Cut Nyak Dhien
Cut Nyak Dhien (Lampadang, 1848 – 6 November 1908, Sumedang, Jawa Kulon; dimakamké ing Gunung Puyuh, Sumedang), iku Pahlawan Nasional Indonésia saka Acèh kang berjuang nglawan Walanda ing mangsa Perang Acèh. Sawisé wewengkon VI Mukim diserang, panjenengané ngungsi, sauntara garwané, Ibrahim Lamnga mèlu perang nglawan Walanda. Ibrahim Lamnga tèwas ing Gle Tarum tanggal 29 Juni 1878 kang njalari Cut Nyak Dhien murka lan sumpah bakal numpes Walanda.
| Cut Nyak Dhien | |
|---|---|
 Cut Nyak Dhien | |
| Lair | 1848 Kesultanan Acèh Lampadang, Kesultanan Acèh |
| Pati | 6 November 1908 (yuswa 59–60) Sumedang, Hindia Nèderlan |
| Kondhang ing | Pahlawan Nasional Indonésia |
| Bojo | Ibrahim Lamnga, Teuku Umar |
| Anak | Cut Gambang |
Teuku Umar, salah siji tokoh kang nglawan Walanda, nglamar Cut Nyak Dhien. Wiwitané Cut Nyak Dhien nulak, nanging amarga Teuku Umar ngidinaké mèlu perang, Cut Nyak Dhien setuju palakrama ing taun 1880 kang njalari moral wadyabala perlawanan Acèh tansaya mundhak. Tembé mburi Teuku Umar lan Cut Nyak Dhien patutan kang asmané Cut Gambang.[1] Sawisé nikah karo Teuku Umar, panjenengané bebarengan karo Teuku Umar nerusaké paperangan nglawan Walanda, nanging, Teuku Umar palastra wektu nyerang Meulaboh ing tanggal 11 Fèbruari 1899, saéngga panjenengané berjuang dhéwé ing pedalaman Meulaboh karo pasukané. Cut Nyak Dien wektu semana wis tuwa lan duwé lelara encok lan rabun, saéngga siji anakbuahé aran Pang Laot nglaporaké awit krasa mesakaké.[2][3] Wusanané Cut Nyak Dhien dicekel lan digawa menyang Banda Acèh, kangggo dirawat lan penyakité wiwit mari, nanging, panjenengané banjur nambah semangat perlawanan rakyat Acèh sarta isih kekanthèn karo para pejuang Acèh kang durung kecekel, saéngga Cut Nyak Dhien banjur dipindah menyang Sumedang, Jawa Kulon, lan sabanjuré séda ing tanggal 6 November 1908 lan disarèkaké ing Gunung Puyuh, Sumedang.
Apresiasi
besutBiografi sajeroning kagunan
besut
Perjuangan Cut Nyak Dien digambaraké sajeroning filem kanthi irah-irahan Tjoet Nja' Dhien ing taun 1988 kang disutradarani déning Eros Djarot lan dibintangi Christine Hakim minangka Tjoet Nja' Dhien, Piet Burnama dadi Pang Laot, Rudy Wowor dadi Snouck Hurgronje lan Slamet Rahardjo dadi Teuku Umar. Film iki ngrengkuh Piala Citra minangka filem paling apik, lan minangka filem Indonésia pisanan kang ditayangaké ing Festival Film Cannes (taun 1989).
Biografinya juga pernah dituangkan dalam wujud carita bergambar kanthi berseri dalam majalah anak-anak Ananda.
Pakurmatan
besutSawijining kapal perang TNI-AL dijenengi KRI Cut Nyak Dhien.
Uga delengen
besutRéferènsi
besutCathetan sikil
besut- ↑ "Tjoet Njak Dien (Cut Nyak Dhien)".
- ↑ Armand, Deddi. Cut Nyak Dien. Penerbit: Pustaka Ananda
- ↑ "Tentang Cut Nyak Dien di tokohindonesia.com". Diarsip saka sing asli ing 2006-11-21. Dibukak ing 2008-03-11.
Pratélan pustaka
besut- Armand, Deddi. Cut Nyak Dien. Penerbit: Pustaka Ananda.
- Sudarmanto, Y.B. 1999. Jejak Pahlawan Indonésia. Penerbit: Grasindo.
- Muhazir. 1984.Pahlawan Repulusi Acèh
Pranala njaba
besut- Biografi Cut Nyak Dhien ing tokohindonesia.com Archived 2006-11-21 at Archive.is
- Biografi Cut Nyak Dhien ing Website Pamaréntah Propinsi Nanggroe Aceh Darussalam Archived 2008-02-02 at the Wayback Machine.
 | Artikel biografi Indonésia iki minangka artikel rintisan. Kowé bisa ngéwangi Wikipédia ngembangaké. |