Bibliotheca regal
 Bibliotheca regal |
|---|
| instantia de: national library[*], architectural ensemble[*], Swedish government agency[*] |
| parte de: Official Statistics of Sweden[*] |
|
|
|
| Patrimonio: governmental listed building complex[*] |
| data de creation: 1661, 1878 |
| sito web official: http://www.kb.se |
| Commons: Kungliga Biblioteket |
Le Bibliotheca regal (Svedese Kungliga biblioteket), con abbreviation KB , situate in le parco "Campo de Lupulo" (svedese: Humlegården) in le centro de Stockholm es le bibliotheca national de Svedia. Le bibliotheca collige e conserva tote documentos imprimite que es editate in Svedia desde 1661, e desde 2009 illo tamben es responsabile pro collection de medios audiovisual. Le Bibliotheca regal es un autoritate statal.
Le edificio
[modificar | modificar fonte]Le Bibliotheca regal se installava in le edificio de hodie in Humlegården 1877/1878. Le edificio es designate per Gustaf Dahl e esseva edificate con un nove technica creative de ferro fundite. Illo es 80 metros longe. Le duo alas esseva edificate 1926-27 secundo designos per Axel Anderberg.
Durante le annos 1980 il esseva necessari augmentar le bibliotheca ma on desirava preservar le edificio. Alora on dynamitava duo grande magazines 40 metros sub le solo, cata uno con cinque etages. Ibi le plus del collectiones nunc es conservate e le edificio original remane. 1997 iste nove bibliotheca esseva inaugurate. Le Bibliotheca regal es un monumento statal desde 1935.
Historia
[modificar | modificar fonte]Le fonte del collectiones es i.a. lo que le rege Gustav Vasa procurava, a saper libros de historia, scientia natural , theologia e mappas. Su filios (le reges Erik XIV, Johan III e Karl IX) augmentava le collectiones que esseva guardate in le palatio Tre Kronor (Tres Coronas). On e comprava libros e confiscava ab le monasterios svedese durante le Reformation. Durante le Guerra de Trenta Annos (1618-1648) on confiscava bibliothecas regal in Würzburg e Olmutz e le plus famose bibliotheca regal in Praga in Tchechia. Del ultime bibliotheca proveni Codex gigas, uno del plus grande libros in le mundo, que es scribite per mano (codice). Illo contine un famose imagine integre del diabolo. Le ancora plus famose libro Codex argentus, que tamben es un prisa de guerra de Praga es guardate in le Universitate de Uppsala. Le rege Gustav II Adolf donava partes de iste bibliotheca al Universitate de Uppsala e le regina Kristina, qui emigrava a Roma apportava multe libros a ibi. Ma tamben durante le rege Karl X Gustav le collectiones esseva augmentate per compras e prisas de guerra.
Durante le grande incendio del palatio regal (Tres coronas) in 1697 grande partes del bibliotheca esseva destruite. Lo que esseva salvate postea durante multe annos esseva guardate in palatios del nobilitate. Non ante que 1768 le collectiones poteva esser movite al nove palatio regal. Le collectiones cresceva tote le tempore e 1814 illos consisteva de 40 000 obras. 1877 illos esseva movite al bibliotheca de hodie.
Hodie le collectiones contine 20 milliones objectos, non solmente libros ma tamben imagines, affiches e tal imprimitos. Il tamben ha 7 milliones horas de obras audiovisual.
Le Lege de Exemplares Obligatori (Pliktleveranslagen)
[modificar | modificar fonte]Con un lege 1661 esseva decidite que omne impressores de scriptos debeva inviar duo exemplares de omnes. Uno al Archivo national (Riksarkivet) e uno al Bibliotheca regal. Le lege de 1661 hodie es augmentate. Omne obras imprimite debe esser inviate non solmente al Bibliotheca regal ma tamben a sex altere bibliothecas universitari, Le Lege de Exemplares Obligatori (Pliktleveranslagen).
Como studiar ibi
[modificar | modificar fonte]Le collectiones del bibliotheca es disponibile pro omnes, ma le activitate primo se dirige al mundo scientific. Documentos del collection svedese non es permittite pro presto ma debe esser studiate intra le bibliotheca. Le plus del documentos es guardate in magazines del quales le plus es subterranee proque il es necessari ordinar los in avantia. Solmente le personal ha admission al magazines subterranee.