Filoloxía galega

Facultade de Filoloxía da Universidade de Santiago de Compostela

A filoloxía galega é a rama da filoloxía que se ocupa do estudo da lingua galega. Esta titulación fornece un ensino literario e lingüístico relacionada co contexto galego. Impártese en Galiza (Na Universidades da Coruña, de Santiago de Compostela e de Vigo). Ademais existe oferta de lingua galega, minors e graos de estudos galegos en universidades de ámbito estatal e internacional. Está moi relacionada coa filoloxía portuguesa.

Ensino en Galiza

Ata a década dos anos 1980, os estudos de filoloxía galega adscribíanse coma unha sección de Filoloxía hispánica chamada especialidade en Filoloxía galego-portuguesa, pero logo foron segregados coma unha carreira á parte. Na actualidade a filoloxía galega estúdase nos campus de Santiago, A Coruña e Vigo. No ensino universitario galego, as filoloxías estaban centradas tradicionalmente na Universidade e Campus de Santiago de Compostela, se ben coa segregación das universidades coruñesa e viguesa puxéronse en funcionamento centros e facultades en varios campus.

A distribución das diferentes Filoloxías nos Campus galegos é a seguinte:

Universidade de Santiago de Compostela	Campus de Santiago	Filoloxías galega, hispánica, inglesa, francesa, italiana, alemá, portuguesa, románica, italiana e clásica
	Campus de Lugo	Filoloxía hispánica
Universidade da Coruña	Campus da Coruña	Filoloxía galega, hispánica e inglesa
	Campus de Ferrol	non hai filoloxías
Universidade de Vigo	Campus de Vigo	Filoloxía galega, hispánica, inglesa (e Tradución e interpretación)
	Campus de Pontevedra	non hai filoloxías
	Campus de Ourense	non hai filoloxías

Véxase tamén

Outros artigos

• Filoloxía catalá