Change (երգ, Tears for Fears)
«Change» | |
---|---|
-ի սինգլը | |
Երգահան | Ռոլանդ Օրզաբալ |
Լեյբլ | Phonogram International B.V.? |
Պրոդյուսեր | Քրիս Հյուզ |
«Change» (թարգմանաբար՝ անգլերենից «Փոխիր»), բրիտանական Tears For Fears խմբի երգը։ Գրել է Ռոլանդ Օրզաբալը, կատարել է բասիստ Կուրտ Սմիթը և դարձել է խմբի չորրորդ սինգլը։ Ի վերջո, այն դարձել է նաև երկրորդ հիթը նրանց դեբյուտային The Hurting ալբոմից (1983) և երկրորդ երգը «Mad World»-ից հետո, որը հասել է Մեծ Բրիտանիայի հիթ-շքերթի լավագույն հնգյակին։ Երգը նաև դարձել է Tears for Fears-ի առաջին սինգլը ԱՄՆ-ի չարթերում։ 1983 թվականի օգոստոսին հայտնվել է Billboard Hot 100-ում։ «Change»-ը նաև միջազգային մեծ հաջողությունների է հասել՝ ընդգրկվելով բազմաթիվ երկրների հիթ-շքերթների թոփ-40-ում։
Նշանակություն
[խմբագրել | խմբագրել կոդը]Նա առանձնապես շատ բան չի նշանակում. դա ընդամենը այն էժան փոփ երգերից մեկն է.
Ռոլանդ Օրզաբալ[1]Բնօրինակ տեքստ (անգլ.)It's not really about much. It's just one of those cheap pop lyrics.
Երգի տարբերակները
[խմբագրել | խմբագրել կոդը]«Change»-ի 7-րդ տարբերակն իրենից ներկայացնում է երգի փոքր-ինչ խմբագրված ալբոմային տարբերակը։ 12 դյույմանոց սինգլի առաջատար թրեքը նրա ընդլայնված ռեմիքսն էր։ Թեև 12 դյույմանոց սինգլի շատ օրինակներ օգտագործում են 7-րդ միքս «Բ» կողմերից մեկը, դրանցից մի քանիսը պարունակում են բոլորովին այլ ձայնագրություն։ Թեև սինգլների վրա այդ տարբերակը վերնագրված չէր, սակայն The Hurting-ի բրիտանական ձայներիզների թողարկման ժամանակ միքսն անվանվել է «New Version», որում այն ընդգրկվել է որպես բոնուս-թրեք։ Չնայած իր անվանը՝ այս տարբերակն ունի այլընտրանքային տեքստ և, ըստ էության, նախորդում է 7-րդ տարբերակին։
Դա մի քայլ հետ է դեպի այն, ինչ մենք անում էինք «Mad World»-ից առաջ… The Hurting տարբերակը հսկայական բարելավում է․․․
Կուրտ ՍմիթԲնօրինակ տեքստ (անգլ.)It's a step backwards to what we were doing before "Mad World"… the version on The Hurting is a vast improvement.
Երգի քսիլոֆոնային խմբաքանակը որպես նմուշ օգտագործվել է մի քանի երաժիշտների կողմից, ինչպիսիք են Culture Beat-ը («No Deeper Meaning») և Դեյվիդ Գետտան («Always»)[2]։
«Բ» կողմ
[խմբագրել | խմբագրել կոդը]«The Conflict»-ը երգ է, որը «Change» սինգլի համար ծառայել է որպես «Բ» կողմ։ Տեքստը բաղկացած է կրկնվող տողերից, որոնք նկարագրում են երկու մարդկանց միջև հակամարտությունը։ Այն կատարել է Կուրտ Սմիթը․ սա Tears for Fears-ի այն սակավաթիվ երգերից մեկն է, որի հեղինակը Սմիթն է։
Տեսահոլովակ
[խմբագրել | խմբագրել կոդը]«Change» երգի տեսահոլովակը նկարահանել է Քլայվ Ռիչարդսոնը, որը հայտնի է Depeche Mode-ի հետ իր նախորդ աշխատանքով[3]։
Երգացանկ
[խմբագրել | խմբագրել կոդը]7": Mercury / IDEA4 (Մեծ Բրիտանիա, Իռլանդիա) / 812 677-7 (ԱՄՆ) / 6059 596 (Ավստրալիա, Եվրոպա, ՀԱՀ) / SOV 2322 (Կանադա) / 7PP-101 (Ճապոնիա)
- «Change» (3:52)
- «The Conflict» (4:02)
12": Mercury / IDEA412 (Մեծ Բրիտանիա) / 6400 730 (Եվրոպա)
- «Change [Extended Version]» (5:54)
- «Change» (3:52)
- «The Conflict» (4:02)
- 12"
- Mercury / IDEA412 (Մեծ Բրիտանիա) / 6400 730 (Ավստրալիա) / SOVX 2322 (Կանադա)
- «Change [Extended Version]» (5:54)
- «Change [New Version]» (4:33)
- «The Conflict» (4:02)
Դիրքերը չարթերում
[խմբագրել | խմբագրել կոդը]Չարթ (1983) | Ամենաբարձր դիրքը |
---|---|
Kent Music Report | 29 |
Բելգիա/Ֆլադրիա (Ultratop 50) | 30 |
Կանադա (RPM Top Singles) | 23 |
Իռլանդիա (IRMA) | 8 |
FIMI[4] | 27 |
Նիդերլանդներ (Single Top 100) | 32 |
Նոր Զելանդիա (Recorded Music NZ) | 36 |
Springbok Radio[5] | 5 |
Մեծ Բրիտանիա (UK Singles Chart) | 4 |
ԱՄՆ (Billboard Hot 100) | 73 |
ԱՄՆ (Billboard Mainstream Rock) | 22 |
Cashbox[6] | 74 |
Ծանոթագրություններ
[խմբագրել | խմբագրել կոդը]- ↑ «Top 10 Tears for Fears Songs We Want to Hear Live This Sunday» (անգլերեն). Spot.ph. Summit Media. 2010 թ․ ապրիլի 29. Արխիվացված է օրիգինալից 2012 թ․ նոյեմբերի 6-ին. Վերցված է 2018 թ․ մայիսի 11-ին.
- ↑ «Samples of Change by Tears for Fears». whosampled.com (անգլերեն). Արխիվացված օրիգինալից 2016 թ․ մարտի 13-ին. Վերցված է 2018 թ․ մայիսի 11-ին.
- ↑ «Tears For Fears – Change (1983)». IMVDb (անգլերեն). Արխիվացված օրիգինալից 2017 թ․ հոկտեմբերի 27-ին. Վերցված է 2018 թ․ մայիսի 11-ին.
- ↑ «I singoli più venduti del 1983» (իտալերեն). Hit Parade Italia. Creative Commons. Արխիվացված օրիգինալից 2016 թ․ հունվարի 23-ին. Վերցված է 2018 թ․ մայիսի 11-ին.
- ↑ «South African Rock Lists Website SA Charts 1969 – 1989 Acts (T)» (անգլերեն). Rock.co.za. Արխիվացված օրիգինալից 2013 թ․ հոկտեմբերի 19-ին. Վերցված է 2018 թ․ մայիսի 11-ին.
- ↑ «CASH BOX Top 100 Singles – Week ending SEPTEMBER 10, 1983» (անգլերեն). Cashbox. Արխիվացված է օրիգինալից 2012 թ․ սեպտեմբերի 11-ին. Վերցված է 2018 թ․ մայիսի 11-ին.