Լիմնոս

Լիմնոս Λήμνος
Լիմնոս կղզի, Էգէական ծով, Յունաստան
Երկիր	Յունաստան
Կղզեխումբ	Հիւսիսային Էգէականի կղզեխումբ
Մակերես	476 քռ․քմ․ կմ2
Ամենաբարձր կետը	470 մ
Բնակչութիւն	17 000 (2011-ի մարդահամար) մարդ
Լիմնոս կզղին տիեզերքէն դիտուած
Կաղապար:Տեղորոշման քարտեզ

Լիմնոս (յուն․՝ Λήμνος)․ հրաբխային կղզի Էգէական ծովու հիւսիսային մասին մէջ, Յունաստան։ Տարածութիւնը 476 քմ² է, իսկ ծովուն մակերեսէն բարձրութիւնը՝ մինչեւ 470 մ․։ Բնակչութեան թիւն է 17 000, ըստ 2011-ի մարդահամարին։ Մայրաքաղաքն է Միրինա։ Երկրորդ գլխաւոր քաղաքը՝ Մուտրոս (ուր 30 Հոկտեմբեր 1918-ին ստորագրուեցաւ զինադադարի դաշնագիրը), կը գտնուի արեւելեան կողմը, համանուն ծոցին ափին։

Անուանում

Կղզիին անուանման մասին տարբերակենրը հետեւեալներն են․-

• Առաջացած է փիւնիկերէն «սպիտակ» բառէն․ փիւնիկեցի ծովագնացներու վրայ մեծ տպաւորութիւն ձգած է պեմզայէն կազմուած բլուր մը։
• Առաջ եկած է հոմերեան (օմիրոսեան) Լի՛իոն բառէն, որ մշակուած դաշտ, արտ կը նշանակէ։
• Հին յունարէն լիի՛ս (կը նշանակէ հօտ) եւ միլօ (կը նշանակէ ոչխար) բառերէն․ այսինքն հօտերու կղզի։

Վերջին տարբերակը կ՛ ենթադրուի աւելի հաւանակը ըլլալ, որովհետեւ Էգէականի միակ դաշտային, հարթ մակերեսով կղզին է եւ հին ժամանակներէն գեղջկային եւ անասնապահական ապրանքներու գլխաւոր արտադրիչը եղած է։

Հակիրճ տեղեկութիւններ

Լիմնոսի մայրաքաղաքն է Միրինա․ անունը առած է կղզիին առաջին թագաւորին՝ Թոանտա, կնոջ անունէն։ Մինչեւ 1955 Միրինան Քասթրօ կը կոչուէր (Բիւզանդական շրջանին այս անունը հաստատուած էր) եւ մինչեւ այսօր տեղացիները այդպէս կ՛ անուանեն։

Բնակչութիւնը գլխաւորաբար կը զբաղի անասնապահութեամբ, երկրագործութեամբ եւ ձկնորսութեամբ։ Անտառներ չունի, սակայն դաշտերը բարեբեր են, ուր գլխաւորաբար կը մշակուին արմտեղէն եւ որթատունկեր։ Արմտեղէնի արտերը մինչեւ ծովափները կը հասնին, իսկ շնորհիւ այգեստաններուն, գինին կղզիին կարեւոր արտադրութիւններէն է։ Վերջին տասնամեակներուն սկսած է զարգանալ զբօսաշրջութիւնը։