Swj. Naum
Swjaty Naum (makedonsce Свети Наум/Sweti Naum) je prawosławny klóšter w Sewjernej Makedonskej při wuchodnym brjoze Ohridskeho jězora, njedaloko albanskeje hranicy. Swj. Naum leži 29 kilometrow zdaleny wot města Ohrida.
Klóšter bu natwarjeny wokoło lěta 895 wot Swjateho Nauma Ohridskeho, kiž bu pozdźišo tež w tutym klóštrje pochowany. Za załoženje klóštra měješe Naum podpěru bołharskeju carow Borisa I. a Simeona I. Po Naumoweje smjerći dnja 23. decembra 910 bu klóšter po nim pomjenowany.
Swjaty Naum słuša hromadźe z Ohridskim starym městom a jězorom k swětowemu kulturnemu herbstwu UNESCO. Dźakowano swojemu dobremu połoženju je jedyn z najpopularnišich pućowanskich cilow w Sewjernej Makedonskej.
Wotkaz
[wobdźěłać | žórłowy tekst wobdźěłać]
Commons: Klóšter Swj. Naum – Zběrka wobrazow, widejow a awdiodatajow