Gijón Baloncesto

	Gijón Baloncesto
Información xeral
Fundación	1982
Desaparición	2009
Cores	Vermello, branco
Localización
Cidade	Xixón, España
Pavillón	Palacio de Deportes
Capacidade	5.197

O Gijón Baloncesto foi un club profesional de baloncesto español con sede na cidade de Xixón, Asturias. Fundado en 1982, militou durante catro temporadas na ACB, máxima categoría do baloncesto español, sendo o único equipo asturiano en conseguilo. Após descender á LEB Prata en 2007, o equipo aguanta dúas temporadas dúas temporadas até desaparecer por problemas financeiros.^[1]

Historia

O 26 de novembro de 1981 un grupo de persoas representantes de clubs e colexios nos que se practicaba o baloncesto xuntaron os seus intereses comúns co fin de revitalizar este deporte en Xixón. O proxecto foi madurando após acadar o apoio de clubs e autoridades. O 7 de xuño de 1982 o club adquire os dereitos federativos do Real Grupo de Cultura Covadonga, equipo que entón militaba na Segunda División, a terceira categoría do baloncesto español. O club, baixo o mando de Pedro Zorrozúa no banco, comezaría a súa andaina xogando no Pavillón da Area. A temporada do club foi un éxito xa que conseguiu 23 vitorias en 24 partidos e o ascenso á Primeira División B nunha fase celebrada en Melilla. Na segunda categoría competiu até a temporada 1994−95, ano no que o equipo consegue o seu primeiro ascenso á máxima categoría, a Liga ACB.

Na primeira campaña do club na ACB, o contou cos xogoadores David Fernández, Sergio Cortés, Johnny McDowell, José Luis Casaprima, Paco Gómez, Arturo Cavero, Borja Rodríguez, Toño Grana, Juan Antonio Hernández, Roberto Carvajal, Pablo Noguero e Juanjo Meana, dirixidos desde o banco por Iñaki Iriarte. Con todo, o equipo descende após finalizar en último lugar con tan só oito vitorias. Porén, o equipo non tardaría en regresar á elite, conseguindo ascender de novo na temporada 1998−99 da man do técnico galego Moncho López. Esta vez o equipo conseguiría disputar tres campañas consecutivas na ACB, onde destacar xogadores como Javi Pérez, Tomás Jofresa, Luis Scola, Lou Roe, Glen Whisby, Hernán Jasen, Jackie Espinosa, Javi Rodríguez, José Ramón Esmorís ou Pep Cargol. Nesta etapa na ACB o equipo consvértese en Sociedade Anónima Deportiva. Co descenso de categoría, o club compite entre as temporadas 2002−03 e 2006−07 na Liga LEB, contando nas súas filas con xogadores como Saúl Blanco, Mark Bigelow ou Antxon Iturbe. Porén, o equipo volvería descender no 2007, pasando a xogar na Liga LEB Prata. Logo da fuga de patrocinadores e os malos resultados que foron deixando sen aire ao equipo, no 2009 o club cesou a súa actividade ao non inscribirse en ningunha competición por non conseguir cartos para inscribirse na competición.

Xogadores

Destacados

Adestradores

Os seguintes foron os adestradores do Gijón Baloncesto.

Pedro Zorrozúa (1982–1983)
José Antonio Figueroa (1983–1984)
Ed Johnson (1984–1985)
Ricardo Hevia (1985–1987)
Emilio de Diego (1987)
Trifón Poch (1987–1988)
Eduardo Ayuso (1988)
Ed Johnson (1988–1989)
Víctor Lago (1989)
Antonio Garrido (1990–1991)
Ed Johnson (1991)
Víctor Lago (1991–1992)
Antonio Garrido (1990–1991)
Víctor Lago (1992)
Antonio Garrido (1992)
Ángel Martín-Benito (1993)
Bill McCammon (1993–1995)
Iñaki Iriarte (1995–1996)
Luis Casimiro (1996–1997)
Vicente Charro 1997
Pepe Rodríguez (1997–1998)
Moncho López (1998–2002)
Moncho Fernández (2002–2005)
Diego Tobalina (2005–2006)
Joaquín Prado (2006–2007)
Jorge Elorduy (2007–2008)
Jenaro Díaz (2008–2009)

Historial

Ano	Nivel	Liga	Pos.	V–D	Outras copas
1982–83	3	2ª Div.	1º	27–2
1983–84	2	1ª Div. B	6º	13–13
1984–85	2	1ª Div. B	10º	12–14
1985–86	2	1ª Div. B	11º	15–16
1986–87	2	1ª Div. B	14º	18–16
1987–88	2	1ª Div. B	12º	17–23
1988–89	2	1ª Div.	5º	20–13
1989–90	2	1ª Div.	12º	14–20
1990–91	2	1ª Div.	8º	20–19
1991–92	2	1ª Div.	7º	22–19
1992–93	2	1ª Div.	18º	15–19
1993–94	2	1ª Div.	7º	19–18
1994–95	2	EBA	1º	29–10
1995–96	1	ACB	20º	9–33
1996–97	2	LEB	5º	20–11	Copa Príncipe	2º
1997–98	2	LEB	9º	13–15
1998–99	2	LEB	2º	26–13	Copa Príncipe	CF
1999–00	1	ACB	16º	11–23
2000–01	1	ACB	15º	11–23
2001–02	1	ACB	18º	6–28
2002–03	2	LEB	8º	16–18
2003–04	2	LEB	12º	15–19
2004–05	2	LEB	10º	15–19
2005–06	2	LEB	12º	15–19
2006–07	2	LEB	17º	15–24
2007–08	3	Prata	3º	26–12	Copa LEB Prata	SF
2008–09	3	Prata	13º	10–20

Notas

↑ "Desaparece el Gijón, equipo de LEB Plata". elcorreo.com (en castelán). 22 de xullo de 2009.

Véxase tamén

Ligazóns externas

[1] "Desaparece el Gijón, equipo de LEB Plata". elcorreo.com (en castelán). 22 de xullo de 2009.

[1]