تۊنکابؤن

تۊنکابؤن
	ايته تاتايي تۊنکابؤن ٚ جه
کۊللي ايطلاعات
کيشور	ايران
اۊستان	مازندران
شأرستان	تۊنکابؤن ٚ شأرستان
بخش	مرکزي بخش
رسمي نام	تۊنکابؤن
شأر بؤستن ٚ سال	۱۳۱۴
مردۊم
جمعيت	۵۴,۴۳۴ نفر
زوان	گيلکي
مذهب	شيعه
طبيعي جۊغرافي
بۊلندي درىا جه	۲۰- متر
آو ؤ هأوا
سالانه دما ميانگين	۱۶ درجه سانتي‌گراد
سالانه وارش ٚ ميانگين	۱۱۰۰ تا ۱۵۰۰ ميلي‌متر
سالانه جرندي رۊجان	۲۰ روج
باخي ايطلاعات
سؤغات	مرکبات، کيوي، بج، چأيي، ماهي
تيلفؤن ٚ پيش‌شۊماره	۰۱۱
رسمي وبجيگا	تۊنکابؤن ٚ شأرداري

تۊنکابؤن یا شهسوار یته شأر هسه مازندران ٚ اؤستان ٚ غربي نۊقطه دل. تۊنکابؤن نام-ه پألوي سروند شهسوار دگردأنئن. تۊنکابؤن تۊنکابؤن ٚ شأرستان ٚ مرکز هسه ؤ گت‌ترین شأر مازندران ٚ غرب ٚ دل هسه. تۊنکابؤن غرب ٚ رأ سختسر، ؤ شرق ٚ رأ چالۊس شأرستانان ٚ همرأ هم‌سامانه. اي شأر ٚ جمعیت آخرین سرشۊماري سر، ۸۴۷۴۷ نفر هسه. تۊنکابؤن ٚ مردۊم گیلک هسن ؤ گيلکي گب زنن. تۊنکابؤن ٚ گیلکي گیلان ٚ شرقي گۊیشان-ه نيزیکي دأره.

تاريخ

تۊنكابؤن ٚ شأرستان سابق گيلان ٚ شين بۊ ؤ ايته پيله شأرستان بۊ کي خۊرتاو ٚ جه تا نؤشهر-أ شامل بؤستي. أ منطقه مئن خۊرۊم‌آباد قشلاقي حاكم‌نيشين ؤ دۊهيزار اۊن ٚ یئلاقي حاکم‌نيشين بۊ. أثران ؤ أشيايي كي كلاردشت ٚ ناحيه مئن ؤ اۊن ٚ أطراف تپه‌ئن ٚ مئن بدس بأمؤ، نيشان دنه كي أ منطقه سابق ٚ مئن، آباد ؤ متمدن بۊ. تۊنكابؤن يا شهسوار سابق رۊیان ؤ رۊستمدار ٚ مئن کي ايته تاريخي سامان کاسپي دریا نسا مئن بۊ قرار دأشتي. کيايي‌ئن کي ايته گيلاني زیدي درزا بۊد، ويشتر جه صدسال تۊنکابؤن ٚ سر حۊکۊمت بۊگۊدئد. صفوي‌ئن ٚ زمات، أ شأر فیض نام بيگيت. قاجاريه زمات دۊواره أ شأرستان ٚ نام تنکابن بۊبؤست ؤ پألوي زمات ٚ مئن ني شهسوار ٚ نام-أ اۊن ٚ سر بنأده ؤ ايسلامي اينقلاب ٚ پسي ني ايوارده اۊن ٚ رسمي نام تنکابن بۊبؤسته.

جمعيت

تۊنکابؤن ٚ شأرستان ٚ جمعيت، ۱۳۹۵ سرايشماردن ٚ أساس ٚ سر ۱۶۶,۱۳۲ نفر بۊ. تۊنکابؤن ٚ مرکزي بخش ٚ جمعيت ۹۹,۱۹۰ نفر، خۊرۊم‌آباد ٚ بخش ۴۱,۰۰۶ نفر، نشتا بخش، ۲۵,۹۳۵ نفر ؤ کۊهستان ٚ بخش ۹,۸۷۴ نفر جمعيت دأشتي. تۊنکابؤن ٚ مرکزي بخش ٚ مئن ۵۵,۴۳۴ نفر تۊنکابؤن ٚ شأر ؤ ۱۱,۵۴۲ نفر شيرۊد ٚ شأر ٚ شين بۊد. خۊرۊم‌آباد ٚ شأر ٚ جمعيت ۱۱,۵۴۲ نفر ؤ نشتارۊد ٚ شأر ٚ جمعيت ني ۶,۳۹۴ نفر بۊ.^[۱]