Zinko

Zinko
Nomo	Zinko
Simbolo	Zn
Atomala nombro	30
Kemiala serio	Transita metalo
Atomala pezo	65,409 UMA
Elektronala figuro	[Ar] 3d10 4s2

Fragmento de lingoto di zinko (sinistre, adsupre), sublimita dendrito, e kubo kun 1 cm³ por komparo. Omni kun 99,995% pureso.

Zinko esas metalo simpla, blue-blanka kande l'oxidigo formovesas, lameloza, duktila, e kelke frajila al ambientala temperaturo. Ol esas fuzebla a la temperaturo di 419°C. Pos laminado, ol uzesas por facar kovrili di tekti, pluvo-kanali tektala, tubi, balnokuvi, siteli, edc. Ol havas kemiala simbolo Zn ed atomala nombro 30.

Zinko esas mineralo esencala a la vivo e por lua developo, sive ante nasko, sive pose. La deficito di zinko afektas cirkume 2 miliardi personi en tota mondo, ed asociesas a multa morbi.