Jump to content

Սելին Սյամմա

Վիքիպեդիայից՝ ազատ հանրագիտարանից
Սելին Սյամմա
Ծննդյան թիվ՝նոյեմբերի 12, 1978(1978-11-12)[1] (45 տարեկան)
Ծննդավայր՝Պոնտուազ, Վալ-դը-Ուազ, Ֆրանսիա
Քաղաքացիություն՝ Ֆրանսիա
Մասնագիտություն՝կինոռեժիսոր, կինոսցենարիստ և դերասանուհի
Պարգևներ՝
IMDb։ID 1780037

Սելին Սյամմա[4] (ֆր.՝ Céline Sciamma, նոյեմբերի 12, 1978(1978-11-12)[1], Պոնտուազ, Վալ-դը-Ուազ, Ֆրանսիա), ֆրանսիացի կինոռեժիսոր, սցենարիստ և ֆեմինիստ[5]։

Կենսագրություն

[խմբագրել | խմբագրել կոդը]

Սելին Սյամման ծնվել է 1978 թվականի նոյեմբերի 12-ին, Պոնտուազ քաղաքում, Ֆրանսիայի Վալ դը Ուազ դեպարտամենտում։ Կինեմատոգրաֆիական կրթությունը ստացել է La Fémis կինոդպրոցում, որտեղ նրա ուսուցիչը եղել է Սսավյե Բովուան։

2007 թվականին Սյամման իր նորամուտը նշել է «Ջրաշուշաններ» լիամետրաժ ֆիլմով, որը պատմում է 15-ամյա աղջկա պատմությունը, որը սիրահարված է գեղալողի թիմի ավագին։ Ֆիլմը ընտրվել Է Կաննի կինոփառատոնի «Հատուկ հայացք» ծրագրի համար, ստացել Լուի Դելյուկի մրցանակ և առաջադրվել ֆրանսիական «Սեզար» ազգային կինոմրցանակի երեք անվանակարգերում։

Սյամմայի առաջին կարճամետրաժ ֆիլմը` «Պոլինը» (2010), ստեղծվել է հոմոֆոբիայի դեմ կառավարության արշավի շրջանակներում։

10-ամյա Լաուրայի աշխարհի մասին պատմող «Տղուհի» (անգլ.՝ Tomboy, 2011) ֆիլմն ստացել է Բեռլինի կինոփառատոնի «Թեդդի» մրցանակ և Օդեսայի կինոփառատոնի «Ոսկե Դյուկ» Գրան-Պրի[6]։

2014 թվականին թողարկված «Աղջիկների միություն» ֆիլմն ընտրվել է որպես Կաննի 67-րդ միջազգային կինոփառատոնի «Ռեժիսորների երկշաբաթ» բաժնի բացման ֆիլմ[7]։

«Աղջկա դիմանկարը կրակի մեջ» ֆիլմը մրցանակ է ստացել Կաննի կինոփառատոնի «Լավագույն սցենարի համար» անվանակարգում[8]։

Ֆիլմագրություն

[խմբագրել | խմբագրել կոդը]
  • 2004` Առաջին համայնքներ (սցենարիստ) (կարճամետրաժ)
  • 2006` Թաքցրու ուրախությունը (սցենարիստ) (կարճամետրաժ)
  • 2007` Ջրաշուշաններ (ռեժիսոր, սցենարիստ)
  • 2010` Պոլին (ռեժիսոր) (կարճամետրաժ)
  • 2010` Փղոսկրի աշտարակ (սցենարիստ)
  • 2011` Տղուհի (ռեժիսոր, սցենարիստ)
  • 2012` Վշտի կանչին (սցենարիստ)
  • 2014` Աղջիկների միություն (ռեժիսոր, սցենարիստ)
  • 2014` Երիտասարդ վագր (սցենարիստ)
  • 2016` Երբ դու տասնյոթ տարեկան ես (սցենարիստ)
  • 2016` Իմ կյանքը որպես Կուրժետ (սցենարիստ)
  • 2017` Քամին պտտվում է (սցենարիստ)
  • 2019` Աղջկա դիմանկարը կրակի մեջ (ռեժիսոր, սցենարիստ)

Անձնական կյանք

[խմբագրել | խմբագրել կոդը]

Սելին Սյամման լեսբուհի է։ 2014 թվականին Ադել Հանելը «Սեզար» մրցանակի շնորհման ժամանակ իր ելույթում հրապարակավ հայտարարել է, որ ինքը Սելինի հետ հարաբերությունների մեջ է, որի հետ ծանոթացել է 2007 թվականին «Ջրաշուշաններ» ֆիլմի նկարահանումների ժամանակ։ Զույգը բաժանվել է 2018 թվականին «Աղջկա դիմանկարը կրակի մեջ» ֆիլմի նկարահանումներից առաջ։

Ակտիվիզմ

[խմբագրել | խմբագրել կոդը]

2018 թվականին Սելին Սյամման կինոարտադրության այլ այնպիսի հայտնի կանանց հետ, ինչպիսիք են Անյես Վարդան, Ավա Դյուվերնեյը, Քեյթ Բլանշետը և Լեա Սեյդուն, կազմակերպել և մասնակից է եղել 2018 թվականի Կաննի կինոփառատոնում անհավասարության դեմ ակցիային։ Առաջիններից մեկն է, որ միացել է ֆրանսիական կինոարդյունաբերության մասնագետների 50/50 շարժման` պաշտպանելով կինոյում գենդերային հավասարությունը[9]։

Ծանոթագրություններ

[խմբագրել | խմբագրել կոդը]
  1. ↑ 1,0 1,1 Deutsche Nationalbibliothek Record #141290595 // Gemeinsame Normdatei (գերմ.) — 2012—2016.
  2. ↑ 2016 — European Film Academy.
  3. ↑ 3,0 3,1 2019 — European Film Academy.
  4. ↑ Օրիգինալ արտասանությունը` видео
  5. ↑ «Céline Sciamma, ou le cinéma au centre de la lutte féministe» (ֆրանսերեն). Telquel.ma. Վերցված է 2020 թ․ հունվարի 27-ին.
  6. ↑ Одесский МКФ: конкурс фильмов «kinokolo.ua» Արխիվացված 2011-09-10 Wayback Machine от 25 июля 2011
  7. ↑ «Cannes Directors' Fortnight 2014 lineup unveiled». Screendaily. Վերցված է 16.06.2016-ին.(չաշխատող հղում)
  8. ↑ Четвёртый фильм Селин Скьяммы, получивший в Каннах приз за сценарий
  9. ↑ «5050 en 2020» (ֆրանսերեն). 50502020. Վերցված է 2020 թ․ հունվարի 27-ին.
Վիքիպահեստն ունի նյութեր, որոնք վերաբերում են «Սելին Սյամմա» հոդվածին։
Թեմատիկ կայքեր
Ստացված է «https://hy.wikipedia.org/w/index.php?title=Սելին_Սյամմա&oldid=9790945» էջից