Ադոլֆ Բերժե

Ադոլֆ Բերժե; ռուս.՝ Адольф Петрович Берже
Ծնվել է	հուլիսի 28 (օգոստոսի 9), 1828; Սանկտ Պետերբուրգ, Ռուսական կայսրություն
Մահացել է	հունվարի 31 (փետրվարի 12), 1886 (57 տարեկան); Թիֆլիս, Ռուսական կայսրություն
Քաղաքացիություն	Ռուսական կայսրություն
Մասնագիտություն	արևելագետ
Գործունեության ոլորտ	արևելագիտություն, կովկասագիտություն և Արխեոգրաֆիա
Անդամակցություն	Ռուսական կայսերական հնագիտական միություն
Ալմա մատեր	Սանկտ Պետերբուրգի պետական համալսարանի արևելյան ֆակուլտետ (1851)
Գիտական աստիճան	university candidate?
Ինչով է հայտնի	Կովկասյան հնագիտական հանձնաժողովի նախագահ
Պարգևներ	և
	Adolf Berzhe Վիքիպահեստում

Ադոլֆ Պետրովիչ Բերժե (ռուս.՝ Адольф Петрович Берже, հուլիսի 28 (օգոստոսի 9), 1828, Սանկտ Պետերբուրգ, Ռուսական կայսրություն - հունվարի 31 (փետրվարի 12), 1886, Թիֆլիս, Ռուսական կայսրություն), հնագետ և կովկասագետ։

Կենսագրություն

Ծագումով՝ ֆրանսիացի։ Ավարտել է Պետերբուրգի համալսարանի Արևելյան բաժինը (1851) և նշանակվել Կովկասի փոխարքա Մ․ Ա․ Վորոնցովի դիվանատան աստիճանավոր։ 1853 թվականին և 1885 թվականին ուղարկվել է Պարսկաստան՝ գիտական ուսումնասիրություններ կատարելու։ Եղել է Կովկասյան հնագրական հանձնաժողովի նախագահ (1864–1886)։ Բերժեի խմբագրությամբ լույս է տեսել 11 հատորանոց «Ակտի Կավկազսկոյ արխեոգրաֆիչեսկոյ կոմիսիի» ժողովածուն։ Հեղինակ է պատմագրական և ազգագրական երկերի։ Մասնակցել է Պետերբուրգի Գիտությունների կայսերական ակադեմիայում տարվող հայագիտական աշխատանքներին, նյութեր ուղարկել հայագետներ Մ․ Բրոսեին և Վ․ Լանգլուային։ Նրա ուղարկած նյութերից են՝ Ատրպատականի հայկ․ 128 գյուղերի վիճակագրական տեղեկություններով ցուցակը, Գեղարդի վանքի նկարագրությունը և գծագիր տախտակները (հեղինակ՝ ճարտ․ Նաումենկո), Ամաղուի Նորավանքի վերաբերյալ գծանկարները և դամբարանական արձանագրությունները, արձանագրություններ և տեսարան (գծագրություն՝ Հ․ Կեստների) Ծաթեի վանքից, գծագիր նկարներ ու արձանագրություններ Անիից և Սևանի շրջակայքից, հայկական ծածկագրության նյութեր, Գ․ Շերմազանյանին պատկանող 209 ձեռագրերի, Նոր Ջուղայի Ամենափրկիչ վանքի, Փարիզի Ազգային մատենադարանի և Տաթևի վանքի հայերեն ձեռագրերի ցուցակները։ Նյութերի մի մասը Բերժեն ձեռք է բերել ուրիշներից, մյուս մասն ինքն է գրի առել, հավանաբար, գիտակ հայերի օգնությամբ։ Բերժեի «Գալուստ Շիրմազանյանի գրադարանը» գրքույկում տրված է Գ․ Շերմազանյանի կենսագրությունը։

Վիքիպահեստն ունի նյութեր, որոնք վերաբերում են «Ադոլֆ Բերժե» հոդվածին։

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 2, էջ 422)։