Bikin Sango

Bikin Sango

7°51′31″N 3°55′56″E
Iri	biki
Validity (en)	unknown value –
Wuri	Najeriya, Jahar Oyo
Ƙasa	Najeriya
Cultural heritage (en)

Bikin Sango Biki ne na shekara-shekara da ake gudanarwa a tsakanin al’ummar Yarabawa don girmama Sango, wani gunkin tsawa da kuma wuta wanda jarumi ne kuma sarki na uku a masarautar Oyo bayan ya gaji Ajaka babban yayansa. Bikin wanda gwamnatin jihar Oyo ta sauya masa suna a shekarar 2013 zuwa Bikin Sango na Duniya, ana gudanar da shi ne a watan Agusta a fadar Alaafin na Oyo kuma ana gudanar da shi a kasashe sama da arba’in na duniya.

Tarihi

Bikin Sango dai za a iya tunawa da shi shekaru 1,000 da suka gabata bayan tafiyar Sango, fitaccen dan ƙabilar Yarbawa òrìṣà da ake yi wa kallon shi ne uban al’ummar Oyo.

Sango ya kasance sananne, ƙaƙƙarfan sarki kuma matsafi wanda ya zama sarkin daular Oyo bayan ya gaji babban yayansa wanda ake ganin “mai rauni ne mai mulki”. An yi imanin cewa zai kawo ci gaba ga al’ummar masarautar Oyo a zamanin mulkinsa, an danganta mutuwar Sango da tatsuniyoyi daban-daban. An kuma yi imanin cewa Sango ya kashe kansa ne ta hanyar rataye kansa domin gudun wulakanci daga wani babban hakimansa da ya umarci Sango ya bar sarautarsa ​​ko kuma ya fuskanci yaki. An ce Sango ya yi sarauta na tsawon shekaru bakwai kacal a matsayin Sarkin Oyo amma da irin wannan jagoranci mai karfi sai aka lasafta shi a matsayin mafi kyawun Sarki da aka taba yi a tarihin sarakunan Oyo. A lokacin bukukuwan 2021, Ayaba watau uwargidan Sarki sun yi takama da yadda suka hana ruwa sauka wanda zai dagula bikin bayan sun tuntubi Yemoja da limamin Sango. Haka kuma, an ce za a fara bikin ne da Iwure Agba ma’ana addu’ar dattijai da firist Sango ke jagoranta.

Muhimmanci

Tun lokacin da aka sauya suna a cikin 2013, taron wanda aka saba gudanarwa a watan Agusta kuma yana gudana tsawon mako guda yana jan hankalin 'yan kallo sama da 20,000 a duniya ciki har da Brazil, Cuba, Trinidad da Tobago da Caribbean. Taron wanda hukumar UNESCO ta amince da shi, an shirya shi ne domin saukaka zuwa gida na Yarabawa a kasashen waje da kuma bikin Sango wanda ake yi wa kallon babban jarumi a tarihin kabilar Yarabawa.

Ci gaba da karatu

• Karin Barber (1993). I Could Speak Until Tomorrow: Oriki, Women, and the Past in a Yoruba Town. Edinburgh University Press. ISBN 978-0-7486-0287-2.
• Ayobunmi Sosi Sangode (H.L. Iyalosa.) (1996). The Cult of Sango: The Study of Fire : an Anthology. Athelia Henrietta Press. ISBN 978-0-9638787-4-8.
• Rosalind I. J. Hackett (1996). Art and religion in Africa. Cassell P L C. ISBN 978-0-304-33752-1.