Son Goku
Goku ya iku tokoh baku ana ing carita Dragon Ball.[1] Goku kang duwé buntut iki ya iku keturunan saka bangsa Saiya, Goku ora ngerti yèn dhèwèké asalé saka suku Saiya, nanging nalika kangmasé, Raditz, budhal menyang Bumi, banjur dicaritakaké sajarah nalika Goku isih cilik.[1] Goku kang lair ing planit Vegeta lan diutus menyang Bumi kanggo nglakokaké sawijining misi iki ngentèkaké wektu cilike bareng mbahe, Gohan, kang menemoké dhèwèké nalika isih bayi ana ing sajeroning alas.[1] Petualangan Goku diwiwiti nalika dhèwèké ketemu karo Bulma lang lagi nggoleki Dragon Ball kang jebulane ana ing ana ing omahé goku (Dragon Ball bintang 4 ya iku siji-sijiné tilas saka mbahé Goku kang isih ana.[1] Tansaya suwé Goku lan Bulma bareng-bareng nggolèki dragon ball, banjur ketemu karo tokoh liyané ana ing filem dragon ball kaya Master Roshi kang dadi guru pisanan saka Goku, Oolong, Yamcha, Puar, Chi-Chi, lan liya-liyané.[1] Kakarot ya iku jeneng undang-undangan kanggo Goku.[1] Jeneng iki ya iku jeneng kang diwènèhaké déning bangsa Saiya marang Goku.[1] Saben bangsa Saiya mesti ngundang Goku kanthi jeneng Kakarot, kaya kang dilakokaké déning Raditz, Nappa, Vegeta, Broly, lan Turles.[1]
Tujuan
[besut | besut sumber]Tujuan Goku dikirim menyang planit bumi nalika isih bayi ya iku kanggo mbinasaké kabèh makluk kang urip ana ing planit bumi.[2] Amarga Son Goku kang lair duwé jeneng Kakarot lan minangka ksatria kang duwé daya tempur ana ing sangisoré rata-rata bayi Saiya liyané, mula Son Goku banjur di utus kanggo musnahaké makluk kang ana ing planit kang ana ing jeroné ora ana kang duwé daya tempur kang dhuwur.[2] Son Goku dikarepake bisa musnahaké makluk kang ana ing bumi kanthi rikat, amarga nalika wulan purnama teka bangsa Saiya bisa nuduhake kekuwatan kang sejatine.[2] Nanging nalika ana ing Bumi karo pesawat akasa kanggo pisanan, Son Goku tinemu déning wong kang ora duwé kulawarga.[2]
Cathetan suku
[besut | besut sumber]
| Artikel iki minangka artikel rintisan. Kowé bisa ngéwangi Wikipédia ngembangaké. |