Batalio di Maldon
| Batalio di Maldon | |||
| |||
| Statuo pri Brythnoth proxim la loko di la batalio. | |||
| Konflikto: | Vikinga invadi en Anglia | ||
| Dato: | 11ma di agosto 991 | ||
| Loko: | proxim Maldon, Essex, Anglia | ||
| Rezulto: | Vikingi vinkis Angli. | ||
| Armeo di Wessex | ↔ | Vikingi | |
| Byrhtnoth † | ↔ | Olaf Tryggvason | |
| nekonocata | ↔ | de 2000 til 4000 soldati | |
| nekonocata | ↔ | nekonocata | |
La batalio di Maldon eventis ye la 11ma di agosto 991, proxim la nuna urbo Maldon, an la rivi dil fluvio Blackwater, en Essex, Anglia, dum la regno di Æthelred la 2ma. Anglosaxoni, komandita da Byrhtnoth, luktis kontre invaderi Vikingi, de Norvegia. La batalio rezultis la vinkeso di Anglosaxoni, e pago di tale nomizita danegeld, impozita da Vikingi por preventar lia atako e spolio, lor equivalanta a 10 mil "Romana funti" (equivalanta nun a 3300 kg). To esis l'unesma exemplo pri tributado kambie paco, pagita a Vikingi en Anglia.
Tale nomizita Kroniko Anglosaxona esis samatempa fonto qua naracas kelk aspekti dil konflikto. Segun la kroniko, Olaf Tryggvason komandis Vikinga trupi, kalkulita de 2000 til 4000 soldati. Altra fonto, de la 12ma yarcento, nomizita Liber Eliensis, dicas ke Byrhtnoth nur havis poka soldati: «[Byrthnot] nulatempe suciis pri la mikreso di lua armeo, nek timis la grandeso dil enemiko».
Ca batalio esis temo por poemo samnoma, skribita kelka yari pose, en dato nekonocata.