Hadíða

Hadíð (arabíska الحديث, fleirtala á arabísku er ahadith, þýðir nánast „frásögn“, „hefð“) er hugtak í íslam yfir stuttar frásögur af eða um Múhameð eða einhvern af nánustu fylgjendum hans. Tilgangur þessara frásagna er að varpa ljósi á hvað er rétt „hefð“ (sunna) til lausnar á ákveðnu vandamáli. Hadíðurnar hafa sérlega mikilvægu hlutverki að gegna við túlkanir á sharía-réttarreglum hins íslamska réttarkerfis. Hver hadíða samanstendur oftast af tveimur hlutum, isnad (stuðningur) og matn (aðalhluti, innihald). Isnadinn er listi yfir þær persónur sem borið hafa frásögnina, það er að segja alla frásagnarkeðjuna allt frá dögum Múhameðs og þar með hvers konar tiltrú sé hægt að leggja á hana.

Fjöldi hadíða er í núverandi söfnum mjög mikill - hundruð þúsunda - en margar þeirra eru einungis afbrigði. Andstæðar frásagnir eru einnig teknar með og er túlkun og íhugun á þessum mótsetningum sérstakur hluti af námi í íslömskum rétti. Sunní og shía múslimar hafa ekki sameiginleg hadíð-söfn og viðurkenna í mörgum tilvikum ekki sömu hadíður.

Kóranistar eru múslimar sem hafna hadíðum alfarið og byggja túlkun sína á íslamstrú eingöngu á kóraninum.

Tenglar

Hadíða-söfn

The Seven Canonical Hadith Collections
Searchable hadith Database Geymt 30 júní 2015 í Wayback Machine
Sahih al-Bukhari Geymt 8 janúar 2009 í Wayback Machine
Sahih Muslim Geymt 14 júní 2006 í Wayback Machine
Abu Dawud Geymt 12 júní 2006 í Wayback Machine
Muwatta Imam Malik Geymt 28 nóvember 2008 í Wayback Machine
Searchable hadith Database

Aðrir tenglar