Կորտրեյկ

Կորտրեյկ
Բնակավայր
	Կորտրեյկ
	հոլ.՝ Kortrijk
Դրոշ	Զինանշան
Երկիր	Բելգիա
Համայնք	Քորթրայք
Մակերես	80,69 կմ²
Պաշտոնական լեզու	հոլանդերեն
Բնակչություն	▲77 741 մարդ (հունվարի 1, 2022)
Ժամային գոտի	UTC+1
Հեռախոսային կոդ	056
Փոստային դասիչ	8500, 8510, 8501 և 8511
Պաշտոնական կայք	kortrijk.be(նիդեր.)
	Կորտրեյկ (Բելգիա)
	Կորտրեյկ (Բելգիա)
	Կորտրեյկ Վիքիպահեստում

Կորտրեյկ (հոլ.՝ Kortrijk, արևմտ․ ֆլամանդ․՝ Kortryk, Kortrik, Kortriek, ֆր.՝ Courtrai), պատմական քաղաք Բելգիայի Արևմտյան Ֆլանդրիայի նահանգում, Լիս գետի և Լեյի Շելդա ջրանցքի հատման կետում։ Բնակչությունը կազմում է 75.100 մարդ (2010 թվական)։ Մեծ Լիլ քաղաքի ֆրանս-բելգիական ագլոմերացիայի մի մասն է կազմում։

Պատմություն

Քաղաքն առաջացել է Կորտորիակում (Cortoriacum) հռոմեական բնակավայրից, որտեղ 7-րդ դարում քարոզչությամբ է զբաղվել Սուրբ Էլիգիուսը։ Միջնադարում հիմնադրված մատուռը վերակափոխվել է Սուրբ Մարտին եկեղեցու, որը հայտնի է իր 48 զանգերով։ 9-րդ դարում ֆլանդրիացի կոմս Բոլդուին II-ը ամրապնդեց քաղաքը` վիկինգների հարձակումից պաշտպանելու համար։ Միջնադարում Կորտրեյկը Ֆլանդրիայի մահուդի արդյունաբերության կենտրոններից մեկն էր։

Միջնադարում Կորտրեյկի շրջանում մի քանի կարևոր մարտեր են տեղի ունեցել, որոնցից ամենահայտնին 1302 թվականի ճակատամարտն է, որի ժամանակ Ֆրանսիայի թագավորի հեծելազորը պարտության մատնեց վատ զինված աշխարհազորին^[3]։ 1382 թվականին մեկ այլ պատերազմի ժամանակ Ֆրանսիայի Կառլ VI թագավորը գրավեց և թալանեց քաղաքը։ Հաջորդ անգամ ֆրանսիացիները կարողացան տիրել Կորտրեյկին 1667-1668 թվականների Դևոլյուցիոն պատերազմի ժամանակ, սակայն 1678 թվականի Նեյմեյխենի խաղաղության հաշտագրերի ժամանակ քաղաքը վերադարձվել է Իսպանական Նիդերլանդներին։ Ֆրանսիան կրկին գրավել է քաղաքը Հեղափոխական պատերազմների ժամանակ (1793 թվական)։ 1815 թվականին այն ընդգրկվում է Նիդերլանդների Միացյալ Թագավորության կազմում, իսկ 1830 թվականին Բելգիայի տարանջատումից հետո՝ վերջինիս կազմում։

Կորտրեյկը ռազմավարական նշանակություն է ունեցել երկու համաշխարհային պատերազմներում, որոնց ավարտից հետո պատմական հուշարձանները ջանասիրաբար վերականգնվել են։ Բացի վերոհիշյալ Սուրբ Մարտին եկեղեցուց, ուշագրավ է նաև Աստվածամոր եկեղեցին (1191-1211)՝ ֆլամանդացի կոմսերի մատուռով։ Այստեղ տեղադրված է Սուրբ Եկատերինայի միջնադարյան արձանը և Անտոնիս վան Դեյքի «Սուրբ Խաչը»։ Եկեղեցու հարակից աշտարակը և Ֆլամանդական բեգինաժներն ընդգրկված են Բելգիայում ՅՈՒՆԵՍԿՕ-ի Համաշխարհային ժառանգության օբյեկտների ցանկում։

Կլիմա

Ջերմաստիճանի և տեղումների տարեկան միջին ցուցանիշները Կորտրեյկում
Ամիս	հունվ	փետ	մարտ	ապր	մայ	հուն	հուլ	օգոս	սեպ	հոկ	նոյ	դեկ

Բնիկներ

Գուստավ Իոնգե (1829—1893)՝ արվեստագետ-դիմանկարիչ
Ռուլանտ Սավերի (1575—1639)՝ արվեստագետ-նկարիչ
Ստոֆֆել Վանդորն (1992) - ֆորմուլա 1-ի մրցարշավորդ, «Մակլարեն» խմբի օդաչու

Քույր քաղաքներ

Ծանոթագրություններ

↑ Bevolking per gemeente op 1 januari 2022 — Statbel.
↑ ^2,0 ^2,1 ^2,2 ^2,3 Crossroads Bank for Enterprises
↑ [1] Куртрэ // Военная энциклопедия : [в 18 т.] / под ред. В. Ф. Новицкого [и др.]. — СПб. ; [М.] : Тип. т-ва И. Д. Сытина, 1911—1915

Արտաքին հղումներ

Վիքիպահեստն ունի նյութեր, որոնք վերաբերում են «Կորտրեյկ» հոդվածին։

[_ba515602001c2f2d-1] Bevolking per gemeente op 1 januari 2022 — Statbel.

[_6180f1f01679162b-2] 2,0 ^2,1 ^2,2 ^2,3 Crossroads Bank for Enterprises

[3] [1] Куртрэ // Военная энциклопедия : [в 18 т.] / под ред. В. Ф. Новицкого [и др.]. — СПб. ; [М.] : Тип. т-ва И. Д. Сытина, 1911—1915

[1]

[2]

[3]