კლიუჩევსკაია-სოპკა

კლიუჩევსკაია-სოპკა
ვულკანი კლიუჩევსკაია-სოპკა
კოორდინატები: 56°03′22″ ჩ. გ. 160°38′39″ ა. გ.
ქვეყანა	რუსეთი
სიმაღლე	4750 მ
ტიპი	სტრატოვულკანი
ამგებელი ქანები	ბაზალტური და ნაწილობრივ ანდეზიტური ლავა
ბოლო ამოფრქვევა	2009 (გრძელდება)

კლიუჩევსკაია-სოპკა (რუს. Ключевская Сопка) — მოქმედი სტრატოვულკანი რუსეთში, კამჩატკის აღმოსავლეთ ნაწილში. უმაღლესი (4750 მ) და ყველაზე აქტიურად მოქმედი ვულკანი ევრაზიაში. აქვს სწორი კონუსი, რომლის კრატერი მუდმივად ბოლავს. ვულკანის ძირთან 70 გვერდითი კონუსი, გუმბათი და კრატერია. ვულკანის ასაკი განისაზღვრება 7000 წლით.

აგებულია ბაზალტური და ნაწილობრივ ანდეზიტური ლავებით.

270 წლის მანძილზე აღინიშნა 50-ზე მეტი ძლიერი ამოფრქვევა. ახასიათებს აქტიური ფუმაროლები და სოლფატარები. მწვერვალზე მუდმივი თოვლი და მყინვარებია. კრატერში ხშირია აფეთქებები, რომელსაც მოყვება ყუმბარებისა და ფერფლის ამოტყორცნა. 2004–2005 წწ. ამოფრქვევის შედეგად ამოსულმა ფერფლმა რეკორდულ ნიშნულს მიაღწია — 8000 მ-ს. უკანასკნელი ამოფრქვევა დაფიქსირდა 2009 წელს. არსებობს ცნობა ვულკანის სიმაღლის ზრდასთან დაკავშირებით, რაც ვულკანის აქტიურობით არის განპირობებული.

კლიუჩევსკაია-სოპკასთან ახლოს მდებარეობს ასევე აქტიური ვულკანი შიველუჩი.

ითვლება, რომ თანამედროვე დროში კლიუჩევსკაია-სოპკა აქტიურობით მეორე ვულკანია კილაუეას შემდეგ (ჰავაის კუნძულები). თანადროული ამოფრქვევა ფაქტობრივად იწყება 1983 წლიდან. ხელახლა გააქტიურდა 2009 წლიდან.

კლიუჩევსკაია-სოპკას ცნობილი ამოფრქვევები დაფიქსირდა სხვადასხვა დროში, სახელდობრ: 1737, 1932, 1938, 1944–1945, 1946, 1951, 1953, 1956, 1966, 1980, 1983, 1984, 1987, 1988-1989, 1993, 1994, 2002, 2004–2005, 2008 წწ.

კლიუჩევსკაია-სოპკას ძირას, დაბა კლიუჩიში, მდებარეობს ვულკანოლოგიისა და სეისმოლოგიის ინსტიტუტი.

• 
  კლიუჩევსკაია-სოპკა. 1994 წლის ამოფრქვევა
• 
  კლიუჩევსკაია-სოპკა. 2002 (ნასა)
• 
  კლიუჩევსკაია-სოპკა. 2010 მარტი (ნასა)
• 
  კლიუჩევსკაია-სოპკა. 2006 ივლისი

რესურსები ინტერნეტში

• კლიუჩევსკაია-სოპკას მიმდინარე აქტივობა დაარქივებული 2010-11-09 საიტზე Wayback Machine. (რუსული)
• ვულკანის მსხვილმასშტაბიანი გამოსახულება On-line რეჟიმში დაარქივებული 2010-10-31 საიტზე Wayback Machine. (რუსული)
• ვულკანის გამოსახულება On-line რეჟიმში დაარქივებული 2012-04-15 საიტზე Wayback Machine.
• დაწვრილებითი ინფორმაცია ვულკანის შესახებ დაარქივებული 2020-02-04 საიტზე Wayback Machine.
• კლიუჩევსკაია-სოპკა გლობალური ვულკანიზმის პროგრამაში დაარქივებული 2020-12-10 საიტზე Wayback Machine.

ლიტერატურა

• ქართული საბჭოთა ენციკლოპედია, ტ. 5, თბ., 1980. — გვ. 561.