Glen Jacobs

Glen Jacobs

(2021)
Biografía
Nacemento	(en) Glenn Thomas Jacobs 26 de abril de 1967 (57 anos) Torrejón de Ardoz, España
Alcalde Condado de Knox (pt)
2018 –
Datos persoais
Ideoloxía política	Anarcocapitalismo (pt) e Escola Austríaca de Economía
Educación	Truman State University (en)
Altura	213 cm
Peso	323 lb
Actividade
Ocupación	político (2017–), actor (2006–), loitador profesional (1992–), baloncestista (–1989), axente de seguros
Período de actividade	1992 -
Partido político	Partido Republicano
Nacionalidade deportiva	Estados Unidos de América
Deporte	wrestling profissional (pt) (1992–) baloncesto (–1989)
Adestrado por	Dean Malenko (pt) Ray Candy (pt)
Traxectoria   Equipo –1989 Truman Bulldogs men's basketball –1989 Truman Bulldogs football

Glen Thomas Jacobs (nado o 26 de abril de 1967), máis coñecido por Kane, é un loitador profesional e actor. Traballa actualmente na World Wrestling Entertainment na súa marca RAW. É medio irmán de Mark Calaway.

Jacobs foi 2 veces Campión Mundial: 1 vez campión da WWE e outra da ECW. Tamén destacan os seus reinados como Campión Hardcore, dous como Campión Intercontinental e 9 como Campión Mundial en Parellas.

Carreira

Inicios

Jacobs comezou a súa carreira como loitador profesional en 1992. Primeiro foi coñecido como Angus King, ó debutar na zona de Saint Louis. Posteriormente trasladouse ó sur e comezou a loitar como The Christmas Creature e Doomsday, aparecendo na United Stated Wrestling Association. Tamén competiu no Xapón coa promoción Pro Wrestling Fujiwara Gumi baixo o seu nome real.

Smokey Mountain Wrestling

Jacobs debutou na SMW utilizando o nome de Unabomb. O 7 de abril de 1995, Unabomb e Al Snow derrotaron a The Rock 'N Roll Express, gañando o Campionato en Parellas da empresa, o primeiro campionato na carreira de Jacobs..

O 12 de agosto de 1995, Al Snow e Unabomb foron derrotados por Tracy Smothers & Dirty White Boy, perdendo os Campionatos de Parellas. Como resultado da derrota, Unabomb foi despedido de Smokey Mountain Wrestling.

Glen Jacobs firmou un contrato coa WWF días despois de deixar a SMW.

World Wrestling Federation/Entertainment

1995-1996

Jacobs fixo o seu debut na World Wrestling Federation (WWF) como "Dr. Isaac Yankem DDS", o dentista privado de "Jerry "the King" Lawler". Jacobs loitou varias veces contra Bret Hart; durante o seu primeiro combate en SummerSlam perdeu por descualificación..

Participou como o falso Kevin Nash, cando Jim Ross o introduciu como o compañeiro do falso "Razor Ramon".

1997-1998

O 5 de outubro de 1997 fixo o seu debut na WWF, baixo o nome de "Kane", no evento Bad Blood durante a loita Hell in a Cell na que estaban loitando Shawn Michaels e Mark Calaway. A súa aparición custoulle a derrota ó seu amigo "The Undertaker".. Kane retou a Undertaker a unha loita, pero este rexeitouna. Despois de varios meses, interferiu novamente nun combate de Mark Calaway, prendéndolle lume dentro dun ataúde. Undertaker fixo a súa volta en WrestleMania XIV, onde derrotou a Kane.. Esta serie de combates entre os dous culminou en Unforgiven nun Inferno Match, onde Undertaker novamente saíu victorioso..