Unitate de base del SI
| Unitate de base del SI |
|---|
| subclasse de: unitate del SI[*], unitate coherente del SI[*], base unit[*] |
| parte de: Systema International de Unitates |
|
|
|
Le Systema International de Unitates (SI) defini septe unitates de base o unitates basic: unitates physic fundamental que ha definitiones operational.
Le altere unitates in le SI, derivate de iste unitates de base, es cognoscite como le unitates derivate.
Longitude
[modificar | modificar fonte]Unitate: metro (symbolo: m)
Un metro es definite como le distantia que le lumine percurre in un vacuo in 1/299792458 de un secunda. Iste standard esseva adoptate in 1983, quando le velocitate de lumine in un vacuo esseva definite precisemente como 299 792 458 m/s.
Massa
[modificar | modificar fonte]Unitate: kilogramma (kg)
Un kilogramma es definite como le massa del "prototypo international del kilogramma". Isto es un cylindro facite de un alligato de platino e iridium, manufacturate in le annos 1880, que es conservate al Bureau International de Pesos e Mesuras proxime a Paris. On se effortia verso le introduction de un definition basate super constantes fundamental o atomic.
Tempore
[modificar | modificar fonte]Unitate: secunda (s)
Un secunda es le duration de 9 192 631 770 periodos del radiation correspondente al transition inter le duo nivellos hyperfin del stato fundamental de cesium 133. Iste definition esseva adoptate in 1967.
Currente electric
[modificar | modificar fonte]Unitate: ampere (A)
Le ampere es le intensitate de un currente que, mantenite in duo conductores parallel e rectilinee de longitude infinite, de section circular negligibile, e placiate a un distantia de 1 metro le un del altere in un vacuo, producerea inter iste conductores un fortia equal a newton per metro de longitude.
Temperatura thermodynamic
[modificar | modificar fonte]Unitate: kelvin (K)
Le kelvin es le fraction 1/273,16 del temperatura thermodynamic del puncto triple de aqua. Illo es nominate pro Lord Kelvin.
Quantitate de materia
[modificar | modificar fonte]Unitate: mol (mol)
- Le mol es le quantitate de materia de un systema continente tante entitates elementari como il ha atomos in 0,012 kilogramma de carbon 12.
- Quando le mol es usate, le entitates elementari debe esser specificate e pote esser atomos, moleculas, iones, electrones, altere particulas, o gruppos specificate de tal particulas.
Intensitate luminose
[modificar | modificar fonte]Unitate: candela (cd)
Le candela es le intensitate luminose, in un direction date, de un fonte que emitte radiation monochromatic de un frequentia de hertz e cuje intensitate energetic in ille direction es 1/683 watt per steradian.
