Լեցիտինները մոմանման, խոնավասեր նյութեր են, լավ լուծվում են սպիրտում, եթերներում, չեն լուծվում ացետոնում։ Պարունակվում են բուսական և կենդանական օրգանիզմներում, մասնակցում են կենսաբանական թաղանթների գոյացմանը։
Լեցիտիններն կիրառվում են նաև սննդի, տեքստիլ, օծանելիքի արդյունաբերության մեջ։ Բժշկական պրակտիկայում՝ նյարդային համակարգի հիվանդությունների, անեմիաների դեպքում օգտագործվում է ցերեբրոլեցիտինը, որն ստացվում է խոշոր եղջերավոր անասունների ուղեղի էքստրակտից։
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 4, էջ 593)։
