Smolensk

Smolensk
	Смоленск (ru)
	Bandeira Brasón
Localización
	54°46′58″N 32°02′43″L / 54.7828, 32.0453
Estado	Rusia
Óblasts	Oblast de Smolensk (pt)
Capital de	Oblast de Smolensk (pt) ; Western Oblast (en) ; Principado de Smolensk (pt) ; Smolensk Governorate (en) ; República Socialista Soviética de Belarús ; Smolensky District (en) ; Q17045084
Contén a división administrativa	Leninsky District (en) ; Promyshlenny District (en) ; Zadneprovsky District (en)
Poboación
Poboación	312.896 (2023) (1.880,95 hab./km²)
Xeografía
Superficie	166,35 km²
Bañado por	Río Dniepr
Altitude	254 m
Datos históricos
Creación	863
1285	Evento clave
1285	Siege of Smolensk (en)
1404	Siege of Smolensk (en)
outubro de 1502	Siege of Smolensk (en)
1 de agosto de 1514 (Gregoriano)	Siege of Smolensk (en)
29 de setembro de 1609	Siege of Smolensk (en)
4 de novembro de 1611	Lei de Magdeburgo (pt)
maio de 1617	Siege of Smolensk (en)
28 de outubro de 1632	Siege of Smolensk (en)
1654	Siege of Smolensk (en)
Organización política
• Xefe do goberno	Q124769427 (2023–)
Identificador descritivo
Código postal	214000–214999
Fuso horario	UTC+03:00
Prefixo telefónico	4812
Identificador OKTMO	66701000001
Identificador OKATO	66401000000
Outro
Irmandado con	Kaluga (pt) ; Targovishte (pt) ; Woodstock (pt) ; Kerch ; Tulle ; Hagen (1985–)
Sitio web	smoladmin.ru

Smolensk (transliterado do ruso: Смоленск, [smɐˈlʲensk] (AFI), escoitar) é unha cidade de Rusia occidental, localizada xunto ao Río Dniéper, e é a capital administrativa do óblast de Smolensk. A súa poboación en 2003 era de 351.100 habitantes. Situada a 360 quilómetros ao suroeste de Moscova, esta cidade amurallada foi destruída varias veces ao longo da historia. Estaba nas rutas de invasión de Napoleón e Hitler.

Economía

A cidade é un importante nó ferroviario e un destacado centro comercial, cultural e industrial. Na súa industria predominan os produtos para a construción de estradas, a maquinaria, os téxtiles e os produtos alimenticios. Os edificios de carácter histórico da cidade son dúas igrexas do século XII e a catedral da Asunción dos séculos XVII e XVIII.

Historia

Etimoloxía

O nome da cidade deriva do nome do Smolnya Rivulet. A orixe deste hidrónimo é menos claro. Unha posibilidade atópase na palabra eslava para terras negras. Outra alternativa é a palabra rusa smolá, que significa resina ou brea.

Orixes

Smolensk é unha das cidades máis antigas de Rusia, empezou sendo un asentamento comercial fortificado. A primeira mención data de 863, dous anos despois da fundación do Rus de Kíiv. Segundo a Crónica de Néstor, Smolensk era a capital dos Kríviches. En 882 foi tomada por Oleg de Nóvgorod, no seu paso de Nóvgorod a Kíiv. O pobo xa fora tomado dúas décadas antes polos capitáns varegos Askold e Dir, cando na súa viaxe a Kíiv decidiron facerse coa cidade e a súa gran poboación.

A primeira mención estranxeira foi do Emperador Constantine Porfirogenitus. En De Administrando Imperio describe Smolensk como unha peza clave na ruta dos Varegos aos Gregos.

O principado de Smolénsk foi fundado en 1054. Pola súa posición centrada nas terras rusas, a cidade desenvolveuse rapidamente. A finais do século XII o principado era un dos máis fortes de Europa Oriental, sendo así que a dinastía de Smolénsk controlaba o trono do Rus de Kíiv. Numerosas igrexas foron erixidas nese tempo, incluíndo a de San Pedro e Pablo e a de San Xoán Bautista. A máis notable é unha que se chama Svírskaya; foi admirada polos seus contemporáneos como a estrutura máis bela do Rus.

Entre a Rusia Imperial e Mancomunidade polaco-lituana

Aínda que vencida polos exércitos mongois en 1240, e debendo pagar tributo á Horda de Ouro, Smolensk gradualmente converteuse nun conflito entre o Gran Ducado de Lituania e o Principado de Moscova. Foi tomada por Vytautas de Lituania, en 1395, 1404 e 1408. Logo da incorporación ao Gran Ducado, algúns boiardos de Smolensk mudáronse a Vilna; descendentes dos príncipes fuxiron a Moscova.

Cunha poboación de 10.000 persoas, Smolensk converteuse na cidade máis grande da Lituania do século XV. Tres rexementos de Smolensk foron decisivos na Batalla de Grünwald en contra de Livonia. Lituania sufriu un severo golpe cando foi reconquistada por Basilio III de Moscova en 1514.

Para repeler os ataques da Mancomunidade polaco-lituana, Boris Godunov fortificou a cidade. O kremlin de pedra foi construído en 1597-1602. É o máis grande de Rusia. As súas fortes paredes e numerosas torres de vixilancia non evitaron que a mancomunidade se apoderara dela en 1611, logo dun longo asedio de vinte meses, durante a guerra ruso polaca (1605-1618). A debilitada Moscova cedeu o principado á mancomunidade na Tregua de Deulino e polos seguintes 43 anos foi a capital da Voivodia de Smolensk. Para recapturar a cidade, Moscova lanzou a "Guerra de Smolensk" contra a mancomunidade en 1632. Logo da terrible derrota sufrida a mans do rei Ladislau IV de Polonia, a cidade quedou en mans da mancomunidade. As hostilidades renováronse en 1654 cando a mancomunidade foi sacudida pola rebelión cosaca e a invasión sueca. Logo doutro asedio, o 23 de setembro de 1654 Smolensk foi recapturada por Rusia. En 1667 polo Tratado de Andrusovo a Mancomunidade polaco-lituana finalmente renunciou a Smolensk.

Historia moderna

En agosto de 1812 tiveron lugar dúas das máis grandes batallas por parte da Grande Armée. Durante a reñida batalla, descrita por León Tolstói en ''Guerra e Paz'', Napoleón entrou na cidade. As perdas totais foron estimadas en 30.000 homes. No centro de Smolénsk destaca o monumento das Aguias, construído en 1912 para marcar o centenario da Invasión napoleónica de Rusia.

Durante a segunda guerra mundial Smolénsk foi outra vez escenario dunha das maiores batallas da guerra, a Batalla de Smolensk. En agosto 1941 o Exército Vermello realizou unha contraofensiva contra o exército alemán. Máis do 93 % da cidade foi derruída durante esta loita. En 1985, 40 anos logo da guerra, foille concedida á cidade o título de Cidade Heroica.

Véxase tamén

Ligazóns externas

Páxina Oficial (en ruso)