Robert Ridgway

Robert Ridgway

Robert Ridgway sentado no seu escritorio, lendo un libro.
Biografía
Nacemento	2 de xullo de 1850 Mount Carmel, Illinois
Morte	25 de marzo de 1929 Olney, Illinois
Residencia	Larchmound (en) (1913–1929)
País de nacionalidade	estadounidense
Actividade
Campo de traballo	Ornitoloxía
Ocupación	naturalista, ornitólogo
Empregador	Smithsonian Institution
Membro de	Academia Naciona de Ciencias dos Estados Unidos
Influencias	Spencer Fullerton Baird
Participou en
31 de maio de 1899	Harriman Alaska Expedition (en)
Obra
Abreviación dun autor en botánica	Ridgway
Familia
Irmáns	John L. Ridgway
Premios
Membro da Academia Nacional de Ciencias dos Estados Unidos Medalla Daniel Giraud Elliot (1919) Medalla Brewster (1921)
Sinatura
Descrito pola fonte	Appletons' Cyclopædia of American Biography, (sec:Ridgway, Robert)
Lista (1921)  Brewster Medal (en) (1919)  medalla Daniel Giraud Elliot

Robert Ridgway, nado o 2 de xullo de 1850 en Mount Carmel, Illinois, e finado o 25 de marzo de 1929 en Olney, no mesmo estado de Illinois, foi un naturalista e ornitólogo estadounidense.

Trayectoria

Nado en Mount Carmel, Illinois, Ridgway foi un protexido do zoólogo Spencer Fullerton Baird, quen, cando foi nomeado secretario da Smithsonian Institution, propuxo a Ridgway como primeiro conservador a tempo completo de aves do U.S. National Museum. Neste posto Ridgway serviu desde 1880 até a súa morte en 1929.

Ridgway publicou un dos primeiros e máis importantes sistemas de cores para a identificación de aves, no seu libro de 1886 A Nomenclature of Colors for Naturalists (Boston: Little, Brown & Co.)

En 1912 publicou unha obra aínda maior sobre nomenclatura de cores, Color Standards and Color Nomenclature, co diñeiro que conseguiu do seu amigo José Zeledón, de Costa Rica. Ornitólogos de todo o mundo continúan citando os libros de Ridgway sobre a cor.

Na primavera de 1867, á idade de 16 anos, Ridgway foi contratado como naturalista do estudo de Clarence King. Neste estudo, no que permaneceu case dous anos, Ridgway recolleu moitos espécimes de aves, e foi un dos membros principais dos catro grandes estudos do Oeste norteamericano. Á súa volta á Smithsonian, traballou de forma informal até que foi formalmente nomeado conservador de ornitoloxía. Aínda que Ridgway só cursou o bacharelato, era moi elocuente e tiña amplos coñecementos de forma que serviu moitos anos coma voceiro da Smithsonian. Os seus amigos e colegas describírono como patoloxicamente tímido e, en xeral, evitou a publicidade e ser o foco de atención.

Ridgway foi coautor (xunto con Thomas Mayo Brewer e Spencer Fullerton Baird) de History of North American Birds (Boston, 1875-1884; Land Birds, 3 vols., Water Birds, 2 vols). Tamén escribiu outros libros e monografías, e máis de 450 artigos en revistas científicas.

En 1899 uniuse a E. H. Harriman na súa famosa exploración da costa de Alasca, onde acompañou a John Muir e a outros moitos naturalistas e científicos.

Abreviatura

• A abreviatura Ridgway emprégase para recoñecer a Robert Ridgway como autoridade na descrición e taxonomía en botánica.
• A abreviatura Ridgway emprégase para recoñecer a Robert Ridgway como autoridade na descrición e taxonomía en zooloxía.

Honores

Distincións

• Medalla Daniel Giraud Elliot (1919)
• Medalla Brewster (1921)

Epónimos

Aves

Xénero

• Ridgwayia

Especies de aves

• Caprimulgus ridgwayi
• Buteo ridgwayi

Vexetais

Especies vexetais

• (Asteraceae) Liatris ridgwayi Standl.
• (Rosaceae) Crataegus ridgwayi Sarg.

Véxase tamén

Bibliografía

• Barrow, Mark V. (1998). A Passion for Birds: American Ornithology after Audubon. Princeton, NJ: Princeton University Press. ISBN 9780691044026. 
• Harris, Harry (xaneiro–febreiro 1928). "Robert Ridgway, with a Bibliography of His Published Writings and Fifty Illustrations" (PDF). The Condor 30 (1): 5–118. doi:10.2307/1362947. Consultado o 15 de marzo de 2019. 
• Lewis, Daniel (2012). The Feathery Tribe: Robert Ridgway and the Modern Study of Birds. New Haven, CT: Yale University Press. ISBN 9780300175523. Consultado o 15 de marzo de 2019. 
• Oberholser, Harry C. (abril 1933). "Robert Ridgway: A Memorial Appreciation" (PDF). The Auk 50 (2): 159–169. doi:10.2307/4076862. Consultado o 15 de marzo de 2019. 
• Wetmore, Alexander (1931). "Biographical Memoir of Robert Ridgway, 1850–1929" (PDF). Biographical Memoirs (National Academy of Sciences of the United States of America) 15: 57–101. Arquivado dende o orixinal (PDF) o 07 de xuño de 2011. Consultado o 15 de marzo de 2019. 

Ligazóns externas

• Ridgway, Robert (1850-1929) no IPNI.
• Obras de e sobre Robert Ridgway.