuais
[editar | editar a fonte]| Distinción | Ano |
|---|---|
| Goleador do Campionato Europeo sub-16 da UEFA | 2001 |
| Mellor xogador do Campionato Europeo sub-16 da UEFA | 2001 |
| Goleador do Campionato Europeo sub-19 da UEFA | 2002 |
| Mellor xogador do Campionato Europeo sub-19 da UEFA | 2002 |
| Mellor xogador debutante na Premier League | 2008 |
| Mellor xogador da Final da Eurocopa | 2008 |
| Mellor xogador do ano "Northwest Awards" Premier League[7] | 2008 |
| Balón de bronce | 2008 |
| Terceiro lugar do Xogador Mundial da FIFA | 2008 |
| Bota de Prata da Copa FIFA Confederacións | 2009 |
| Incluído no equipo ideal FIFA/FIFPro[8] | 2009 |
Fichaxe máis cara da Premier Ligue.
5º xogador español mais caro da historia.
Fernando Torres e Galiza
[editar | editar a fonte]O seu pai é de Boqueixón e a súa nai madrileña. Dende 1990 pasaba os veráns na localidade de Estorde, en Cee[9]. Durante os veráns coñeceu a súa compañeira, unha rapaza chamada Olalla[10]. Teñen unha filla chamada Nora (nada en Compostela en xullo de 2009) e un fillo chamado Leo (nado en Liverpool en decembro de 2010).
Outros datos
[editar | editar a fonte]Participou no videoclip da canción "Ya nada volverá a ser como antes" do grupo pop El canto del loco, onde a súa moza marchaba co vocalista do grupo.
Notas
[editar | editar a fonte]- ↑ Marca, ed. (1 de xullo de 2012). "España reescribe a historia".
- ↑ As, ed. (2 de xullo de 2012). "Torres, Bota de Ouro da Euro".
- ↑ "Galicia es la 'Ñ': Marcelino es galleguiño y Fernandiño (Torres) tiene aquí su origen". El Correo Gallego (en castelán). 30 de xuño de 2008. Consultado o 10 de xuño de 2021.
- ↑ Considéranse os partidos xogados na Copa do Rei
- ↑ Considéranse os partidos xogados na Liga de Campións da UEFA, a Copa da UEFA e a Copa Intertoto.
- ↑ "Sitio web oficial de Fernando Torres. 30 de xuño de 2007". Arquivado dende o orixinal o 30 de xuño de 2008. Consultado o 30 de xuño de 2008.
- ↑ Futbolista do ano nos Northwest Awards
- ↑ "FIFPro.org - O Once Mundial FIFA/FIFPro sae a escena en Zúric". Arquivado dende o orixinal o 16 de xuño de 2010. Consultado o 04 de xuño de 2010.
- ↑ O pasado galego de Torres: O neno que creceu na praia de Cee Arquivado 02 de xullo de 2008 en Wayback Machine., La Voz de Galicia, 28/06/08
- ↑ "Biografía en Portal Mix". Arquivado dende o orixinal o 30 de xuño de 2008. Consultado o 29 de xuño de 2008.
Véxase tamén
[editar | editar a fonte]Ligazóns externas
[editar | editar a fonte] | ||
| ||
| ||
| Control de autoridades |
|
|---|
- Nados en 1984
- Nados en Fuenlabrada
- Españois de ascendencia galega
- Futbolistas da Comunidade de Madrid
- Dianteiros de fútbol
- Xogadores do Atlético de Madrid
- Xogadores do Liverpool FC
- Xogadores do Chelsea FC
- Xogadores do AC Milan
- Xogadores da selección de fútbol de España sub-21
- Xogadores da selección de fútbol de España
- Medalla de Ouro da Real Orde do Mérito Deportivo
- Xogadores do Mundial de Fútbol de 2014
- Futbolistas gañadores da Liga de Campións da UEFA
- Futbolistas gañadores da Eurocopa
- Futbolistas gañadores do Mundial