Rehion ti Tōkai
Tōkai | |
|---|---|
    Tōkai | |
| Nagsasabtan: 35°16′12″N 137°3′0″E Nagsasabtan: 35°16′12″N 137°3′0″E | |
| Pagilian | Hapon |
| Kalawa | |
| • Dagup | 29,316.53 km2 (11,319.18 sq mi) |
| Populasion (Marso 1, 2010) | |
| • Dagup | 15,138,397 |
| • Densidad | 520/km2 (1,300/sq mi) |
Ti Rehion ti Tōkai (東海地方, Tōkai-chihō) ket maysa nga apo ti rehion iti rehion ti Chūbu iti Hapon nga addaan iti igid ti Taaw Pasipiko. Ti kayat a sawen ti naganna ket ti "Daya a baybay" ken naggapu daytoy iti Tōkaidō, maysa kadagiti Lima a Pagdalanan ti Edo. Gapu ta ti Tōkai ket maysa nga apo ti rehion ken saan nga opisial a nainaganan, adda dagiti panagsuppiatan no ania ti pagrugian ken gibusan iti daytoy a rehion, nupay kasta dagiti mapa ti Hapon ket kaaduan a mangitudtudo a ti rehion ket mangraman kadagiti prepektura ti Shizuoka, Aichi, Gifu ken Mie.
Ti kadakkelan a kangrunaan a siudada iti daytoy a rehion ket ti Nagoya ken ti Chūkyō Metropolitano a Lugar (Nagoya a Metropolitano a Lugar) a mangbukel ti kadakkelan a paset iti daytoy a rehion ken ti maikatlo a kadakkelan nga ekonomia ti Hapon. Ti komersio nga impluensia iti daytoy nga urbano a lugar ket sagpaminsan nga agigay-at kadagiti nakapalikmut a luglugar dagiti tallo a prepektura a naipatengnga iti Nagoya a dagitoy ket ti Aichi, Gifu, ken Mie; daytoy a lugar ket sagpaminsan pay a naitudtudo a kas ti rehion ti Chūkyō.
Ti Tōkai ket addaan iti kaaduan kadagiti agpadpataud a lugar ken maysa kadagiti kaaduan ti industria a rehion iti Hapon. Ti pantarna ket naliniaan kadagiti napusek ti populasionn a siudad nga addaan kadagiti ekonomia a sumalibukag kadagiti pabrika.
Ti rehion ti Tōkai ket nakapadas kadagiti dadakel a gingined, a mairaman kadagiti nalatak a gingined idi 1944 (naam-ammuan pay a ti "Tonankai a gingined") ken idi 1945 (naam-ammuan pay a ti "Mikawa a gingined").[1] Dagiti sumaganad nga obra ni Kiyoo Mogi, ket agipadpadto ng adda posibilidad a daytoy a lugar ket suheto iti naababaw a kadakkel 8.0 a gingined iti masakbayan a panawen.[2] Ti Nagoya, Shizuoka, ken dagiti dadakkel a siudad ket dakkel to a madadael, a ribribo dagiti madangran, no saan a riwriw, a makaaramid daytoy ti kadaksan a didigra iti Daga.
Dagiti nagibasaran
[urnosen | urnosen ti taudan]- ^ Karan, Pradyumna Prasad. (2005). Ti Hapon iti maika-21 a Siglo: Katutubo, Ekonomia, ken Kagimongan, p. 36, p. 36, iti Liblibro ti Google.
- ^ Dua a didigra a banbanag a maipapan iti inururay a gingined ti Tokai Naiyarkibo 2017-09-14 iti Wayback Machine Kiyoo Mogi, Daga Planeta Law-ang, Tomo. 56 (No. 8), pp. li-lxvi, naipablaak idi 2004, naala idi 2011-03-11
