George Shaw

George Shaw
	;
Biografía
Nacemento	10 de decembro de 1751 ; Aylesbury, Reino Unido
Morte	22 de xullo de 1813 (61 anos); Londres, Reino Unido
Residencia	Inglaterra
Educación	Hertford College (Oxford) (pt) ; Universidade de Oxford
Actividade
Campo de traballo	Botánica, zooloxía, medicina e general practice (en)
Ocupación	conservador, ictiólogo, ornitólogo, médico, escritor de non ficción, botánico, zoólogo, médico de cabeceira
Empregador	Universidade de Oxford ; Museo Británico
Membro de	Royal Society (1789–); Sociedade Linneana de Londres
Interesado en	Botánica
Obra
Abreviación dun autor en botánica	G.Shaw
Abreviatura do autor en zooloxía	Shaw
Premios
	Membro da Sociedade Linneana de Londres ;
Descrito pola fonte	Dictionary of National Biography; Dicionario Enciclopédico Brockhaus e Efron; Medvik >>>:Sajdák, Eduard, 1934-2008,

Non confundir con George Bernard Shaw.

George Kearsley Shaw, coñecido na bibliografía internacional como George Shaw, nado o 10 de decembro de 1751 en Bierton, Buckinghamshire, Inglaterra, e finado o 22 de xullo de 1813 en Londres, foi un médico, botánico e zoólogo inglés.

Traxectoria

Macido en Bierton, Buckinghamshire, e estudou no Hertford College, da Universidade de Oxford, recibindo o seu M.A. en 1772. En 1786 foi profeso auxiliar de botánica na Universidade de Oxford. Foi cofundador da Sociedade Linneana de Londres en 1788, e elixido membro da Royal Society en 1789.

En 1791, foi conservador auxiliar da sección de Historia Natural do Museo Británico. Dándose conta de que a maioría dos espécimes que doara ao Museo Hans Sloane estaban en moi malas condicións; o material médico e anatómico que se enviou ao Museo do Royal College of Surgeons, os animais taxidermizados estaban tan deteriorados que deberon ser queimados. A paga do Museo era tan mala que Shaw tivo que escribir moito tempo, e así descoidou a conservación da colección.

Publicou unha das primeiras descricións inglesas cos nomes científicos dalgúns dos animais australianos comúns na súa Zooloxía da Nova Holanda (1794), como se denominaba Australia naquela época. Foi un dos primeiros científicos en examinar un ornitorrinco, e publicou a primeira descrición científica desta especie en The Naturalist's Miscellany, en 1799.

Publicacións

Zoology of New Holland and the isles adjacent, orixinariamente publicado en partes xunto con A specimen of the botany of New Holland de James Edward Smith. O título da obra resumiuse en Zoology and botany of New Holland and the isles adjacent / the zoological part by George Shaw ; the botanical part by James Edward Smith (1794).
Museum Leverianum, con selectos espécimes do museo de Sir Ashton Lever (1792-1796).
General Zoology, or Systematic Natural History (16 vols.) (1809-1826) (vols. do IX ao XVI por James Francis Stephens).
The Naturalist's Miscellany, Or, Coloured Figures Of Natural Objects; Drawn and Described Immediately From Nature (1789-1813) con Frederick Polydore Nodder (artista e gravador).

Abreviaturas

A abreviatura G.Shaw emprégase para sinalar a George Shaw como autoridade na descrición e clasificación científica en botánica.
A abreviatura Shaw emprégase para eccoñecer a George Shaw como autoridade na descrición e taxonomía en zooloxía.

Véxase tamén

Bibliografía

Mullens e Swann (1917): A Bibliography of British Ornithology.
William T. Stearn (1998): The Natural History Museum at South Kensington. Londres, Reino Unido: The Natural History Museum. ISBN 978-0-5650-9030-2.