Eho kuatia retepýpe

Tupã hetávare jerovia

Emoambue joajuhakuéra
Vikipetãmegua
Tupãnguéra Gyrésia ha Rróma megua.

Tupã hetávare jerovia ha'e ojegueroviávo ndaiporiha tupã peteĩnteva ha oñemomba'eguasu heta tupãme. Ikatu jahecha hetaveha umi jeroviapykuéra ojegueroviahápe oĩha heta tupã he'i tupãnguéra ha'eha hekoha motenondehára, techapyrã, Kuarahy, Jasy, yvytu, paraguasu ha oimeraẽ mba'e ikatu ojehu hekohápe térã marandekópe, ikatu oiko hikuái ijeheguiete térã oiko tupã omoheñoikuaáva ñemoñare ramo.[1] Heta avei umi ogueroviáva tupã hetávare apytépe ohecha tupãnguéra hete yvyporaguáicha ramo[2] jepémo ndaha'éi upéicha Ehíto Ymaguare jerovia ha Indu jerovia.

Tupã hetávare jerovia ombohovái tupã peteĩre jerovia, ha'éva oñemomba'eguasúvo tupã peteĩetévape ha he'i ndaiporiha ambuéva. Umi ogueroviáva heta tupãre jepivénte ndogueroviái ijojapaha, sapy'ánte jahecha umi omomba'eguasuvéva peteĩva térã mokõivape. Ambue katu omomba'eguasuve peteĩme ha sapy'ánte omomba'eguasuve ambuépe ára jehesávo.

Karai arandu David Hume he'i tupã hetávare jerovia ha'e va'ekue ojeguerovia raẽvéva yvyporakuéra apytépe.[3] Añetehápe jepive oiko Kuarepotiju'atã Ára ha Itakandua Ára pukukuévo[4] oñepyrũ meve Abraham jeroviapykuéra (Hudío jerovia, Hesu rape, Islã). Umi ojeikuaavéva niko Gyrésia Ymaguare jerovia ha Rróma Ymaguare jerovia, oñembogue rire hikuái, oiko Heymáña mombe'u yma ha ambue jerovia ndahetáiva.

Techapyrã ambuéva marandeko pukukuévo ha'e Ehíto, Gyrésia, Rróma, sélta térã yvatevogua (nórdico térã germánico), Európa ha Yvate Áfrikape, avei oiko techapyrã ramo umi jeroviapy Amérika pegua, ha'eháicha inka, mája, mehíka, guarani ha hetaite jerovia ha mombe'u yma ambuéva.

Ndaha'éi ára ohasámavape añónte jahecha tupã hetávare jerovia, ko'ágã jepe ojehechakuaa: umi tuichavéva ha'e Chína jeroviapy tee, indu jerovia, sinto Hapõ megua ha santería.

Avei ojeiporu ñe'ẽ «politeísmo» oúva Epañañe'ẽgui ha oñeguenohẽ Gyresiañe'ẽgui poli ‘heta’, ha theos ‘tupã’; he'ise, ‘heta tupã’.

Mandu'apy

[jehaijey | emoambue kuatia reñoiha]
  1. ↑ Libbrecht, Ulrich (2007). Within the Four Seas...: Introduction to Comparative Philosophy. Peeters Publishers. p. 42. ISBN 9042918128. 
  2. ↑ Tembiecharã:Versalitas, Erik (1999). El uno y los múltiples: concepciones egipcias de la divinidad. Biblioteca de ciencias bíblicas y orientales. 4. Trotta. pp. 262 páginas. ISBN 9788430948048. 
  3. ↑ Hume, David (1799). J. Williams. ed (en inglés). Essays and treatises on several subjects. Dublin: J. Williams. p. 402. https://archive.org/details/essaystreatiseso02hume/page/n3. Consultado el 21 de marzo de 2019. 
  4. ↑ Tembiecharã:Versalitas, André (1994). Las religiones de la Prehistoria. Barcelona: Laertes. ISBN 9788475842677. 
Ko marandu ou "https://gn.wikipedia.org/w/index.php?title=Tupã_hetávare_jerovia&oldid=131452" pegua