Methodist University College Ghana

De Methodist University Ghana (MUCG) be private university in Ghana. Edey Accra for Greater Accra Region. Dem establish am for October 2000 by de Methodist Church Ghana after say National Accreditation Board grant dem accreditation for August 2000. Academic work start for November 2000 for Wesley Grammar School campus. MUCG dey offer wide range of undergraduate den postgraduate programs across various disciplines.

Demma History

For ein 37th Annual Conference for Sunyani for 1998 insyd, de Methodist Church resolve say ego establish sam Methodist University College. Following thorough preparations den procedures, de Methodist University College Ghana (MUCG) receive accreditation from de National Accreditation Board (NAB) for August 2000. Dem grant demma approval for demma affiliation plus de University of Ghana for October 2002.

Academic activities start for MUCG for October 2000 insyd. De initial group of students start dey attend lectures for November 2000, followed by de second group for October 2001. Dem establish de varsity plus de aim say ego provide quality tertiary education for Christian principles den values insyd. Since estart, MUCG cam play significant role by say e expand access give higher education den say ego foster academic excellence for Ghana insyd.

Demma Organization

The university get five faculties. Each get departments wey dey report give demma respective deans.

Demma Faculty of Business Administration

• Accounting Department
• Banking and Finance Department
• Human Resource Management den Management Studies Department
• Marketing den Supply chain Department

Demma Faculty of Arts den General Studies

• Languages Department
• General Studies Department
• Religious Studies Department
• Music and Theatre Studies Department

Demma Faculty of Social Studies

• Economics Department
• Psychology Department
• Social Work Department

Demma Faculty of Informatics den Mathematical Sciences

• Information Technology Department
• Mathematics den Statistics Departments
• Actuarial Science

Demma Faculty of Applied Sciences

• General Agriculture den Agribusiness Department.
• Agroprocessing Department
• Nursing Department.

Demma Campuses

Three campuses dey.

• Dansoman Campus: Dis be de main campus of de university, wey dey Accra suburb.
• Tema Campus: Satellite campus wey dey de premises of de Tema Methodist Day Secondary School.
• Wenchi Campus: B.Sc. General Agriculture, Diploma for General Nursing insyd, Certificate programmes for Agrobusiness insyd, Agro-processing den Horticulture go run for dis campus insyd.

Demma Affiliation

De university officially cam turn affiliate plus de University of Ghana since October 2002.

However, for Tuesday, August 30, 2022 insyd, dem grant de varsity sam presidential charter say ego fi award ein own degrees.

Sana spy

• List of universities insyd Ghana