Unesim Guerre Mundal

Li Unesim Guerre Mundal (alternativmen li Prim Guerre Mundal o li Gran Guerre) (28 julí 1914 – 11 novembre 1918) esset un conflicte global inter du coalitiones: li Alliates (o Entente) e li Possenties Central. Li lucta evenit principalmen in Europa e li Medie Oriente, quam anc in partes de Africa e li Asia-Pacific, e esset caracterisat per tranché-guerre e li usation de artillerie, machines fusil, e armes chimic (gas). Li Unesim Guerre Mundal esset un del plu mortaci conflictes in historie, resultant in un estimat 9 milliones de mortes militari e 23 milliones de vulnerates, plus 8 milliones mortes civil de causas queles includent genocidie.