2. ágúst

2. ágúst er 214. dagur ársins (215. á hlaupári) samkvæmt gregoríska tímatalinu. 151 dagur er eftir af árinu.

Atburðir

• 216 f.Kr. - Orrustan við Cannae. Her Karþagómanna undir forystu Hannibals vann sigur á fjölmennari rómverskum her.
• 461 - Ricimer handtók Majorianus keisara og svipti hann völdum.
• 1274 - Játvarður 1. Englandskonungur sneri aftur úr Níundu krossferðinni og var krýndur konungur.
• 1332 - Konungslaust varð í Danmörku við lát Kristófers 2. og varði það ástand til 1340.
• 1450 - Kristján 1. var krýndur konungur Noregs í Niðarósdómkirkju.
• 1589 - Hinrik 3. Frakkakonungur lést af völdum sára sem hann hlaut þegar launmorðingi réðist að honum daginn áður og Hinrik af Navarra (Hinrik 4.) varð konungur Frakklands.
• 1610 - Henry Hudson sigldi inn í Hudsonflóa og taldi að hann hefði fundið norðvesturleiðina og væri kominn inn í Kyrrahaf.
• 1611 - Thomas Gates tók við stjórn virkisins í Jamestown.
• 1776 - Sjálfstæðisyfirlýsing Bandaríkjanna undirrituð.
• 1798 - Orrustan um Níl (orrustan í Aboukir-flóa). Breski flotinn vann sigur á þeim franska í sjóorrustu sem hófst daginn áður.
• 1870 - Fyrsta neðanjarðarlest í heimi hóf göngu sína í London.
• 1874 - Þjóðhátíð vegna 1000 ára Íslandsbyggðar haldin um land allt. Hátíðin var haldin í Öskjuhlíð í Reykjavík. Gengin var skrúðganga frá Dómkirkjunni að Öskjuhlíð eftir messu. Við messuna var frumfluttur Lofsöngur eftir Matthías Jochumsson við lag eftir Sveinbjörn Sveinbjarnarson.
• 1883 - Í Reykjavík var opnuð iðnsýning, þar sem meðal annars voru sýndar vandaðar dýramyndir eftir Benedikt Gröndal.
• 1885 - Norðan við Dómkirkjuna í Reykjavík var afhjúpaður minnisvarði um Hallgrím Pétursson eftir Júlíus Schou steinsmið.
• 1897 - Stúdentafélagið gekkst fyrir því að haldinn var hátíðlegur þjóðminningardagur í Reykjavík með söng, íþróttasýningum og ræðuflutningi. Þessi dagur var síðan haldinn hátíðlegur þar til 17. júní tók við af honum sem aðalhátíðisdagur þjóðarinnar 1911.
• 1897 - Hvítbláinn fyrst dreginn að húni. Það gerði Kvenfélagið í Reykjavík, að forgöngu Þorbjargar Sveinsdóttur, föðursystur Einars Benediktssonar, á hátíð í bænum.
• 1907 - Ungmennafélag Íslands var stofnað
• 1914 - Þjóðverjar hernámu Lúxemborg.
• 1914 - Tyrkjaveldi skuldbatt sig til hlutleysis í leynisamningi við Þjóðverja.
• 1920 - Herlög tóku gildi á Írlandi.
• 1923 - Calvin Coolidge varaforseti tók við sem 30. forseti Bandaríkjanna þegar Warren G. Harding lést í embætti.
• 1924 - Fyrsta flug yfir Atlantshaf til Íslands. Sænskur flugmaður, Erik H. Nelson, flaug frá Kirkwall á Orkneyjum til Hornafjarðar.
• 1927 - Gamla bíó í Ingólfsstræti var opnað með frumsýningu myndarinnar Ben Hur með Ramon Novarro í titilhlutverki.
• 1931 - Í Reykjavík var haldið fjöltefli og tefldi þar heimsmeistarinn, Alexander Aljekhín við íslenska skákmenn.
• 1933 - Hvítahafsskurðurinn milli Hvítahafsins og Eystrasalts var opnaður.
• 1945 - Potsdam-ráðstefnunni lauk.
• 1954 - Á Hornafirði var afhjúpað minnismerki um fyrsta flug yfir Atlantshafið til Íslands.
• 1964 - Víetnamstríðið: Fyrri Tonkinflóa-atburðurinn svokallaði. Norðurvíetnamskir fallbyssubátar voru taldir hafa skotið á bandaríska tundurspilla og notuðu Bandaríkjamenn það sem réttlætingu fyrir því að senda herlið til Víetnam og hefja fulla þátttöku í stríðinu. Seinna hefur komið í ljós að þeir skutu líklega sjálfir fyrstu skotunum.
• 1969 - Tveir menn voru hætt komnir er gassprenging varð í vitanum á Gjögurtá eftir að gasbirgðir voru endurnýjaðar.
• 1974 - Brjóstmynd af Tómasi Guðmundssyni, sem kallaður var Reykjavíkurskáldið, var afhjúpuð í Austurstræti.
• 1980 - Blóðbaðið í Bologna: Sprengja sprakk á járnbrautarstöðinni í Bologna á Ítalíu. 85 manns fórust og yfir 200 særðust.
• 1985 - Delta Air Lines flug 191 hrapaði við Dallas í Texas með þeim afleiðingum að 137 létust.
• 1985 - 350 tonn af olíu láku í Limafjörð í Danmörku eftir að vesturþýskt tankskip strandaði.
• 1986 - Fyrsta teiknimyndin sem Studio Ghibli framleiddi, Laputa, var frumsýnd í Japan.
• 1988 - Flugslys varð í Reykjavík og fórust þrír menn er kanadísk flugvél skall í jörðina á milli[Hringbrautar og flugbrautarendans.
• 1989 - Pakistan varð aftur aðili að Breska samveldinu eftir úrsögn árið 1972.

• 1990 - Fyrra Persaflóastríðið: Írak réðist inn í Kúveit.
• 1990 - Fyrsta reykingabannið á börum í Bandaríkjunum tók gildi í San Luis Obispo í Kaliforníu.
• 1995 - Fyrstu kuldaskil Hvíta jarðskjálftans gengu yfir Chile.
• 1997 - Ástralska skíðakennaranum Stuart Diver var bjargað úr Thredbo-skriðunni í Nýju Suður-Wales.
• 1998 - Ítalski hjólreiðamaðurinn Marco Pantani sigraði Tour de France-keppnina.
• 2001 - Alþjóðadómstóllinn í Hag dæmdi Radislav Krstic í 46 ára fangelsi fyrir fjöldamorðin í Srebrenica.
• 2002 - Þing Tyrklands samþykkti afnám dauðarefsingar á friðartímum.
• 2005 - Apple Mighty Mouse var sett á markað.
• 2007 - Rússneskur smákafbátur komst á botninn undir Norðurskautinu og skildi eftir rússneska fánann í málmhylki á 4.261 metra dýpi.
• 2015 - 9000 slökkviliðsmenn voru kallaðir út til að berjast við skógarelda í Kaliforníu.

Fædd

• 1674 - Filippus 2., hertogi af Orléans, ríkisstjóri Frakklands (d. 1723).
• 1696 - Mahmud 1., Tyrkjasoldán (d. 1754).
• 1714 - Gunnar Pálsson, íslenskur prestur, fræðimaður og skáld (d. 1791).
• 1801 - Baldvin Einarsson, íslenskur lögfræðingur og einn af upphafsmönnum sjálfstæðisbaráttunnar (d. 1833).
• 1815 - Helgi Sigurðsson, prestur og fornminjasafnari (d. 1888).
• 1858 - Emma Hollandsdrottning, kona Vilhjálms 3. konungs Hollands (d. 1934).
• 1868 - Konstantín 1. Grikkjakonungur (d. 1923).
• 1888 - Pétur Ottesen, íslenskur alþingismaður (d. 1968).
• 1888 - Sigrún Sigurhjartardóttir, húsfreyja í Svarfaðardal (d. 1959).
• 1893 - Ángel Romano úrúgvæskur knattspyrnumaður (d. 1972).
• 1921 - Ruth Barcan Marcus, bandarískur heimspekingur og rökfræðingur (d. 2012).
• 1923 - Shimon Peres, ísraelskur stjórnmálamaður (d. 2016).
• 1925 - Jorge Rafael Videla, einræðisherra í Argentínu (d. 2013).
• 1931 - Takashi Takabayashi, japanskur knattspyrnumaður (d. 2009).
• 1932 - Peter O'Toole, enskur leikari (d. 2013).
• 1942 - Isabel Allende, chileskur rithöfundur.
• 1954 - Eyþór Árnason, íslenskur leikari og skáld.
• 1969 - Þórir Gunnarsson, íslenskur bassaleikari.
• 1970 - Kevin Smith, bandarískur leikari.
• 1972 - Andrea Jóhanna Ólafsdóttir, íslenskur forsetaframbjóðandi.
• 1974 - Guðni Halldórsson, íslenskur kvikmyndaklippari.
• 1975 - Naoki Sakai, japanskur knattspyrnumaður.
• 1976 - Sam Worthington, ástralskur leikari.
• 1979 - Hitoshi Sogahata, japanskur knattspyrnumaður.
• 1979 - Ryuji Bando, japanskur knattspyrnumaður.
• 1984 - JD Vance, bandarískur stjórnmálamaður.
• 1991 - Hrafnhildur Lúthersdóttir, íslensk sundkona.

Dáin

• 257 - Heilagur Stefán páfi.
• 640 - Severínus páfi.
• 686 - Jóhannes V páfi.
• 1100 - Vilhjálmur 2. Englandskonungur (f. um 1056).
• 1330 - Jólanda af Dreux, Skotadrottning (kona Alexanders 3.) og síðar hertogaynja af Bretagne (f. 1263).
• 1332 - Kristófer 2. Danakonungur (f. 1276).
• 1589 - Hinrik 3. Frakkakonungur (f. 1551).
• 1788 - Thomas Gainsborough, enskur listmálari (f. 1727).
• 1791 - Gunnar Pálsson, prestur, fræðimaður og skáld (f. 1714).
• 1799 - Jacques-Étienne Montgolfier, franskur uppfinningamaður (f. 1745).
• 1876 - Villti Bill Hickok, bandarískur kúreki og skemmtikraftur (f. 1837).
• 1899 - Benedikt Sveinsson, íslenskur sýslumaður (f. 1826).
• 1907 - Benedikt Gröndal, rithöfundur (f. 1826).
• 1922 - Alexander Graham Bell, skosk-bandarískur vísindamaður og uppfinningamaður (f. 1847).
• 1923 - Warren G. Harding, 29. forseti Bandaríkjanna (f. 1865).
• 1934 - Paul von Hindenburg, þýskur marskálkur og forseti Þýskalands (f. 1847).
• 1945 - Ingibjörg Skaptadóttir, íslenskur ritstjóri (f. 1867).
• 1946 - Jóannes Patursson, færeyskur stjórnmálamaður (f. 1866).
• 1958 - Helgi Tómasson, yfirlæknir á Kleppsspítala (f. 1896).
• 1976 - Fritz Lang, austurrískur kvikmyndaleikstjóri (f. 1890).
• 1988 - Raymond Carver, bandarískur smásagnahöfundur og ljóðskáld (f. 1938).
• 1996 - Obdulio Varela, úrúgvæskur knattspyrnumaður (f. 1917).
• 1997 - William S. Burroughs, bandarískur rithöfundur (f. 1914).
• 1998 - Otto Bumbel, brasilískur knattspyrnuþjálfari (f. 1914).
• 2011 - Baruj Benacerraf, bandarískur læknir og nóbelsverðlaunahafi (f. 1920).
• 2017 - Jim Marrs, bandarískur samsæriskenningasmiður (f. 1943).