Liga de Nationes

Le Liga de Nationes o le Societate de Nationes esseva establite in 1920 como un condition del Tractato de Versailles, le qual finiva le Prime Guerra Mundial. Illo esseva un essayo a mantener le paco inter nationes. Un fallimento, illo esseva reimplaciate per le Nationes Unite.

Le resultatos psychologic e humanitari del Prime Guerra Mundial causava un grande senso del besonio del paco international. Le presidente statounitese Woodrow Wilson specialmente disveloppate le leges fundamental pro le liga. Le spero esseva que nationes del mundo poteva se reunir e discuter pro evitar guerras. Un causa pro le fallimento del liga esseva probabilemente que le Statos Unite mesme, timente que illo vadeva esser tirate a in guerres, se non univa con le liga.

Le liga habeva alcun successos. Ille solveva disputas de frontieras international inter Grecia e Turchia, e le nationes reformate in le terras slavic de Europa.

Le fallimentos del liga esseva que le Union Sovietic e Japon lassava le liga, e que nationes non voleva supportar le liga con fortia militar. Le liga habeva nulle maniera a fortiar le decisiones facite per se. Sanctiones contra Japon, Italia e Germania - totos nationes, qui comenciava le Secunde Guerra Mundial - non poteva esser applicate. Le Pacto de Kellogg-Briand in 1928, que tentava facer le guerra illegal, obviemente falleva. Le Grande Depression del annos 1930 causava multe gentes se tornar al extremismo.

Le fallimentos del liga monstrava le besonio de un organisation plus forte de nationes, e post le Secunde Guerra Mundial in 1945 le Nationes Unite esseva establite, iste vice con le supporto del SUA e Union Sovietic.

Referentias

https://historycooperative.org/league-of-nations-a-history/

https://history.com/topics/world-war-i/league-of-nations

https://time.com/5507628/league-of-nations-history-legacy/