Տէմի Լովաթօ
| Տէմի Լովաթօ անգլերէն՝ Demi Lovato | |
|---|---|
 | |
| Ծննդեան անուն | անգլերէն՝ Demetria Devonne Lovato[1] |
| Նաեւ յայտնի է իբրեւ | Demi Lovato |
| Ծնած է | 20 Օգոստոս 1992[2][3] (32 տարեկան) |
| Ծննդավայր | Ալբուկերկե, Նյու Մեքսիկո, Ամերիկայի Միացեալ Նահանգներ |
| Քաղաքացիութիւն |
 Ամերիկայի Միացեալ Նահանգներ |
| Մայրենի լեզու | անգլերէն |
| Ուսումնավայր | Grapevine High School? |
| Երկեր/Գլխաւոր գործ | Քեմփ Ռոգ, Քեմփ Ռոք 2։ Վերջին համերգ? եւ Տվեք Սանիին հնարավորություն? |
| Տեսակ | Փոփ ռոք, փոփ երաժշտութիւն, Ժամանակակից «Ար եւ Պի», փաուեր փոփ?, Պարային փոփ, թին փոփ?, էլեկտրոփոփ?, Հոգեւոր երաժշտութիւն, փոփ փանկ? եւ Նու մետալ? |
| Մասնագիտութիւն | Հեղինակ ու կատարող, դերասան, մանկական դերասան, կիթառահար, դաշնակահար, երգահան, հեռուստատեսային դեմք, երգիչ |
| Կայքէջ | demilovato.com(անգլերէն) |
Ստորագրութիւն | |
.jpg)
Տէմիթրիա Տեւոն «Տէմի» Լովաթօ (անգլերէն՝ Demetria Devonne «Demi» Lovato, 20 Օգոստոս 1992[2][3], Ալբուկերկե, Նյու Մեքսիկո, Ամերիկայի Միացեալ Նահանգներ), ամերիկացի դերասանուհի, երգչուհի եւ երգերու հեղինակ։
Կենսագրութիւն
[Խմբագրել | Խմբագրել աղբիւրը]Լովաթօն ծնած է Տալլաս, Թեքսաս, Փաթրիկ Լովաթօյի եւ Տիանա Տէ Լա Կարզայի ընտանիքին մէջ։ Ունի աւագ քոյր՝ Տալաս Լովաթօն եւ կրտսեր քոյր՝ Մատիսոն Տէ Լա Կարզան։ Լովաթօն դաշնամուր սկսած է նուագել 7 տարեկանէն։ Ան մանկութեան կատարած է ինքնասպանութեան փորձ իր մանկութեան ընկերոջ մահէն յետոյ։ Տէմին նաեւ յայտնուած է վերականգնողական կեդրոնի մէջ հոգեկան ծանր խնդիրներու պատճառով։ Տէմիթրիան իր 21 ամեակը նշած է Ափրիկէի մէջ (Քենիա)` կատարելով բարեգործութիւններ:
Լովաթօն 2-րդ տեղը կը գրաւէ 30 ամէնագեղեցիկ կանանց ու աղջիկներու շարքին մէջ։ [աղբիւրի կարիք ունի] Եղած է ամէնագեղեցիկ ծիծաղող աղջիկը 2010-ին, Երիտասարդներու Թագուհի՝ 2010, ամառուան երգչուհի՝ 2011 եւ 2012 եւ կատակերգակ դերասանուհի՝ 2011: 2013-ին Տէմիդրիան ընդգրկուած է "Maxim" ամսագրի կազմած ամէնակրքոտ կանանց ցուցակին մէջ եւ գրաւած է 26րդ հորիզոնականը։ Նաեւ ընկերային ցանցերուն մէջ աշխուժութեան համար "Billboard Social 50" ցանկին մէջ գրաւած է երկրորդ հորիզոնականը։ Տէմին հանդիսացած է մինչեւ 25 տարեկան կանանց մեջ ամէնահզօր ձայն ունեցողը։
Աշխարհահռչակ "Billboard" ամսագրին համաձայն, Տէմիդրիան երրորդ ամէնահզօր ձայնը ունեցողն է աշխարհի մէջ, կը զիջի միայն Քրիստինա Ակիլերային եւ Մրայա Քերիին: Ունի 5 ալպոմներ՝ «Don't Forget», «Here We Go Again», «Unbroken», «DEMI» եւ «Confident»: Տէմին իր ասպարէզի ընթացքին մասնակցած է բազմաթիւ շրջագայութիւններու եւ ունեցած է բազմաթիւ յաջողութիւններ։ Լովաթօն քուէարկութեան միջոցով ընտրուած է Իքս-Ֆաքթոր 2012-ի դատական կազմի անդամ՝ յայտնի երգչուհի Պրիթնի Սփիրզի եւ Սայմոն Քաուըլի հետ։ Շուտով կը վերաթարմացուի «Guiness Book of World Records ը, ուր կը յայտնուի Տէմին՝ որպէս դատակազմի ամէնաերիտասարդ անդամը Իքս-Ֆաքթորի պատմութեան մէջ։
Տէմին իր ասպարէզի ընթացքին արժանացած է բազմաթիւ մրցանակներու՝ 14 Teen Choice մրցանակ,1 MTV VMA, 4 People's Choice Award եւ այլ բազմաթիւ մրցանակներ։
Երաժշտական ասպարէզը
[Խմբագրել | Խմբագրել աղբիւրը]
Տէմիդրիայի որպէս երգչուհի ասպարէզը սկսած է 2008-ին ցուցադրուած «Ռոք Ամառնային Ճամբար» ժապաւէնով, ուր կը մարմնաւորէր գլխաւոր հերոսուհիի դերը։ Հերոսուհին Միտչի Տորեսսն էր, որ ունէր երազանք ճամբարին մէջ ըլլալու եւ դառնալ երգչուհի։ Տէմին մասնակցած է ժապաւէնի համար գրուած քանի մը երգերու ձայնագրման: Ժապաւէնէն Տէմիի «This is Me» երգը ունեցած է մեծ յաջողութիւն: Ան յայտնուած է ամերիկեան Billboard Hot 100 երգացանկին մէջ ու գրաւած՝ 9րդ հորիզոնականը: Երգը մինչեւ օրս կը հանդիսանայ երգչուհիի ԱՄՆ-ին մէջ ամէնայաջողած երգը։ Տէմին որպէս երգչուհի իր առաջին ալպոմը ` «Don't Forget»-ը ձայնագրած է 2007-ին ու հրապարակած՝ 2008-ին: Ան ունեցած է մեծ յաջողութիւն ամբողջ աշխարհով, ալպոմը նոյնիսկ յայտնուած է ամերիկեան Billboard Hot 200 երգացանկի 2-րդ հորիզոնականին մէջ։ Ալպոմի երկու երգերը` «Get Back»-ն ու «La La Land»-ը ունեցած են մեծ յաջողութիւններ ու դարձած՝ Տէմիդրիայի միւս երգերը, որոնք կրցծ են մտնել ամերիկեան երգացանկերու մէջ ու լաւ հորիզոնականներ զբաղեցնել։ Տէմին այդ շրջանին կը մասանկցէր նաեւ բազմաթիւ համերգներու, որոնց կը թուէին Ավրիլ Լավինի ու Ճոնաս եղբայրներու համերգները: Արդէն 2009-ին Տէմին թողարկեց իր երկրորդ ալպոմը` «Here We Go Again»-ը, որ դարձաւ երգչուհիին առաջին ու միակ ձայնասկաւառակը, որ յաջողեցաւ գրաւել ամերիկեան ալպոմներու երգացանկերու առաջին հորիզոնականը։ Նոյն թուականին սկսաւ Տիզնեյով հեռարձակուիլ «Տուէք Սանիին Մէկ Առիթ եւս» մանկապատանեկան հաղորդաշարը, ուր Տէմին կը տանի գլխաւոր հերոսուհիի` Սանիի դերը: Հաղորդաշարին մէջ ան ձայնագրեց բազմաթիւ երգեր: 2010-ին երգչուհին մինչեւ վերականգնողական կեդրոն տեղափոխուիլը հասցուց հանդիպիլ Ճո Ճոանսի հետ, ձայնագրեց իր հետ երգեր ու նկարահանուեցաւ «Ռոք Ամառնային Ճամբար» ժապաւէնի երկրորդ մասին մէջ ու «Grey’s Anatomy» հաղորդաշարին մէջ։
Տէմին վերականգնողական կեդրոնին մէջ գրեթէ մէկ տարի մնալէն ետք դուրս եկաւ ու 2011-ին հրապարակեց իր թերեւս ամէնայայտնի երգը «Skyscraper»-ը, որ տեղ գրաւեց ոչ միայն բոլորին սրտերուն մէջ այլեւ աշխարհի շատ մը երկիրներու երգացանկերուն մէջ։
Ան հանդիսացաւ երգչուհիի թիւով երրորդ ալպոմի` «Unbroken»-ի առաջին երգը: Ո՛չ միայն ալպոմը, այլեւ երգը ցոյց կու տային Տէմիի ուժը, որուն շնորհիւ ան անցաւ հազարաւոր դժուարութիւններէ, կրցաւ ձգել թմրադեղերը եւ դուրս գալ վերականգնողական կեդրոնէն։ Ալպոմը ունեցաւ երկրորդ երգը`«Give Your Heart a Break»-ը, որու տեսահոլովակը հրապարակուեցաւ 2012-ին։ Նոյն թուականին Տէմին հրապարակեց իր «Ուժեղ Մնա» փաստագրական ժապաւէնը, որ կը պատմէ երգչուհիին դաժան անցեալին ու անկոտրում ներկային մասին։ Նոյն թուականին Տէմին նաեւ դարձաւ աշխարհահռչակ «Իքս Ֆաքթոր» նախագծի ամերիկեան տարբերակի երկրորդ եղանակի քննադատողներու անդամներէն մէկը։ Տէմին մնաց անդամ մինչեւ 2013 թուականը, երբ հաղորդաշարը փակուեցաւ ԱՄՆ-ի մէջ։ 2013-ին Տէմին հրապարակեց թիւով չորրորդ ու իր ամէնագնուած ալպոմը` «Տէմի»-ն, որուն մէջ ընգրկուած երգերը կը պատմեն Տէմիի կեանքի պատմութիւնը։ Ալպոմը մինչեւ 2014 ունեցաւ չորս երգեր` «Heart Attack», «Made In The USA», «Neon Lights», «Really don't Care», որոնցմէ բոլորն ալ ունեցան մեծ յաջողութիւններ ամբողջ աշխարհին մէջ։ Տէմին նոյն թուականին ձայնագրեց «Let it Go» երգը «Frozen» մանուկներու ժապաւէնին համար։ Յաջորդ տարին Տէմին մեկնեցաւ շրջագայութեան («Neon Lights Tour»), որ թիւով Տէմիի երրորդ համաշխարհային շրջագայութիւնն էր։ Տէմին որպէս երգչուհի կը ոգեշնչուի Քէլլի Քլարքսընով, Լեյտի Կակայով, Ռիհաննայով, Նիքի Մինաժով եւ Քրիսթինա Ակիլերայով:
Ձայանսկաւառակներ
[Խմբագրել | Խմբագրել աղբիւրը]- Don't Forget (2008)
- Here We Go Again (2009)
- Unbroken (2011)
- Demi (2013)
- Confident (2015)
Շրջագայութիւններ
[Խմբագրել | Խմբագրել աղբիւրը]Հիմնական։
Գովազդային:
Բացող Արուեստագէտ:
- Նիք Ճոնաս - Ապագայ Հիմա Շրջագայութիւն
- Jonas Brothers - Այրուող Շրջագայութիւն
- Ավրիլ Լավին - Լաւագույն Անիծուած Շրջագայութիւն
Ժապաւէնագրութիւն
[Խմբագրել | Խմբագրել աղբիւրը]| Տարին | Ժապաւէնը | Դերակատարում | |
|---|---|---|---|
| 2008 | Ռոք Ամառնային Ճամբար | Միտչի Տորես | |
| 2009 | Ճոնաս եղբայրներու համերգը | ||
| Արքայադուստրերու պաշտպանութեան ծրագիր | Արքայադուստր Ռոզալինտ | ||
| 2010 | Ռոք Ամառնային Ճամբար 2 | Միտչի Տորես | |
| 2012 | Տէմի Լովաթօ: Ուժեղ Մնա՛ | Տէմի Լովաթօ | |
| Հաղորդաշար | |||
| Տարի | Ժապաւէնը | Դերակատարում | |
| 2002 - 2003 | Պարնին եւ ընկերները | Անժելա | |
| 2006 | Փախուստ բանտէն | Տանիելլ Քարթին | |
| 2007 | Երբ Զանգը կը Հնչէ | Շառլոթ Ատամզ | |
| 2009 - 2011 | Տուէք Սանիին Մէկ Առիթ եւս | Սանի Մոնրո | |
| 2010 | Վախի Անադոմին | Հեյլի | |
| 2011 | Մնացէ՛ք Քարտաշեաններուն Հետ | Տէմի Լովաթօ | |
| 2012 | Փոխարինող | Տէմի Լովաթօ | |
| 2012 - 2013 | Իքս Ֆաքթոր ԱՄՆ | դատակազմի անդամ/Մարզիչ | |
| 2013 - 2014 | Երգչախումբ | Տեմի | |
Երգչուհիին ժապաւէնային ասպարէզը կը սկսի տասը տարեկանին՝ "Պարնին եւ Ընկերները" մանկական ժապաւէնով, ուր ան կը մարմնաւորէր Անժելայի դերը։ Ժապաւէնին մէջ անոր խաղընկերուհին էր Սելենա Կոմէզը: Տէմին իր ասպարէզը կը շարունակէ նկարահանուելով Տիզնեյի մանկապատանեկան հաղորդաշարերու եւ ժապաւէններու մէջ: Այդ թուականներուն պատանի հասակին կը մարմնաւորէ Միտչի Տորեսին յայտնի "Ռոք Ամառնային Ճամբար" երիտասարդական դերը։ Տէմին դուրս կու գայ Տիզնեյէն 2011 թուականին։ Ան խաղացեր է որպէս հրաւիրուած արուեստագէտ Fox Broadcasting Company ալիքի բոլոր ժամանակներու լաւագոյն սարսափազդու հաղորդաշարերէն մէկուն՝ Փախուստ բանտէն-ին մէջ։ Տէմին նաեւ Fox Broadcasting Company-ի Իքս-Ֆաքթոր նախագծի դատակազմի անդամներէն է: Կը խաղայ նոյն ալիքի լաւագոյն կատակերգական-երաժշտական հաղորդաշար՝ "Երգչախումբ"-ին մէջ։
Ծանօթագրութիւններ
[Խմբագրել | Խմբագրել աղբիւրը]Արտաքին յղումներ
[Խմբագրել | Խմբագրել աղբիւրը]
| ||||||||||||||
