Օլգա Կոնստանտինովնա
| Օլգա Կոնստանտինովնա Ольга Константиновна | |
| |
| Մասնագիտություն՝ | թագավորական կոնսորտ, ազնվական, charity worker և բարեգործ |
|---|---|
| Դավանանք | ուղղափառություն |
| Ծննդյան օր | սեպտեմբերի 3, 1851[1][2][3] |
| Ծննդավայր | Պավլովսկ, Ցարսկոսելսկիյ ուեզդ, Սանկտ Պետերբուրգի նահանգ, Ռուսական կայսրություն |
| Վախճանի օր | հունիսի 18, 1926[4] (74 տարեկան) |
| Վախճանի վայր | Հռոմ, Իտալիայի թագավորություն[5] կամ Պո[6] |
| Թաղված | Ֆլորենցիա և Tatoi Royal Cemetery |
| Դինաստիա | Հոլշտեյն-Գոտրոպ-Ռոմանով |
| Քաղաքացիություն |  Ռուսական կայսրություն և .svg){kind=small} Հունաստանի թագավորություն
|
| Հայր | Կոնստանտին Նիկոլաևիչ[2][1][3] |
| Մայր | Princess Alexandra of Saxe-Altenburg? |
| Ամուսին | Գեորգիոս I[1][2][3][…] |
| Զավակներ | Կոնստանտինոս I, Գեորգիոս, Հունաստանի և Դանիայի արքայազն, Ալեքսանդրա Գեորգիեվնա, Նիկոլաոս, Հունաստանի և Դանիայի արքայազն, Մարիա Գեորգիեվնա, Անդրեաս, Հունաստանի և Դանիայի արքայազն, Խրիստոֆորո, Հունաստանի և Դանիայի արքայազն[1] և Princess Olga of Greece and Denmark?[4] |
| Ինքնագիր | 
|
| Պարգևներ |
  և  |
Օլգա Կոնստանտինովա (սեպտեմբերի 3, 1851[1][2][3], Պավլովսկ, Ցարսկոսելսկիյ ուեզդ, Սանկտ Պետերբուրգի նահանգ, Ռուսական կայսրություն - հունիսի 18, 1926[4], Հռոմ, Իտալիայի թագավորություն[5] և Պո[6]), իշխանուհի, հելլենների թագավոր Գեորգիոս I-ի կինը, 1920 թվականի նոյեմբերից դեկտեմբեր՝ Հունաստանի ռեգենտ։
Կենսագրություն
[խմբագրել | խմբագրել կոդը]Օլգան Նիկոլայ I կայսեր թոռնուհին էր, Կոնստանտին Նիկոլաևիչի և Ալեքսանդրա Իոսիֆովնայի դուստրը։
Օլգա Կոնստանտինովնան այն աստիճան էր տարվել Միխայիլ Լերմոնտովի գրականությամբ, որ կազմել է «Լերմոնտովի ստեղծագործությունների քաղվածքները տարվա յուրաքանչյուր օրվա համար» հավաքածուն՝ ռուս և օտարերկրացի կայսերական տների անդամների ստորագրություններով[7]։
Հունաստանի թագավոր Գեորգինիոս I-ի և իշխանուհու պսակադրությունը տեղի է ունեցել Սանկտ Պետերբուրգում 1867 թվականի հոկտեմբերի 15-ին (27-ին)։ Ամուսնությունն ամրացնում է Հունաստանի և Ռուսաստանի դիվանագիտական հարաբերությունները և միացնում երկու թագավորական տներ, ինչը ռուսական դիվանագիտության հաջողություններից մեկն էր։ Ռուսական դիրքերի առաջխաղացումը միջերկրածովյան շրջանում, այն էլ Թուրքիայի հետ ունեցած կոնֆլիկտի պահին, ծայրահեղ կարևոր էր Ռուսաստանի համար։
Թագուհին զբաղվում էր բարեգործությամբ, Պիրայում, որտեղ գտնվում էր ռուսական նավատորմի կայանը, նաև կառուցում է զինվորական հիվանդանոց։ Նաև բացել է բժշկական կուրսեր կանանց համար, և ինքն էլ մասնակցել է դրանք։ Առաջին համաշխարհային պատերազմի ժամանակ գալիս է Ռուսաստան և աշխատում հիվանդանոցներում, օգնում վիրավորներին։ Հորից Օլգան ժառանգել է սերը դեպի ռուսական նավատորմը և մինչև կյանքի վերջը պահպանել է այն։
1912 թվականի Թուրքիայի և Բալկանյան երկրների միջև պատերազմի թեժ պահին Գեորգինիոս I-ը զոհվում է՝ տարածքի համար մղվող գործողությունների ժամանակ։ Նրա մահից հետո թագուհի Օլգա Կոնստանտինովնան մինչև ռուսական հեղափոխությունը ապրում է Ռուսաստանում, այդ թվում՝ նաև Կոնստանտինովյան պալատում՝ Կոնստանտինովիչների նստավայրում։
1920 թվականին թոռան՝ Ալեքսանդրի մահվանից հետո, մինչև որդին Կոնստանտինը կվերահաստատվեր գահին, Օլգան կատարում է Հունաստանի ռեգենտի պարտականությունները։
Մահացել է 1926 թվականին։ Սկզբում մարմինը թաղվել է Ֆլորենցիայի Նիկոլայ Հրաշագործի և Քրիստոսի Սուրբ Ծննդյան ուղղափառ եկեղեցու կրիպտեում[8]։ 1936 թվականին, երբ Հունաստանում վերականգնվում է միապետությունը, տեղի է ունենում Օլգայի մնացորդների վերահուղարկավորումը Տատոյում Աթենքի արվարձաններում գտնվող հույն թագավորների դաստակերտում[9]։
Երեխաները
[խմբագրել | խմբագրել կոդը]- Կոնստանտին I (1868-1923 թթ.) Հունաստանի թագավոր (1913-1917/1920-1922 թթ.)
- Գեորգինիոս (1869-1957 թթ.), Կորֆացի մոկս
- Ալեքսանդրա Գեորգիևնա (1870-1891 թթ.), Պավել Ալեքսանդրիվիչի կինը
- Նիկոլայ (1872-1938 թթ.), Ելենա Վլադիմիրովնայի ամուսինը
- Մարիա Գեորգիևնա (1876-1940 թթ.), Գեորգի Միխայլովիչի կինը
- Օլգա (1880 թ.), մահացել է 7 ամսական հասակում
- Անդրեյ (Հունական արքայազն) (1882-1944 թթ.), Ալիսա Բատենբերգի ամուսինը, Արքայազն Ֆիլիպի հայրը (ծնված 1921 թվականին)
- Քրիստոֆոր (1888-1940 թթ.), հույն արքայազն Միխայիլի հայրը
Տոհմածառ
[խմբագրել | խմբագրել կոդը]Տես նաև
[խմբագրել | խմբագրել կոդը]Ծանոթագրություններ
[խմբագրել | խմբագրել կոդը]- ↑ 1,0 1,1 1,2 1,3 1,4 Ольга Константиновна (ռուս.) // Военная энциклопедия — СПб.: Иван Дмитриевич Сытин, 1914. — Т. 17. — С. 121.
- ↑ 2,0 2,1 2,2 2,3 Ольга Константиновна (ռուս.) // Энциклопедический словарь — СПб.: Брокгауз — Ефрон, 1897. — Т. XXIа. — С. 911.
- ↑ 3,0 3,1 3,2 3,3 Ольга Константиновна (ռուս.) // Ньюфаундленд — Отто — 1916. — Т. 29. — С. 461.
- ↑ 4,0 4,1 4,2 4,3 Lundy D. R. The Peerage
- ↑ 5,0 5,1 5,2 Deutsche Nationalbibliothek Record #101219373X // Gemeinsame Normdatei (գերմ.) — 2012—2016.
- ↑ 6,0 6,1 6,2 Չեխիայի ազգային գրադարանի կատալոգ
- ↑ «Ъ-Weekend - Редкие книги XV-XX веков». Արխիվացված օրիգինալից 2013 թ․ ապրիլի 17-ին. Վերցված է 2013 թ․ ապրիլի 9-ին.
- ↑ Русская православная церковь во Флоренции.
- ↑ Татой, усыпальница греческих королей.
Գրականություն
[խմբագրել | խմբագրել կոդը]- Սոկոլովսկայա Օ. Վ. Առաջին համաշխարհային պատերազմի ժամանակ հունական թագուհի Օլգայի բարեգործական գործունեությունը Ռուսաստանում — Նոր և նորագույն պատմություն, 2004, № 5.
- Միխայիլ Գեորգիևիչ Գարշին Էլիոնների թագուհի Օլգա Կոնստանտինովնա — Պրահա, 1927.
- Եվգենի Վլադիմիրովիչ Պչելով Ռոմանովներ։ Դինաստիայի պատմություն — ОЛМА-ПРЕСС, 2004.
- Սոկոլովսկայա Օ. Վ. Առաջին համաշխարհային պատերազմի ժամանակ հունական թագուհի Օլգայի բարեգործական գործունեությունը Ռուսաստանում // Նոր և նորագույն պատմություն։ 2004. № 5.
- Նույն ինքը։ Հունական թագուհի Օլգա Կոնստանտինովնա։ Ճակատագրի մուրճի տակ։ М., 2011.
Արտաքին հղումներ
[խմբագրել | խմբագրել կոդը] | Վիքիպահեստն ունի նյութեր, որոնք վերաբերում են «Օլգա Կոնստանտինովնա» հոդվածին։ |
| ||||||||||||||||
