Jim Wright
| Biografía | |||||||||||||||||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
| Nacemento | 28 de marzo de 1959  California, Estados Unidos de América | ||||||||||||||||||||||||||||||||||
| Morte | 25 de novembro de 2022 (63 anos) | ||||||||||||||||||||||||||||||||||
| Datos persoais | |||||||||||||||||||||||||||||||||||
| País de nacionalidade | Estados Unidos de América | ||||||||||||||||||||||||||||||||||
| Educación | Universidade de Rhode Island (pt)  | ||||||||||||||||||||||||||||||||||
| Altura | 205 cm | ||||||||||||||||||||||||||||||||||
| Actividade | |||||||||||||||||||||||||||||||||||
| Ocupación | baloncestista , actor | ||||||||||||||||||||||||||||||||||
| Lingua | Lingua inglesa | ||||||||||||||||||||||||||||||||||
| Nacionalidade deportiva | Estados Unidos de América | ||||||||||||||||||||||||||||||||||
| Deporte | baloncesto | ||||||||||||||||||||||||||||||||||
| Liga | Baloncesto masculino da División I da NCAA | ||||||||||||||||||||||||||||||||||
| Posición de xogo | Pivote | ||||||||||||||||||||||||||||||||||
| |||||||||||||||||||||||||||||||||||
James Leroy Wright Jr., máis coñecido como Jim Wright ou Jimmy Wright, nado o 28 de marzo de 1959 no estado de California,[1] Estados Unidos, e falecido o 28 de novembro de 2022, foi un xogador profesional de baloncesto estadounidense que xogou na NCAA e na Liga ACB, entre outras competicións. Está considerado un dos mellores "matadores" historia da ACB.[2] O seu fillo, Devin Wright, é tamén baloncestista profesional.
Traxectoria
[editar | editar a fonte]
Rhode Island Rams (1977−1981)[3]
Los Andinos (1983)
Peñas Huesca (1983–1984)
Breogán Lugo (1984–1986)
Cañada Santa Fé (1986)- Peñas Huesca (1986–1987)
- Bosco Coruña (1987–1988)[4]
- Valvi Girona (1988–1989)
SL Benfica (1991)
Marcha do Breogán
[editar | editar a fonte]En plena tempada de éxitos do Breogán, Jim Wright di que abandona o equipo tralo seu partido o 29 de xaneiro de 1986 no Pionir Hall de Belgrado, nun encontro no que anotou 42 puntos ao Estela Vermella. Segundo o club no seu momento, o abandono do club do xogador debíase a presuntas ameazas de morte por parte da xente que subministraba cocaína ao xogador, droga a cal as mesmas fontes do club dicían que estaba enganchado. Segundo a versión de Wright abandonaba o club por mor de problemas persoais. Con todo a lembranza que deixou o xogador en Lugo foi moi grande sendo un dos ídolos da afección e un dos xogadores máis queridos.[5]
Rexistros
[editar | editar a fonte]- É o quinto xogador da historia da liga ACB con maior media de puntos por encontro con 22,5.
- É o décimo xogador da historia da liga ACB con maior media de rebotes por encontro con 9,4.
- É o quinto máximo anotador da historia do Club Baloncesto Breogán de Lugo con 1254 puntos.
- É o cuarto máximo anotador da historia do Club Baloncesto Breogán de Lugo durante a existencia da ACB con 1254 puntos.
- É o quinto máximo reboteador da historia do Club Baloncesto Breogán de Lugo con 532 rebotes.
- É o cuarto máximo taponador da historia do Club Baloncesto Breogán de Lugo con 84 tapóns.
Vida persoal
[editar | editar a fonte]- Tivo un papel con diálogo na película "La vieja música" (do castelán: A vella música), na que interpretaba o pivote titular do Club Baloncesto Breogán, Art Davis, que se fai amigo da filla pequena do adestrador.[6]
- O seu fillo Devin Wright, nacido en Lugo, é tamén xogador de baloncesto, chegando a xogar coa selección galega.[7]
Notas
[editar | editar a fonte]- ↑ Guía oficial. Liga 1988-1989. Barcelona: Tibidabo. 1988. p. 160. ISBN 84-86421-45-4.
- ↑ Os 50 mellores matadores
- ↑ "Jimmy Wright College Stats. College Basketball at Sports-Reference.com". College Basketball at Sports-Reference.com (en inglés). Arquivado dende o orixinal o 01 de decembro de 2017. Consultado o 2017-11-24.
- ↑ J., Ramón (5 de abril de 2020). "Historia de los ascensos a ACB (1987-88) (III): Mayoral Maristas, Toshiba Las Palmas, Valvi Girona, Tenerife y Breogán". lucentumblogging.com.
- ↑ "Resultados de Breogán en 1986-87". Arquivado dende o orixinal o 10 de abril de 2016. Consultado o 14 de maio de 2010.
- ↑ La vieja música en imdb.com
- ↑ Adepal reforza o seu xogo interior coa incorporación do pivote Devin Wright
Véxase tamén
[editar | editar a fonte]Ligazóns externas
[editar | editar a fonte]- Ficha en acb.com
- Ficha en worldhoopstats.com
- Ficha en basketball-reference.com Arquivado 11 de setembro de 2021 en Wayback Machine.
