Cimo
Cimo (Cimex lectularius) esas insekto plata e mal-odoroza, longa de 3,5 til 8 mm, qua nutras su de sango ek homo od altra viktimi.
Cimo esas bruna, ma ol divenas plu blankatra pro esinte sen nutrivo. Ol esas tam rara kam la loko esas plu higienala, e trovesas en domi e loki, en qui multa homi lojas intertempale. La femino ovifas 1–12 ovi po dio.
Cimo vivas en liti, krevisuri di tapeti, dop surmurala pikturi e tapisi e sub pavimentala lati. Olua habiteyo povas esar anke la dometo o nesto di hemala animalo. Maxim bona indikajo pri cimo esas feko-amaseti apud olua viveyo. Pluse vakua peli di larvi ed ovo-skalio esas trovebla se cimo vivas en la loko.
Cimo preferas la chambrala temperaturo. Adulta cimi mortas en severa koldeso (prox. -18 °C) dum un horo.
Cimi e sua larvi sugas sango ek homi od altra viktimi precipue dum nokto, kande li dormas. Ofte existas tri traci de mordo, pro ke cimo transmovas a nova loko kande la viktimo movabas.
