Jump to content

Դեյվիդ Գեյլի կյանքը

Վիքիպեդիայից՝ ազատ հանրագիտարանից
Դեյվիդ Գեյլի կյանքը
անգլ.՝ The Life of David Gale
Երկիր Միացյալ Թագավորություն
 Գերմանիա
 ԱՄՆ
Ժանրմիստիկ ֆիլմ, դրամա[1][2][3] և քրեական ֆիլմ[1][3]
Թեմամահապատիժ
Թվականփետրվարի 7, 2003[4], փետրվարի 21, 2003[4] և մարտի 13, 2003[5]
Լեզուիսպաներեն և անգլերեն
ՌեժիսորԱլան Փարքեր[6][1][7][…]
ՊրոդյուսերՆիկոլաս Քեյջ և Ալան Փարքեր
Սցենարի հեղինակՉարլզ Ռենդոլֆ
ԴերակատարներՔևին Սփեյսի[6][7][2][…], Քեյթ Ուինսլեթ[6][7][2][…], Լորա Լիննի[7][2][8][…], Կապրիէլ Մենն[7][2][8], Մեթ Քրեյվեն[7][2][8], Ռոնա Միտրա[7][8], Ջիմ Բիվեր[7][8], Լեոն Ռիփի[7][8], Մելիսա ՄակՔարթի[8], Ջուլիա Լաշե[8], Խուլիո Սեդիլյո[9], Ալան Փարքեր[9], Քեթի Լեմկին[9] և Քլեո Քինգ[9]
ՕպերատորՄայքլ Սերեզին
ՄոնտաժԳերի Համբլինգ
Պատմվածքի վայրՏեխաս
Նկարահանման վայրԲարսելոնա
ԿինոընկերությունSaturn Films և Intermedia
Տևողություն130 րոպե[10]

«Դեյվիդ Գեյլի կյանքը» (անգլ.՝ The Life of David Gale), ռեժիսոր Ալան Պարքերի 2003 թվականի դետեկտիվ դրաման է, հանուն արդարության հաղթանակի ինքնազոհողության մասին։ Գլխավոր դերերում նկարահանվել են` Քևին Սփեյսին և Քեյթ Ուինսլեթը։

Սյուժե

[խմբագրել | խմբագրել կոդը]

Լրագրողուհի Բեթսի Բլումը ժամանում է բանտ, մահապատժից առաջ, վերջին երեք օրվա ընթացքում բանտարկյալ, Տխասի համալսարանի նախկին պրոֆեսոր Դևիդ Գեյլից հարցազրույց վերցնելու համար։ Մահապատժից առաջ, երեք օրվա ընթացքում Գեյլը Բեթսի Բլումին պատմում է իր կյանքի մասին։

Նախկինում Գեյլը և նրա նախկին ընկերուհին` Կոնստանսը Տեխաս նահանգում մահապատժի դեմ պայքարի ակտիվիստ և առաջնորդներ էին։ Հասարակությունը և իշխանությունը մշտապես մերժում էին մահապատժի անթույլատրելիության մասին փաստարկները։ Նրանց պարզապես առաջարկում էին նշել Տեխասում մահապատժի ենթարկված անմեղ մարդու անուն, իսկ նրանք ոչինչ չունեին պատասխանելու։ Բացի այդ Գեյլի հետ նրա վատ առաջադիմությամբ ուսանողուհիներից մեկը սեռական մտերմության էր ուզում հասնել, իսկ երբ դա տեղի է ունենում աղջիկը «բռնաբարության» բողոք է ներկայացնում ոստիկանություն։ Գեյլին դժվարությամբ է հաջողվում ապացուցել իր անմեղությունը։ Նրա բարեկեցիկ ընտանեկան կյանքը և կարիերան կործանվում են։ Նրան հավատարիմ է մնում միայն Կոնստանսը։ Բայց մահապատժի դեմ նրանց պայքարը դառնում է անհեռանկարային։

Հանկարծակի Կոնստանսին մահացած են գտնում և նրա սպանության համար ձերբակալում են Դևիդին, քանի որ այս անգամ ևս հանցանշանները մատնանշում են նրան։ Դատարանը նրան մահապատժի է դատապարտում։

Սակայն իր վերջին երեք հացազրույցների ընթացքում Գեյլը բացատրում է լրագրողուհուն, որ նա երկրորդ դեպքում ևս մեղավոր չէ։ Այդ ժամանակ Բեթսի Բելումի մոտ հայտնվում է նրա անմեղությունը ապացուցող տեսաերիզ, որտեղ դրոշմված են Կոնստանսի մահվան հանգամանքները, և հոլովակ, որ Կոնստանսը ինքն է կազմակերպել ինքնասպանություն, իսկ այդ ամենը տեսագրում է նրանց գործընկերներից մեկը՝ Դաստի Ռայթը։ Ստացվում է, որ մահապատժի դեմ շարժման ակտիվիստ Կոնստանսը կանխամտածված զոհաբերել է իր կյանքը, որպեսզի իր գործընկերոջը սխալմամբ մահապատժի դատապարտեն։

Կատարվող անարդարությունից սարսափած Բեթսի Բլումը շտապում է, բայց նրան մի քանի րոպե չի հերիքում ներկայացնելու տեսաերիզը և կանխելու Դևիդի մահպատիժը։ Նրան այնուամենայնիվ մահապատժի են ենթարկում։ Մահապատիժը մեծ աղմուկ է բարձրացնում ԶԼՄ_ում, բանտի մոտ հավաքվում են մեծ թվով ցուցարարներ, հեռուստաընկերությունները ռեպորտաժ են պատրաստում։ Բեթսի Բլումը տեսաերիզը փոխանցում է ԶԼՄ-ին, և բոլորին պարզ է դառնում, որ Դևիդի մահապատիժը արդարադատության սխալն էր։ Տեխաս նահանգի իշխանությունները ստիպված են աստիճանաբար նահանջել մահապատժի վերացման հասարակության պահանջների առջև։

Այդ ընթացքում Գեյլի փաստաբանը Ռեյթին է փոխանցում կես միլիոն դոլար, որը ամսագիրը նրան է հանձնում կատարած աշխատանքի համար։ Ռայթը այն ուղարկում է Իսպնիա՝ նախկին տիկին Գեյլին, նամակի հետ, որտեղ Բերլին (ուսանողուհին, որին Դևիդը իբրև բռնաբարել էր) ներողություն է խնդրում։ Նա հասկանում է, որ իր նախկին ամուսինը նևրան ճշմարտությունն էր ասել։

Որոշ ժամանակ անց Բեթսի Բլումը փոստով ևս մեկ տեսաերիզ է ստանում։ Այնտեղ տեսագրված էր Կոնստանսի ինքնասպանության մանրամասները։ Բեթսին տեսնում է, որ ինքնասպանության ժամանակ նրա մոտ էր նաև Գեյլը։ Բեթսի Բլումը հասկանում է, որ Կոնստանսի ինքնասպանությունը կազմակերպել էին, ոչ միայն նա և իր գործընկերը այլ նաև Գեյլը։

Դերերում

[խմբագրել | խմբագրել կոդը]
Դերասան Դեր
Քևին Սփեյսի Դևիդ Գեյլ
Քեյթ Ուինսլեթ Բիթսի Բլում
Լորա Լինի Կոնստանս
Մեթ Քրեյվեն Դստի Ռայթ
Գեբրիել Ման Զաք Սթեմոնս
Լենոն Ռիփի Բերեքսթոն Բելյու
Ռոնա Միտրա Բերլին
Ջիմ Բիվեր Հերցոգ Գրովեր

Քննադատություն

[խմբագրել | խմբագրել կոդը]

IMDb կայքում ֆիլմը ունի 10-ից 7.5 վարկանիշ, հիմնված 85 հազար ձայների վրա[11].

Ֆիլմը արժանացել է բացասական արձագանքների։ Այսպես, ամերիկացի հայտնի կինոքննադատ Ռոջեր Էբերթը ֆիլմին 4 աստղից տվեց 0, ավելացնելով.

Վերջին դրվագում ես ցանկանում էի ինչ որ բան շպրտել էկրանին, հնարավոր է հենց Սփեյսիինկամ Պատրիկին

[12]:

Փաստեր

[խմբագրել | խմբագրել կոդը]
  • Բեթիի հետ վերջին խոսակցության դրվագում Դևիդը արտահայտություն է անում, որը հնչում է այսպես. «All I can tell you is that by this time tomorrow I`ll be dead. I know when. I just cannot say why»: Բեթսիի հետ շբման ամբողջ ընթացքում Դևիդը ոչ մի անգամ չի ասել իր ատելության մասին, կամ այն մասին, թե ինչպես է ամեն ինչ տեղի ունեցել իրականում։ Նա միշտ օգտագործում էր չեզոք բառեր, պնդելով, որ նա պետք է իմանա ճշմարտությունը։ Այսինքն Դևիդը չէր փորձել ստնել նրան, այլ միայն ծածկում էր ճշմարտությունը։
  • Համալսարանում երազանքների և երջանկության մասին դասախոսության ժամանակ Դևիդը երկու անգամ հիշատակում է փիլիսոփա և հոգևավերլուծաբան Ժակ Մարի Էմիլիա Լականին։
  • Բետսի Բլումի դերում պետք է նկարահանվել Նիկոլ Քիդմանը, բայց դերասանուհին հրաժարվել էր նկարահանվել ֆիլմում։
  • Քեվին Սփեյսին նույնպես նկարահանվել էր Ջոել Շումախերի «Սպանելու ժամանակն է», որի կենտրոնում նույնպես հանցագործություն է։ Այնտեղ նա հակառակ կողմում է` դատախազի դերում, ով գլխավոր դերակատարի համար մահապատիժ էր պահանջում։
  • Կինոնկարը անհաջողության է մատնվել համաշխարհային վարձույթում, հավաքելով 39 միլիոն դոլար, իսկ արտադրության վրա ծախսվել էր 63 միլիոն դոլար[13]։
  • Ֆիլմը ստեղծողներից 3-ը կրում են Փարքեր ազգանունը։ Բացի ռեժիսորից` Ջեյք Փարքերը և Ալեքս Փարքերը։ Ընդ որում առաջինը ռեժիսորի որդին է։
  • «Դևիդ Գեյլի կյանքը» կոմպոզիցիան, գրվել էր ֆիլմի վերջին տեսարանի համար, հետագայում հաճախ է օգտագործվել այլ ֆիլմերի թրեյլերների համար։

Մրցանակներ և անվանակարգեր

[խմբագրել | խմբագրել կոդը]

2003 թվականին ֆիլմը ընդգրկվել է Բեռլինի կինոփառատոնի մրցութային ծրագրի մեջ և առաջադրվել «Ոսկե արջ» մրցանակի։

Ծանոթագրություններ

[խմբագրել | խմբագրել կոդը]
  1. ↑ 1,0 1,1 1,2 http://www.imdb.com/title/tt0289992/
  2. ↑ 2,0 2,1 2,2 2,3 2,4 2,5 http://www.fotogramas.es/Peliculas/La-vida-de-David-Gale#critFG
  3. ↑ 3,0 3,1 http://www.metacritic.com/movie/the-life-of-david-gale
  4. ↑ 4,0 4,1 Internet Movie Database — 1990.
  5. ↑ http://www.kinokalender.com/film4019_das-leben-des-david-gale.html
  6. ↑ 6,0 6,1 6,2 http://stopklatka.pl/film/zycie-za-zycie-2003
  7. ↑ 7,0 7,1 7,2 7,3 7,4 7,5 7,6 7,7 7,8 http://www.bbfc.co.uk/releases/life-david-gale-2003-3
  8. ↑ 8,0 8,1 8,2 8,3 8,4 8,5 8,6 8,7 http://www.imdb.com/title/tt0289992/fullcredits
  9. ↑ 9,0 9,1 9,2 9,3 ČSFD (չեխերեն) — 2001.
  10. ↑ Internet Movie Database — 1990.
  11. ↑ «User ratings for Жизнь Дэвида Гейл». IMDb. Վերցված է 2015 թ․ հոկտեմբերի 25-ին.
  12. ↑ Roger Ebert (2003 թ․ փետրվարի 21). «The Life of David Gale». Վերցված է 2015 թ․ հոկտեմբերի 25-ին.
  13. ↑ Кассовые сборы в США: Жизнь Дэвида Гейла

Արտաքին հղումներ

[խմբագրել | խմբագրել կոդը]
 ⛭ 
  Թեմատիկ կայքեր
Չափորոշչային վերահսկողություն
VIAF: 316752120 · WorldCat VIAF: 316752120
Ստացված է «https://hy.wikipedia.org/w/index.php?title=Դեյվիդ_Գեյլի_կյանքը&oldid=9919960» էջից