Ֆրանսիս Կոկլեն

Ֆրանսիս Կոկլեն; Francis Coquelin
Անձնական տվյալներ
Ազգությունը	Ֆրանսիա
Քաղաքացիությունը	Ռեյունյոն
Ծննդյան ամսաթիվ	մայիսի 13, 1991 (33 տարեկան)
Ծննդավայր	Լավալ, Ֆրանսիա
Հասակ	178 սմ
Քաշ	74 կգ
Դիրք	կիսապաշտպան
Ակումբային տեղեկություններ
Ներկա ակումբ	Արսենալ
Համար	34
Պատանեկան կարիերա
2000-2005	«ԱՍ Բուրն»
2005-2007	«Լավալ»
2007-2008	«Արսենալ»
Մասնագիտական կարիերա*
Ազգային հավաքական
	* Մասնագիտական կարիերայում ընդգրկված են միայն առաջնության խաղերը և գոլերը:

Ֆրանսիս Կոկլեն (ֆր.՝ Francis Coquelin, մայիսի 13, 1991(1991-05-13)^[1]^[2], Լավալ^[3]), ֆրանսիացի ֆուտբոլիստ, «Արսենալ» ակումբի կիսապաշտպան։

Կենսագրություն

Ֆրանսիս Կոկլենը ծնվել է Ֆրանսիայի Լավալ քաղաքում։ Նա իր առաջին քայլերը արել է «ԱՍ Բուրն» ակումբի կազմում, իսկ 2005 թվականին տեղափոխվեց «Լավալ» տեղական ակումբ։ Ֆրանսիայի երիտասարդական հավաքականի կազմում նրան նկատել է «Արսենալի» Սկաուտ Գրիմանդին։ 2008 թվականին հուլիսին Ֆրանսիս տեղափոխվեց անգլիական «Արսենալ»։

«Արսենալ»

Նախամրցաշրջանային պատրաստությունը անցկացրել է առաջին թիմի հետ, սակայն հանդես է եկել հիմնականում երիտասարդական և պահեստային կազմերում։ Ֆրանսիսը դարձավ «Արսենալի» երիտասարդական կազմի առանցքային ֆուտբոլիստներից մեկը, որն այդ մրցաշրջանում դարձավ Անգլիայի երիտասարդական գավաթի դափնեկիր և երիտասարդական թիմերի առաջնության հաղթող։

Կոկլենի դեբյուտը «Արսենալի» առաջին կազմում կայացավ 2008 թվականի սեպտեմբերի 23-ին՝ «Շեֆիլդ Յունայթեդը» դեմ խաղում, որն ավարտվեց 6:0 հաշվով հօգուտ Արսենալի։ Այդ խաղում Կոկլենը դաշտ դուրս եկավ Ֆրան Մերիդայի փոխարեն, ով խաղում էր աջ պաշտպանի դիրքում։ Կոկլենն իր առաջին գոլը խփել է 2008 թվականի հոկտեմբերի 5-ին՝ «Սթոք Սիթիի» հետ հանդիպման ժամանակ։

«Լորյան» (վարձավճարով)

2010 թվականին ամռանը Կոկլենը վարձավճարով դարձել է Լորյան ակումբի անդամ խաղային բարձր աստիճան սատանալու համար։ Կոկլենը ֆրանսիական ակումբում հիմնականում խաղացել է աջ կիսապաշտպանի դիրքում։ Լորյան ակումբի կազմում անցկացրել է 24 հանդիպում և խփել 1 գոլ։

Վերադարձ «Արսենալ»

2011 Կոկլենը վերադարձել է Արսենալ։ Աշխարհի երիտասարդական առաջնության պատճառով Ֆրանսիսը չի մասնակցել իր թիմի նախամրցաշրջանային պատրաստությանը և երկար ժամանակ հնարավորություն չի ունեցել ընդգրկվել առաջին թիմի կազմում։ Սակայն Կոկլենը հնարավորություն է ստացել մասանակցել Լիգայի գավաթի և Անգլիայի գավաթի խաղարկություններին, որոնցից յուրաքանչյուրում անցկացրել է երեքական խաղ։ Նա նաև մասնակցել է առաջնության 2 խաղերի հանդես գալով կիսսապաշտպանության կենտրոնում։ Դրանցից մեկում՝ «Տոտտենհեմի» դեմ խաղում, երկրպագուները նրան ճանաչել են խաղի լավագույն ֆուտբոլիստ^[4]։ Լիգայի գավաթի շրջանակներում անցկացվող «Բոլթոն» ակումբի դեմ խաղից հետո Վենգերն ասել է, որ փոխել է իր վերաբերմունքը Կոկլենի նկատմամբ։ Նախկինում Ֆրանսիսին համարում էր առաջին հերթին պաշտպան, սակայն երիտասարդ խաղացողի ելույթները «Լորյան» կազմում, ինչպես նաև ընթացիկ մրցաշրջանում Կոկլենի ցուցադրած խաղը Վենգերին համոզեցին, որ նրա տեղը կիսպաշտպանությունում է^[5]։ Ընդ որում, Ֆրանսիսը հայտարարել է, որ պատրաստ է խաղալ ցանկացած դիրքում, միայն թե խաղա^[6]։

Թիմի եզրային պաշտպանների ստացած վնասվածքների պատճառով Կոկլենը ձմռանը հնարավորություն ստացավ խաղալ առաջնությունում՝ հանդես գալով աջ և ձախ պաշտպանների դիրքերում, սակայն այդ հնարավորությունը նա մասամբ բաց թողեց իր ստացած վնասվածքների պատճառով։

2012 թվականի հունվարի 10-ին Կոկլենը կնքել է նոր երկարաժամկետ պայմանագիր «Արսենալի» հետ^[7]։

Ֆրայբուրգ (վարձավճարով)

2013 թվականի հուլիսի 5-ին Կոկլենը վարձավճարով տեղափոխվել է գերմանական «Ֆրայբուրգ»^[8]^[9]։ Նա իր առաջին գոլը խփեց չեխական «Սլովան Լիբերեց» ակումբ հետ խաղում^[10]։

Չարլտոն Ատլետիկ (վարձավճարով)

2014 թվականի նոյեմբերի 3-ին Կոկլենը մեկ ամսով Չարլտոն Ատլետիկ, սակայն հետագայում վարձավճարային պայմանագիրը երկարաձգվում է մինչև դեկտեմբերի վերջ։

Երկրորդ վերադարձ «Արսենալ»

2014 թվականի դեկտեմբերի 12-ին «Արսենալը» խզել է Կոկլենի վարձավճարային պայմանագիրը իր կենտրոնական կիսապաշտպանների վնասվածքների պատճառով։ Օգտվելով իրեն ընձեռնված հնարավորությունից՝ Կոկլենը տեղ է գրավել «Արսենալի» հիմանական կազմում։ Նրա խաղն արժանացել է մի շարք դրական արձագանքների։ Մասնավորապես Արսեն Վենգերը նշել է, որ վերադարձից հետո Կոկլենը խաղում է այն ֆուտբոլիստի նման, ով գնահատվում է £40 միլիոն^[11]։ Թիերի Անրին վերլուծելով Բարնլիի դեմ խաղը, որում Կոկլենը ճանաչվել է լավագույն խաղացող, բարձր է գնահատել Ֆրանսիսի խաղը և նրան անվանել է «դետեկտիվ Կոլոմբո» խաղը հասկանալու և հակառակորդի հարձակաման զարգացում կանխագուշակելու համար^[12]։

2015 թվականի փետրվարին «Արսենալի» գլխավոր մարզիչ Արսեն Վենգերը հայտնել է, որ կիսապաշտպան Ֆրանսիս Կոկլենը և հարձակվող Չուբա Ակպոմը լոնդոնյան ակումբի հետ կնքել են նոր երկարաժամկետ պայմանագրեր։

Միջազգային կարիերա

Ֆրանսիսը հանդես է եկել Ֆրանսիայի պատանեկան և երիտասարդական՝ մինչև 17, մինչև 18, մինչև 19, մինչև 20 և մինչև 21 տարեկանների հավաքականներում։

Ձեռքբերումներ

«Արսենալի» երիտասարդական թիմ

Անգլիայի երիտասարդական գավաթակիր - 2009
Անգլիայի երիտասարդական առաջնություն - 2009

Արսենալ

Անգլիայի գավաթի դափնեկիր - 2014-15
Անգլիայի սուպերգավաթի դափնեկիր - 2015

Ֆրանսիա (մինչև 19)

Եվրոպայի ֆուտբոլի (մինչև 19) առաջնության հաղթող - 2010

Ակումբային կարիերա

Ակումբ

4 դեկտեմբերի 2016-ի դրությամբ^[13]

Ակումբ	Մրցաշրջան	Լիգա		Գավաթ		Լիգայի Գավաթ		Եվրոպա		Այլ		Ընդհանուր
Ակումբ	Մրցաշրջան	Խաղեր	Գոլեր	Խաղեր	Գոլեր	Խաղեր	Գոլեր	Խաղեր	Գոլեր	Խաղեր	Գոլեր	Խաղեր	Գոլեր
Արսենալ	2008-09	0	0	0	0	1	0	0	0	0	0	1	0
	2009-10	0	0	1	0	2	0	0	0	0	0	3	0
	2011-12	10	0	3	0	3	0	1	0	0	0	17	0
	2012-13	11	0	2	0	3	0	6	0	0	0	22	0
	2014-15	22	0	5	0	1	0	2	0	0	0	30	0
	2015–16	26	0	2	0	0	0	6	0	1	0	35	0
	2016–17	16	0	0	0	1	0	4	0	0	0	16	0
Ընդհանուր		85	0	13	0	11	0	19	0	1	0	129	0
Լորյան →	2010-11	24	1	1	0	0	0	0	0	0	0	25	1
Ֆրայբուրգ →	2010-11	16	0	3	0	0	0	5	1	0	0	24	1
Չարլտոն Ատլետիկ →	2014-15	5	0	0	0	0	0	0	0	0	0	5	0
Ընդհանուր կարիերայի ընթացքում		130	1	17	0	11	0	24	1	1	0	183	2

Ծանոթագրություններ

↑ ^1,0 ^1,1 Transfermarkt.com(բազմ․) — 2000.
↑ ^2,0 ^2,1 As (իսպ.) — Madrid: PRISA, 1967. — ISSN 1888-6671
↑ ^3,0 ^3,1 https://www.ligue1.fr/joueur?id=francis-coquelin
↑ «Man of the Match against Spurs — Coquelin». Արխիվացված է օրիգինալից 2015 թ․ սեպտեմբերի 24-ին. Վերցված է 2016 թ․ դեկտեմբերի 20-ին.
↑ «Wenger — I changed my mind about Coquelin». Արխիվացված է օրիգինալից 2012 թ․ հունվարի 6-ին. Վերցված է 2016 թ․ դեկտեմբերի 20-ին.
↑ «Coquelin — I'll play anywhere for this team». Արխիվացված է օրիգինալից 2012 թ․ փետրվարի 4-ին. Վերցված է 2016 թ․ դեկտեմբերի 20-ին.
↑ «Coquelin signs new long-term contract». Արխիվացված է օրիգինալից 2013 թ․ սեպտեմբերի 27-ին. Վերցված է 2016 թ․ դեկտեմբերի 20-ին.
↑ Coquelin joins SC Freiburg on loan
↑ «SC leiht Francis Coquelin aus». Արխիվացված է օրիգինալից 2017 թ․ հունվարի 22-ին. Վերցված է 2016 թ․ դեկտեմբերի 20-ին.
↑ Սլովան Լիբերեց 1:2 Ֆրայբուրգ
↑ «Coquelin 'like a £40m player'». Արխիվացված է օրիգինալից 2015 թ․ մայիսի 23-ին. Վերցված է 2016 թ․ դեկտեմբերի 20-ին.
↑ Thierry Henry hails 'the detective' Francis Coquelin for man-of-the-match display at Burnley, and calls the midfielder 'Columbo'
↑ «Francis Coquelin: Appearances». ESPNFC. 2013 թ․ նոյեմբերի 12. Վերցված է 2013 թ․ նոյեմբերի 12-ին.

Արտաքին հղումներ

ֆուտբոլիստի էջը «Արսենալի»պաշտոնական կայքում Արխիվացված 2008-12-19 Wayback Machine (անգլ.)
Ցուցանիշները soccerbase.com կայքում (անգլ.)
Պրոֆիլը transfermarkt.com կայքում(անգլ.)

Վիքիպահեստն ունի նյութեր, որոնք վերաբերում են «Ֆրանսիս Կոկլեն» հոդվածին։

[_beff47026d03c915-1] 1,0 ^1,1 Transfermarkt.com(բազմ․) — 2000.

[_28dfde4d46109fd7-2] 2,0 ^2,1 As (իսպ.) — Madrid: PRISA, 1967. — ISSN 1888-6671

[_9fac4e0a07e3af1f-3] 3,0 ^3,1 https://www.ligue1.fr/joueur?id=francis-coquelin

[4] «Man of the Match against Spurs — Coquelin». Արխիվացված է օրիգինալից 2015 թ․ սեպտեմբերի 24-ին. Վերցված է 2016 թ․ դեկտեմբերի 20-ին.

[5] «Wenger — I changed my mind about Coquelin». Արխիվացված է օրիգինալից 2012 թ․ հունվարի 6-ին. Վերցված է 2016 թ․ դեկտեմբերի 20-ին.

[6] «Coquelin — I'll play anywhere for this team». Արխիվացված է օրիգինալից 2012 թ․ փետրվարի 4-ին. Վերցված է 2016 թ․ դեկտեմբերի 20-ին.

[7] «Coquelin signs new long-term contract». Արխիվացված է օրիգինալից 2013 թ․ սեպտեմբերի 27-ին. Վերցված է 2016 թ․ դեկտեմբերի 20-ին.

[8] Coquelin joins SC Freiburg on loan

[9] «SC leiht Francis Coquelin aus». Արխիվացված է օրիգինալից 2017 թ․ հունվարի 22-ին. Վերցված է 2016 թ․ դեկտեմբերի 20-ին.

[10] Սլովան Լիբերեց 1:2 Ֆրայբուրգ

[11] «Coquelin 'like a £40m player'». Արխիվացված է օրիգինալից 2015 թ․ մայիսի 23-ին. Վերցված է 2016 թ․ դեկտեմբերի 20-ին.

[12] Thierry Henry hails 'the detective' Francis Coquelin for man-of-the-match display at Burnley, and calls the midfielder 'Columbo'

[13] «Francis Coquelin: Appearances». ESPNFC. 2013 թ․ նոյեմբերի 12. Վերցված է 2013 թ․ նոյեմբերի 12-ին.

[1]

[2]

[3]

[4]

[5]

[6]

[7]

[8]

[9]

[10]

[11]

[12]

[13]