Ստրուգայի պոեզիայի երեկոներ
| Ստրուգայի պոեզիայի երեկոներ | |
|---|---|
 | |
| Տեսակ | poetry festival? |
| Վայր | Ստրուգա |
| Առաջինը | 1962 |
| svp.org.mk | |
 Struga Poetry Evenings Վիքիպահեստում | |
Ստրուգայի պոեզիայի երեկոներ (մակեդոներեն՝ Струшките вечери на поезијата, պոեզիայի միջազգային փառատոն, որն ամեն տարի անցկացվում է Մակեդոնիայի Հանրապետության Ստրուգա քաղաքում[1]։ Փառատոնը Եվրոպայի ամենամեծ փառատոներից մեկն է[2]։
Պատմություն
[խմբագրել | խմբագրել կոդը]«Ստրուգայի պոեզիայի երեկոները» փառատոնն առաջին անգամ Մակեդոնիայիմ անցկացվել է 1962 թվականին։ Այն նվիրված է ծնունդով Ստրուգայից գրող, մակեդոնական գրականության հիմնադիր Կոնստանտին Միլադինովի հիշատակին։ 1966 թվականին ձևավորվում է փառատոնի բարձրագույն պարգևը՝ «Ոսկե պսակ»-ը (մակեդոներեն՝ Златен венец): Առաջին անձը, որը պարգևատրվեց այս մրցանակով Ռոբերտ Ռոժդեստվենսկին էր։ Մրցանակի դափնեկիր են Ուիսթեն Հյու Օդենը, Պաբլո Ներուդան, Իոսիֆ Բրոդսկին, Բուլատ Օկուջավան, Մահմուդ Դարվիշը և այլք։
2004 թվականին այս մրցանակին ավելանում է նաև մեկ ուրիշը՝ «Ստրուգայի կամուրջներ» (մակեդոներեն՝ Мостови на Струга) անվամբ։ Այն շնորհվում է բանաստեղծությունների լավագույն գիրք անվանակարգի համար։
Փառատոնի շրջանակներում կատարվում է նաև գրքի հրատարակում։ Ամեն տարի փառատոնին թողարկվում է ինչ-որ մի երկրի բանաստեղծությունների անթոլոգիա՝ մակեդոներեն թարգմանությամբ։ Ինչպես նաև մակեդոնական պոեզիայի թեմատիկ հրատատարակում է տեղի ունենում անգլերենով։ «Ստրուգայի պոեզիայի երեկոները» փառատոնի ժամանակ տեղի է ունենում Պոեզիայի միջազգային գրադարան միջոցառումը, որի ժամանակ փառատոնին մասնակցող բանաստեղծների գրքերը հավաքվում են փառատոնի գրադարանում։
2011 թվականին ՅՈՒՆԵՍԿՕ-ն Մակեդոնիայի Հանրապետության կառավարության հետ համատեղ նշեց «Ստրուգայի պոեզիայի երեկոները» փառատոնի հիսնամյակը[3]։
Ծանոթագրություններ
[խմբագրել | խմբագրել կոդը]- ↑ «Փառատոնի պաշտոնական կայքը».
- ↑ «Փառատոնի մասին».(չաշխատող հղում)
- ↑ Anniversaries with which UNESCO is associated in 2010—2011 ЮНЕСКО
Արտաքին հղումներ
[խմբագրել | խմբագրել կոդը]- Պաշտոնական կայք (անգլ.) (մակեդ.)
 | Վիքիպահեստն ունի նյութեր, որոնք վերաբերում են «Ստրուգայի պոեզիայի երեկոներ» հոդվածին։ |
