Helen Keller

Helen Keller

Helen Adams Keller ek American ke writer aur speaker rahii. Uske janam Tuscumbia, Alabama me 1880 me bhaes rahaa. Jab uu 18 saal ke rahii tab uske bemaari ke kaaran uu dekhe aur sune nai sakat rahii.

Jab Helen saat saal ke rahii tab uske palwaar uske khatir ek teacher ke khojis. Uu logan Perkins Institute and Asylum ke director Michael Anegnos ke lage likhin aur Helen ke khatir ek teacher ke khoje ke batain. Anegnos ek young teacher, Anne Sullivan ke thiik karis aur March 1887 me uu jaae ke Keller palwaar ke saathe rahe lagis.

Anne, Helen ke duusra jan se baat kare ke sikhaes. Uu Helen ke chiij ke naam, uske haanth me likh ke sikhaes. 1890 me , Helen ke palwaar uske Radcliffe College, Massachusetts bhejis. Uu Radcliffe se 1904 me graduate bhaes aur pahila andhaa aur bahiraa jan rahis jiske Bachelors of Arts degree mila rahaa.

1903 me Helen aapan baare me ek book likhis, jiske naam The Story of My Life rahaa. Iske baad uu 12 aur book likhis. Isme se kuchh ke filam banawa gais jaise ki The Miracle Worker. Uu garib logan ke madat kare ke kosis karis. Uu 39 se jaada des gais aur aapan jindaggi ke baare me bhasan diis. Uu ek book Annie Sullivan ke baare me , jiske naam Teacher rahaa, bhi likhis. Helen Keller ke maut 1 June 1968 me Arcan Ridge, Connecticut me bhaes rahaa.