Moai
| Moai |
|---|
| instantia de: sito archeologic[*] |
| subclasse de: colossal statue[*] |
|
|
|
| Commons: Moai |
Un moai[1] [mo-ái] es un statua lithic in le Insula de Pascha. In le majoritate del casos, le statuas es monolithic (sculpite de un singule lapide), sed alicun ha un parte lithic additional e separate appellate Pukau ponite super su capites. Il ha plus de 600 moais cognoscite de esser in le insula. Le majoritate del moais esseva sculpite del lapide de Rano Raraku, ubi quasi 400 plus moais resta in varie scenas de completion. Ben que usualmente identificate como "capites", plures del moais ha humeros, bracios, e torsos, que deveniva interrate trans le annos.
Le labor in petra ibi pare que ha essite abandonate abruptemente, con statuas non finite. Practicamente omne del moais finite ha cadite debite al nativos in le periodo post del construction.
Theorias
[modificar | modificar fonte]Le significantia del moais totevia non es clar; il ha plure theorias super le statuas.
Le theoria plus commun es que le statuas esseva sculpite per le nativos polynesian del insulas 1000 o plus annos retro. Il es credite que illos ha essite representationes de morte de ancestres (como tumbas), o forsan importante personas, como symbolos del stato de un familia. Le statuas esseva multo costose a crear. Illos non solmente requireva annos de sculper, sed etiam plure labores pro mover los a su final locationes. Ben que non es sapite exactemente como le moais esseva movite, le processo quasi certemente requireva ligno pro slittas e/o rolos. Il es credite que le demanda pro ligno pro appoiar le excessive creation del statuas causava le complete deforestation del insula, que etiam causava le rapide abandonamento del labor in petra.
Le legendas ancian in le insula parla re un chef de un clan qui cercava un nove home. Ille seligeva tunc le Insula de Pascha. Quando ille moriva, le insula esseva partite a su filios. Quandocunque un chef de un de ille clanes moriva, un moai esseva ponite al tumba del chef. Le nativos credeva que ille statuas retenerea le mano del chefs, e que al retener su mano, su prosperitate restarea: le pluvia venirea e le recoltas crescerea. Le legenda pote haber essite corrumpite de su forma original a causa del annos.
Altere personas crede que le maois non esseva create pro marcar tumbas, sed pro placar extraterrestres. Le amatores de OVNIs e conspirationes, e alicun religiones, ha declarate que extraterrestres regeva le Insula de Pascha usque le millennio passate.
Ligamines externe
[modificar | modificar fonte]- (anglese) PBS NOVA: Secrets of Easter Island
- (anglese) PBS NOVA: Secrets of Lost Empires: Easter Island
Bibliographia
[modificar | modificar fonte]- (anglese) Rediscovering Easter Island per Kathy Pelta, Copyright 2001 Lerner Publications Company, North Minneapolis, USA
- (anglese) Ancient Mysteries per Rupert Matthews, Copyright 1988 Wayland Limited East Sussex, England