John George Kemeny

John George Kemeny
	;
Biografía
Nacemento	(hu) Kemény János György ; 31 de maio de 1926 ; Budapest, Hungría
Morte	26 de decembro de 1992 (66 anos); Etna, Estados Unidos de América (en)
Causa da morte	morte natural
Lugar de sepultura	Dartmouth College Cemetery (en) 43°42′15″N 72°17′30″O / 43.70415, -72.2916111
Presidente Dartmouth College
	1970 – 1981 ; ← John Sloan Dickey (en) – David T. McLaughlin (en) →
Datos persoais
Grupo étnico	Pobo xudeu
Educación	Universidade de Princeton - doutoramento (1945–1949); George Washington Educational Campus (en) (1940–1945)
Tese académica	Type-Theory vs. Set-Theory (en) (1949 )
Director de tese	Alonzo Church
Actividade
Ocupación	matemático, economista, university president (en) , profesor universitario, informático teórico, educador
Empregador	Dartmouth College (1953–1992) ; Universidade de Princeton (1947–1953) ; Proxecto Manhattan (1946–1946)
Membro de	Academia das Artes e das Ciencias dos Estados Unidos
Participou en
1939	Proxecto Manhattan
Obra
	Obras destacables constante de Kemeny (pt) ; (1964) BASIC; (1979) Report of the President's Commission on the Accident at Three Mile Island : the need for change : the legacy of TMI / United States. - 1979 (en) ;
Doutorando	Václav Edvard Beneš, John Albert Higginson (en) , Neal Weidenhofer (en) e Michael Jay Berg (en)
Premios
	(1985) Prêmio Pioneiro da Computação (pt) ;
Descrito pola fonte	Biographical Dictionary of Modern American Educators (en)

John George Kemeny, nado como Kemény János György en Budapest o 31 de maio de 1926^[1] e finado en Lebanon (New Hampshire) o 26 de decembro de 1992 foi un matemático, científico computacional e profesor estadounidense de orixe húngara, coñecido por desenvolver^[2] a linguaxe de programación BASIC en 1964 con Thomas E. Kurtz. Kemeny foi o 13.º presidente de Dartmouth College entre 1970 e 1981 e foi un pioneiro no uso de computadoras na educación universitaria. Kemeny presidiu a comisión que investigou o accidente de Three Mile Island en 1979.^[2] Segundo György Marx formou parte do grupo denominado The Martians.^[3]

Traxectoria

Primeiros anos

Kemeny naceu en Budapest (Hungría) nunha familia xudía.^[1] Asistiu á escola primaria Rácz en Budapest e foi compañeiro de clase de Nandor Balazs. En 1938 o seu pai marchou só aos Estados Unidos e en 1940 levou a toda a familia Kemeny^[1] cando a adopción da segunda lei antixudía en Hungría era inminente.^[4] Porén, o seu avó rexeitou fuxir e faleceu no holocausto, igual que un tío e unha tía.^[5] A familia de Kemeny estableceuse en Nova York, asistindo ao George Washington High School. Graduouse coas mellores notas da súa clase tres anos máis tarde.^[2] En 1943^[1] Kemeny ingresou na Universidade Princeton onde estudou matemáticas e filosofía, mais deixou os estudos durante un ano para traballar no proxecto Manhattan en Los Alamos National Laboratory. O seu xefe aló foi Richard Feynman e tamén traballou con John von Neumann. De volta a Princeton, Kemeny graduouse en 1947 e comezou a traballar no seu doutoramento con Alonzo Church, tamén en Princeton. Traballou como axudante matemático de Albert Einstein durante o seu graduado.^[1] Aos 23 anos, Kemeny recibiu o seu doutoramento en 1949 pola súa tese titulada "Type-Theory vs. Set-Theory".^[2]

Carreira

Kemeny foi aceptado no departamento de matemáticas de Dartmouth como profesor en 1953, aos 27 anos.^[1] Dous anos despois converteuse no xefe do departamento, conservando o posto ata 1967.

Kemeny arriscouse no desenvolvemento do currículo intoducindo clases de matemáticas finitas. Uniuse con Gerald L. Thompson e J. Laurie Snell para escribir Introduction to Finite Mathematics (1957) para os estudantes de bioloxía e ciencias sociais. Os profesores do departamento de matemáticas de Dartmouth tamén escribiron Finite Mathematical Structures (1959) e Finite Mathematics with Business Applications (1962). Outras facultades e universidades seguiron esta tendencia e apareceron libros de texto sobre matemáticas finitas noutros lugares. As cadeas de Markov foron particulamente populares, polo que Kemeny se uniu a J. Laurie Snell para publicar Finite Markov Chains (1960) e proporcionar un libro de texto universitario introdutorio. Considerando os avances polo emprego da teoría potencial obtida por G. A. Hunt, escribiron Denumerable Markov Chains en 1966.^[6] Este libro de texto, axeitado para seminarios avanzados,^[7] foi seguido por unha segunda edición en 1976, en que se incluíu un capítulo adicional sobre campos aleatorios por David Griffeath.

Kemeny e Kurtz foron pioneiros no uso de computadoras para a xente corrente. Tras experimentos iniciais co LGP-30, inventaron a linguaxe de programación BASIC en 1964, así como un dos primeiros sistemas de tempo compartido do mundo, o Dartmouth Time-Sharing System (DTSS). En 1974, a American Federation of Information Processing Societies deu un premio a Kemeny e Kurtz na National Computer Conference polo seu traballo no BASIC e no tempo compartido.^[8]

Kemeny foi o presidente de Dartmouth entre 1970 e 1981, e continuou a dar clases e investigar e publicar artigos durante ese período. Presidiu a coeducación de Dartmouth en 1972 e tamén instituíu o "Plan Dartmouth", que permitiu a asistencia de máis estudantes sen construír máis edificios. Durante a súa administración, Dartmouth volveuse máis proactivo recrutando e retendo alumnos de minorías^[2] e recuperou o seu compromiso fundacional de ofrecer educación aos nativos americanos. Kemeny converteu Dartmouth en pioneira no uso de computadores, igualando o alfabetismo informática co alfabetismo literario. En 1982 volveu ser profesor a tempo completo.

En 1983, Kemeny e Kurtz cofundaron unha compañía chamada True BASIC, Inc. para comercializar o True BASIC, versión actualizada da linguaxe.

Falecemento

John Kemeny faleceu aos 66 anos dun fallo cardíaco en Lebanon, New Hampshire^[2] o 26 de decembro de 1992.^[4] Vivira en Etna, preto do campus de Dartmouth.

Notas

↑ ^1,0 ^1,1 ^1,2 ^1,3 ^1,4 ^1,5 Weibel, Peter (2005). Beyond Art - A Third Culture : a Comparative Study in Cultures, Art, and Science in 20th Century Austria and Hungary. Springer. p. 350. ISBN 3-211-24562-6.
↑ ^2,0 ^2,1 ^2,2 ^2,3 ^2,4 ^2,5 Faison, Seth (27 de decembro de 1992). "John Kemeny, 66, Computer Pioneer and Educator (obituary)". The New York Times. Consultado o 2 de febreiro de 2008.
↑ "A marslakók legendája - [[György Marx]]". Arquivado dende o orixinal o 09 de abril de 2022. Consultado o 14 de setembro de 2019.
↑ ^4,0 ^4,1 Ohles, Frederik; Ohles, Shirley M.; Ramsay, John G. (1997). Biographical Dictionary of Modern American Educators. Greenwood Publishing Group. p. 189. ISBN 0-313-29133-0.
↑ "True Basic. A sketch of John Kemeny" (PDF). Dartmouth Alumni Magazine. 13 de decembro de 2001. Consultado o 23 de xullo de 2012.
↑ J. L. Doob (1966) Review: Denumerable Markov Chains, (en marathi)
↑ Prefacio, páx. vi
↑ "TRANSCRIPTS OF 1974 National Computer Conference Pioneer Day Session". Dartmouth Time Sharing System. Dartmouth College.

Véxase tamén

Ligazóns externas

[Springer-1] 1,0 ^1,1 ^1,2 ^1,3 ^1,4 ^1,5 Weibel, Peter (2005). Beyond Art - A Third Culture : a Comparative Study in Cultures, Art, and Science in 20th Century Austria and Hungary. Springer. p. 350. ISBN 3-211-24562-6.

[NYT-2] 2,0 ^2,1 ^2,2 ^2,3 ^2,4 ^2,5 Faison, Seth (27 de decembro de 1992). "John Kemeny, 66, Computer Pioneer and Educator (obituary)". The New York Times. Consultado o 2 de febreiro de 2008.

[3] "A marslakók legendája - [[György Marx]]". Arquivado dende o orixinal o 09 de abril de 2022. Consultado o 14 de setembro de 2019.

[Ohles-4] 4,0 ^4,1 Ohles, Frederik; Ohles, Shirley M.; Ramsay, John G. (1997). Biographical Dictionary of Modern American Educators. Greenwood Publishing Group. p. 189. ISBN 0-313-29133-0.

[5] "True Basic. A sketch of John Kemeny" (PDF). Dartmouth Alumni Magazine. 13 de decembro de 2001. Consultado o 23 de xullo de 2012.

[6] J. L. Doob (1966) Review: Denumerable Markov Chains, (en marathi)

[7] Prefacio, páx. vi

[ncc1974-8] "TRANSCRIPTS OF 1974 National Computer Conference Pioneer Day Session". Dartmouth Time Sharing System. Dartmouth College.

[1]

[2]

[3]

[4]

[5]

[6]

[7]

[8]