Հիվանդասենյակ համար վեց (ֆիլմ)

Անվան այլ կիրառումների համար տե՛ս՝ Հիվանդասենյակ № 6 (այլ կիրառումներ)

Հիվանդասենյակ համար վեց ռուս.՝ Палата № 6
Երկիր	Ռուսաստան
Ժանր	դրամա
Հիմք	Հիվանդասենյակ № 6
Թվական	2009
Լեզու	ռուսերեն
Ռեժիսոր	Կարեն Շահնազարով
Սցենարի հեղինակ	Ալեքսանդր Պորոխովշիկով
Դերակատարներ	Վլադիմիր Իլյին
Պատմվածքի վայր	Ռուսական կայսրություն
Կինոընկերություն	Մոսֆիլմ
Տևողություն	83 րոպե

Հիվանդասենյակ համար վեցը, Չեխովի խորհրդավոր, պարադոքսալ ու խռովիչ համարվող պատմվածքի էկրանավորումն է, պատմվածք, որն ոմանք համարում են գրողի ամենահոռետեսական, բայց և ամենից կենսահաստատ գործերից մեկը։

Սյուժե

Սյուժեն հենված է իրական փաստի վրա և ծավալվում է հոգեբուժարանի գլխավոր բժշկի շուրջ, որը, ի վերջո, ինքն էլ է հանգրվանում նույն հոգեբուժարանում։ Միայնակ, վերացած, մտախոհ բժիշկ Անդրեյ Ռագինը Չեխովի ստեղծագործության և 20-րդ դարի համաշխարհային գրականության կիզակետային կերպարներից է։ Պահպանելով պատմվածքի սյուժետային գիծը՝ հեղինակները գիտակցաբար գործողությունը տեղափոխել են մեր օրերը։ Նկարահանումները կատարվել են իսկական հոգեբուժարանում, կիսավավերագրական ոճով։

Դերերում

• Վլադիմիր Իլյին - Անդրեյ Ռագին
• Ալեքսեյ Վերտկով - Գրոմով
• Ալեքսանդր Պանկրատով-Չյոռնի - Միխայիլ Ավերյանովիչ
• Եվգենի Ստիչկին - Խոբոտով
• Վիկտոր Սոլովյով - Նիկիտա
• Ալեքսեյ Զախարով - նախորդ գլխավոր բժիշկը
• Ալբինա Եվտուսևսկայա - Դարյուշկա

Հետաքրքիր փաստեր

• Ֆիլմի նկարահանումները սկսել են 2008 թվականի նոյեմբերի 5-ին և ավարտվել նույն տարվա դեկտեմբերի 2-ին։
• Ֆիլմի նկարահանումը անցնում էր իրական հոգեբուժարանում։
• Ֆիլմի դերասաններ են միայն գլխավոր դերերի դերակատարները, մնացած բոլոր դերերում հանդես են գալիս իրական հոգեբուժարանի հիվանդներ։

Մրցանակներ

• 2010 - «Ֆանտսապորտոյի» կինոփառատոն «Ռեժիսորների շաբաթ» մրցույթի ժյուրիի հատուկ մրցանակ
• 2009 - «Մոսկվայի կինոփառատոն» ՝ «Արծաթե Սուրբ Գեորգի»՝ Վլադիմիր Իլյին լավագույն դերասան