O 5 de decembro de 2011, Flea confirmou as novas sobre o vídeo e que o traballo estaba completo. O vídeo amosa a cada membro do grupo en catro cuartos diferentes que reflicten as súas personalidades. Case todos os accesorios do vídeo son da colección persoal de cada membro. No cuarto de Anthony, aparecen a modelo Charlotte Free, o seu can e a súa filla Everly. No cuarto de Flea, aparecen el e a súa actual moza, Sandha Khin, bailando e en roupa interior. O cuarto de Chad é un cuarto de baño, e está sentado nun inodoro. O cuarto de Josh é escuro e baleiro, con tan só unha mesa e unha lámpada.
