Bekicot
| Bekicot | |
|---|---|
.jpg)
| |
| Achatina fulica di Bali | |
NE[1]
| |
| Klasifikasi ngèlmiah | |
| Karajan: | Animalia |
| Filum: | Mollusca |
| Klas: | Gastropoda |
| Superfamili: | Achatinoidea |
| Unranked: | clade Heterobranchia
informal group Pulmonata |
| Famili: | Achatinidae |
| Subfamili: | Achatininae |
| Génus: | Achatina |
| Subgénus: | Lissachatina |
| Spésies: | A. fulica |
| Jeneng binomial | |
| Achatina fulica (Férussac, 1821) | |
Bekicot utawa Achatina fulica[2] ya iku sijining gastropoda darat kang ginolong ing suku Achatinidae.
Kéwan iki asalé saka Afrika Wétan banjur sumebar ing kabèh nagara amarga kegawa prau dagang, utawa sengaja digawa kanggo ingon-ingon utawa sumber pangan lan sabanjuré dadi spésies invasif paling ala lan gawé rusak ing bumi[3], sahengga pira-pira nagara gawé aturan kang nyegah wargane ndadekakae kéwan iki ingon-ingon[4] kalebu Amerikah Sarekat. Kéwan iki rumatane gampang lan ing pira-pira panggon uga dipangan, kalebu ing Indonesia. Sanajan bisa uga nggawa parasit, bekicot ingon racaké ora nggawa parasit. Parasit kang digawa ya iku jinis cacing Angiostrongylus cantonensis kang njalari meningitis tumrape manungsa, kang nular kanthi cara mangan bekicot mentah utawa ora diolah kanthi sampurna.
Sub spésies
[besut | besut sumber]- Achatina fulica hamillei Petit, 1859
- Achatina fulica rodatzi Dunker, 1852
- Achatina fulica sinistrosa Grateloup, 1840
- Achatina fulica umbilicata Nevill, 1879
Dheskripsi
[besut | besut sumber]Bekicor diwasa gedhene udakara 7 cm lan dawane bisa nganti 20 cm utawa luwih.
Cangkange wujud conthong lan racaké mlungker ora searah jarum jam (dextral). Werna cangkange rupa-rupa, gumantung saka pangane, mligi wern asoklat.
Habitat
[besut | besut sumber]Bekicot asalé saka Afrika Wétan, mligi saka Kenya lan Tanzania, asline urip ing pasir kang teles, uga laladan-laladan tropis kang lembab. Kéwan iki invasiv. Bekicot saiki bisa tinemu ing laladan tetanen, atol, alas, karang padésan lan liyané.
Pakan
[besut | besut sumber]Bekicot mangan tuwuhan, kluban lan woh-wohan sembarang jinis. Kadhang uga mangan pasir utawa krikil lan bathang kéwan liya Kanggo sumber kalsium.
Cara manak
[besut | besut sumber]
Kéwan iki kagolong hermaprodit, ya iku saben kéwan duwé sipat lanang lan wadon. Nanging kéwan iki merlokake individu liya kanggo kawin lan bekicot kang luwih gedhé dadi kéwan kang wadon. Nalikane ngendhog, bekicot bisa ngetokaké cacah 200 iji, kaping 5-6 saben taun lan kemungkinan netes 90%.
Anakan bekicot bisa dadi diwasa ing wektu 6 sasi, umuré bisa nganti 6-10 taun. Kéwan iki sesaba ing wektu bengi lan nalika awan ndhelik ing njero lemah utawa ngisor uwuh, watu utawa kayu mati.
Nalikane katiga dawa, bekicot bisa urip tanpa pangan nganti 3 taun, kanthi gawé lembaran kanggo nutup cangkange sahengga sanajan sakiwa-tengene kurang banyu bekicot ora kelangan cuwèran.
Spesies Invasif
[besut | besut sumber]Bekicot kalebu kéwan anyar kang ana ing Indonesia. Tekan ing Indonesia lumantar prau dagang lan lumebu ing pelabuhan Semarang nalikane akir jaman Walanda. Sabanjure bekicot banjur sumebar lan angèl anggoné ngendhaleni.
Rujukan
[besut | besut sumber]- ↑ IUCN 2009. IUCN Red List of Threatened Species. Version 2009.1. <www.iucnredlist.org>. Downloaded on 10 July 2009.
- ↑ "Achatina fulica". Sistem Informasi Taksonomi Kaintegrasi.
- ↑ Global Invasive Species Database: 100 of the Worst Invasive Species
- ↑ Should Giant African Land Snails Be Kept as Pets At All?
.png){kind=small} | Artikel bab kéwan iki minangka artikel rintisan. Kowé bisa ngéwangi Wikipédia ngembangaké. |