Froilán
 | Este artigo contén varias ligazóns externas e/ou bibliografía ao fin da páxina, mais poucas ou ningunha referencia no corpo do texto. Por favor, mellora o artigo introducindo notas ao pé, citando as fontes. Podes ver exemplos de como se fai nestes artigos. |
.jpg)  | |
| Biografía | |
|---|---|
| Nacemento | 833 Lugo, España |
| Morte | 904 (Gregoriano) (70/71 anos) |
 Bispo de León | |
| 900 – 905 Diocese: diocese de León | |
| Datos persoais | |
| Relixión | Igrexa católica |
| Actividade | |
| Ocupación | sacerdote católico |
| Enaltecemento | |
| Día de festividade relixiosa | 5 de outubro |
 | |
Froilán, nado no Regueiro dos Hortos (actual barrio do Carme) en Lugo no ano 833[1] e finado en León o 5 de outubro do 905,[2] foi un relixioso anacoreta galego e bispo de León. Nomeado santo, é patrón da diocese de Lugo e da cidade do mesmo nome.
Traxectoria
[editar | editar a fonte]Monxe
[editar | editar a fonte]
Viviu como anacoreta na gruta de Ruitelán no Bierzo, agora convertida en ermida, e continou despois con idéntica vida nas montañas de Curueño[3]. A súa vida de meditación, oración e hospitalidade, déronlle sona de home santo. Moitos acudían a el en busca de consolo e alento e para todos tiña unha verba acertada e acolledora. Predicaba entre montañeses e labregos. Tradicións populares dan testemuño da súa presenza na Virgen del Camino, Virgen de Velilla, Liébana e Valdera.
Xunto con Atilano, un presbítero de Tarazona, comezou a organizar aos ermitáns dos montes dos Ancares e dos montes de León en comunidades monásticas. Vivían unha vida de pobreza, traballo manual, obras de caridade e oración. Atribúeselle a fundación do mosteiro de Valdecésar, trala súa morte, moi favorecido polos reis de Galicia Ordoño II e Elvira Menéndez.
Co avance da repoboación cristiá no occidente peninsular, estableceron comunidades no val do Esla no mosteiro de Távora e no mosteiro de Moreruela.
Bispo
[editar | editar a fonte]
Morto o bispo de León, Vicente, o pobo unanimemente reclama do rei astur-galaico Afonso III o nomeamento de Froilán como bispo. Como aínda non era sacerdote, na cerimonia recibiu antes o sacramento da orde. O toma do báculo fíxose perante a corte do monarca de Oviedo e con aclamación de todo o pobo. Exerceu como bispo con xustiza e benevolencia, defendendo aos pobres, os febles e os doentes. No ano 905, morreu en loor de santidade. Foi soterrado na catedral antiga e posteriormente foron trasladados os seus restos, por orde do rei de Ordoño II, reinando xa en León, á nova Catedral.
Del contáronse prodixios como que amansaba os lobos e curaba os enfermos.
A súa festa celébrase o 5 de outubro, día do seu pasamento.
Represéntase vestido de monxe ou de bispo, con mitra e báculo. Pode acompañarse cun lobo manso, que leva unha bolsa coa Biblia.
San Froilán na cultura popular galega
[editar | editar a fonte]- San Froilán, mete a rella e tira o pan (recomenda comezar cos labores da arada e sementeira do centeo).
Notas
[editar | editar a fonte]Véxase tamén
[editar | editar a fonte]Bibliografía
[editar | editar a fonte]- Dicionario biográfico de Galicia 2. Ir Indo Edicións. 2010-2011. p. 122.
- de Prado Reyero, Julio (1994). Siguiendo las huellas de San Froilán. Editorial San Esteban. ISBN 9788487557705.
- Ferro Ruibal, Xesús (1992). Diccionario dos nomes galegos. Vigo.
- Vilanova, et alii, Alberto (2005). "San Froilán". Gran Enciclopedia Galega (DVD). El Progreso. ISBN 84-87804-88-8.
- Vilela, Adolfo de Abel (2009). Lugo. Santiago de Compostela: Xunta de Galicia. ISBN 978-84-937139-5-9.
