Ջեյմս Հարդեն

	Ջեյմս Հարդեն; James Harden
	;
Լոս Անջելես Կլիպերս
Ակումբ	Լոս Անջելես Կլիպերս
Դիրքը	Հարձակվող պաշտպան
Համար	№ 1
Ի ծնե տրված անունը	Ջեյմս Էդվարդ Հարդեն կրտսեր; James Edward Harden, Jr.
Ծննդյան ամսաթիվ	օգոստոսի 26, 1989 (35 տարեկան)
Ծննդավայր	Լոս Անջելես, Կալիֆորնիա, ԱՄՆ
Ազգություն
Հասակ	1,96 մ
Քաշ	100 կգ
Դպրոց	Արտեզիայի ավագ դպրոց; (Լեյքվուդ, Կալիֆորնիա)
համալսարան	Արիզոնա սթեյթ (2007–2009)
Դրաֆթի տարի	2009 / ռաունդ` 1 / ընտր.` 3-րդ
Դրաֆթ ակումբ	Օկլահոմա սիթի Թանդեր
Կարիերայի պատմություն
	Օկլահոմա սիթի Թանդեր (2009-2012); Հյուստոն Ռոքեթս (2012-2021); Բրուքլին Նեթս (2021-2023); Լոս Անջելես Կլիպերս (2023-այժմ)
Մրցանակներ
	NBA ամենաարժեքավոր խաղացող (2018); 10× NBA աստղ (2013–2022); 6× All-NBA առաջին թիմ (2014, 2015, 2017–2020); 6× All-NBA երրորդ թիմ (2013); 3× NBA-ի առաջատար միավորների կատեգորիայում (2018–2020); NBA-ի առաջատար փոխանցումների կատեգորիայում (2017); NBA տարվա լավագույն պահեստային (2012); NBA All-Rookie երկրորդ թիմ (2010); Կոնսենսուսի All-American առաջին թիմ (2009); NBA All-Rookie առաջին թիմ (2004); Pac-10-ի տարվա խաղացող (2004); 2× All-Pac-10 առաջին թիմ (2008–2009);
Մեդալներ
	Օլիմպիական խաղեր; Ոսկի - Լոնդոն 2012

Ջեյմս Էդվարդ Հարդեն կրտսեր (անգլ.՝ James Edward Harden, Jr., օգոստոսի 26, 1989(1989-08-26), Լոս Անջելես, Կալիֆոռնիա), ամերիկացի պրոֆեսիոնալ բասկետբոլիստ, Հարձակվող պաշտպան։ Հանդես է գալիս Բասկետբոլի ազգային ասոցիացիայի (NBA) «Լոս Անջելես Կլիպերս» ակումբում։

Համալսարանային տարիներն անցկացրել է Արիզոնայի նահանգային համալսարանի «Սան դևիլս» ակումբում, որի կազմում արժանացել է մի շարք ճանաչողական մրցանակների։

Ընտրվել է NBA-ի 2009 թվականի դրաֆթի^[1] շրջանակում, որտեղ առաջին ռաունդի 3-րդ համարի ներքո՝ «Օկլահոմա սիթի Թանդերի» կողմից, որի կազմումը հասել է մինչև 2012 թվականի NBA-ի գերեզրափակիչ։ Նույն տարի արժանացել է «Տարվա պահեստային» (անգլ.` Sixth Man of the Year) մրցանակին։

«Հյուստոն Ռոքեթսի» կազմում երեք անգամ եղել է լիգայի առաջատար՝ միջին միավորների ասպարազեում, 2018 թվականին ճանաչվել է ամենաարժեքավոր խաղացող (MVP): Բազմաթիվ անգամներ -անաչվել է NBA-ի աստղ, ինչպես նաև ընդգրկվել «All-NBA» խորհրդանշական հավաքականներում։

Ակումբային կարիերայից զատ հանդես է եկել նաև Միացյալ Նահանգների բասկետբոլի ազգային հավաքականի կազմում՝ 2012 թվականի ամառային օլիմպիական խաղերում և 2014 թվականի Աշխարհի առաջնությունում դառնալով ոսկե մեդալակիր։

Դպրոցական կարիերա

Հաճախել է Արտեզիայի ավագ դպրոցը (Լեյքվուդ, Կալիֆորնիա նահանգ)։ Ավագ դպրոցի 2-րդ տարում իր հաշվին միջինում գրանցել է 13 միավոր։ Հաջորդ ուսումնական տարում Հարդենը բարելավում է միջին ցուցանիշները՝ 18 միավոր և 3 արդյունավետ փոխանցում։ Նույն տարի 33 հաղթանակի և 1 պարտության ընդհանուր ցուցանիշով Արտեզիայի դպրոցական թիմը հաղթում է Կալիֆորնիայի ներնահանգային դպրոցական առաջնությունը։ Հաղթանակը կրկնվում է ավարտական տարում՝ 33-2 թիմային արդյունքով։

Համալսարանային կարիերա

Դպրոցն ավարտելուց հետո Հարդենը երկու ուսումնական տարի հանդես է գալիս Արիզոնային նահանգային համալսարանի «Դևիլս» ակումբում^[2]։ 2007-08 խաղաշրջանում Հարդենն անցկացնում է 34 հանդիպում՝ միջինում մանրահատակի վրա գտնվելով 34 րոպե և հավաքելով 17 միավոր, 5 արգելափակում, 2 խլում, 2 կորուստ և 3 փոխանցում։

2008-09 մրցաշրջանում Հարդենն անցկացնում է 35 հանդիպում՝ այս անգամ մանրահատակի վրա միջինում անցկացնելով 35 րոպե և իր հաշվին գրանցելով 20 միավոր, 5 արգելափակում, 1 խլում, 3 կորուստ և 4 փոխանցում։

Բասկետբոլի ազգային ասոցիացիա

Օկլահոմա Սիթի Թանդեր

Հարդենն ընտրվում է «Օկլահոմա Սիթի Թանդերի» կողմից՝ NBA-ի 2009 թվականի դրաֆթի առաջին ռաունդի 3-րդ համարի ներքո։ Նույն թվականի հուլիսի 12-ին Հարդենը հիմնական մարզական պայմանագիր է կնքում «Թանդերի» հետ։

Հյուստոն Ռոքեթս

Պայմանագրի երկարաձգման հարցում համաձայնության չգալով «Թանդերի» ղեկավարության հետ, Հարդենը տեղ է գտնում «Հյուստոն Ռոքեթսում»։

Անձնական կյանք

2015 թվականի հունիսից մինչև 2016 թվականի փետրվարը հանդիպում էր ամերիկահայ հեռուստատեսային դեմք Քլոյի Քարդաշյանի հետ^[3]^[4]։

Ծանոթագրություններ

↑ Բրեդլի, Բիլ. – "«Առաջնորդելով»". – «Սակրամենտո Բի»: – Հունվարի 21, 2009 թ.
↑ Համալսարանային ելույթների վիճակագրություն(անգլ.)
↑ «Khloe Kardashian looks amazing for date night with boyfriend James Harden». Mirror. 2015 թ․ օգոստոսի 30. Վերցված է 2015 թ․ Սեպտեմբերի 19-ին.
↑ «Khloe Kardashian and James Harden Break Up: Find Out What Went Wrong». Mike Vulpo.

Արտաքին հղումներ

Վիքիպահեստն ունի նյութեր, որոնք վերաբերում են «Ջեյմս Հարդեն» հոդվածին։

[1] Բրեդլի, Բիլ. – "«Առաջնորդելով»". – «Սակրամենտո Բի»: – Հունվարի 21, 2009 թ.

[2] Համալսարանային ելույթների վիճակագրություն(անգլ.)

[3] «Khloe Kardashian looks amazing for date night with boyfriend James Harden». Mirror. 2015 թ․ օգոստոսի 30. Վերցված է 2015 թ․ Սեպտեմբերի 19-ին.

[4] «Khloe Kardashian and James Harden Break Up: Find Out What Went Wrong». Mike Vulpo.

[1]

[2]

[3]

[4]