Անդրեյ Մանդելշտամ

Անվան այլ կիրառումների համար տե՛ս՝ Մանդելշտամ (այլ կիրառումներ)

Անդրեյ Մանդելշտամ
Ծնվել է	մարտի 6, 1869(1869-03-06)
Ծննդավայր	Մոգիլյով, Մոգիլյովյան նահանգ, Ռուսական կայսրություն
Մահացել է	հունվարի 27, 1949(1949-01-27) (79 տարեկան)
Մահվան վայր	Նյոյի սյուր Սեն
Գերեզման	Սենտ-Ժենևիև-դե-Բուա
Քաղաքացիություն	Ռուսական կայսրություն և  Ֆրանսիա
Ազգություն	հրեա
Կրթություն	Սանկտ Պետերբուրգի համալսարան և Քաղաքական գիտությունների ազատ դպրոց (1898)
Մասնագիտություն	դիվանագետ և իրավաբան
Աշխատավայր	Ցարսկոյե սելո լիցեյ, Embassy of Russia in Ankara?, Ռուսական կայսրության արտաքին գործերի նախարարություն և Institute of Higher International Studies?
Զբաղեցրած պաշտոններ	Դրագոման
Անդամություն	Միջազգային իրավունքի ինստիտուտ և Հաագայի միջազգային իրավունքի ակադեմիա

Անդրեյ Նիկոլաևիչ Մանդելշտամ (ռուս.՝ Андрей Николаевич Мандельштам, մարտի 6, 1869(1869-03-06), Մոգիլյով, Մոգիլյովյան նահանգ, Ռուսական կայսրություն - հունվարի 27, 1949(1949-01-27), Նյոյի սյուր Սեն), ռուս դիվանագետ, միջազգային իրավունքի դոկտոր։

Եղել է Կոստանդնուպոլսում ռուսական դեսպանության թարգման (դրագոման)։ 1912-1914 թվականներին մասնակցել է հայկական բարենորոգումների (1913-1914) խնդրի դիվանագիտական քննարկումներին, 1914 թվականի ռուս-թուրքական համաձայնագրի հոդվածների մշակմանը։ Առաջին համաշխարհային պատերազմի (1914-1918) տարիներին ակտիվորեն հանդես է եկել արևմտահայության իրավունքների պաշտպանությամբ, երիտթուրքերի չարագործությունների դատապարտմամբ, մասնակցել է հայ գաղթականության օգտին ռուս հասարակության ձեռնարկած միջոցառումներին։ Գրել է աշխատություններ միջազգային հարաբերությունների, Հայկական հարցի, Օսմանյան Թուրքիայի նոր և նորագույն պատմության վերաբերյալ։

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 7, էջ 218)։